ଉତ୍ତରପ୍ରଦେଶର ମୁରାଦାବାଦ ଜିଲ୍ଲାରୁ ଏକ ଅଜବ ମାମଲା ସାମ୍ନାକୁ ଆସିଛି । ବିଲାରୀ ରୋଡ଼େଓ୍ଵ ବସ୍ ଷ୍ଟାଣ୍ଡରେ ଥିବା ଏକ ନଳକୂପର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଏହି ନଳକୂପ ଭାଇରାଲ ହେବାର ମୁଖ୍ୟ କାରଣ ହେଉଛି ଏଥିରେ ପାଣି ନୁହେଁ ଏଥିରୁ ଧଳା ରଙ୍ଗର ତରଳ ପଦାର୍ଥ ବାହାରୁଛି । ସ୍ଥାନୀୟ ବାସିନ୍ଦା ଏହାକୁ କ୍ଷୀର ବାହାରୁଥିବା କହିଛନ୍ତି । ନଳକୂପରୁ କ୍ଷୀର ବାହାରିବା ଘଟଣା ସୋସିଆଲ ମିଡିଆରେ ଏବେ ଜୋରସୋରରେ ଭାଇରାଲ ହେଉଛି । ଏଭଳି ଆଶ୍ଚର୍ଯ୍ୟଜନକ ଘଟଣା ଦେଖିବା ପାଇଁ ବିଲାରୀ ବସ୍ ଷ୍ଟାଣ୍ଡରେ ବହୁ ଲୋକ ଏକତ୍ରିତ ହୋଇଥିଲେ। ଲୋକମାନେ ଘରୁ ବାଲ୍ଟି ଆଣି ଏହି କ୍ଷୀରକୁ ଭରିଥିବାର ମଧ୍ୟ ଦେଖାଯାଇଛି । ସ୍ଥାନୀୟ ଲୋକମାନେ ନଳକୂପରୁ ବାହାରୁଥିବା ଧଳା ପଦାର୍ଥକୁ କ୍ଷୀର ବୋଲି ଭାବି ଏହାକୁ ବାଲ୍ଟି ଏବଂ ପ୍ଲାଷ୍ଟିକ ବୋତଲରେ ଘରକୁ ନେଇ ଯାଇଥିଲେ ।
ଏହି ସମ୍ପୂର୍ଣ୍ଣ ଘଟଣା ବିଷୟରେ ପ୍ରଶାସନିକ ଅଧିକାରୀଙ୍କୁ ସୂଚନା ଦିଆଯାଇଥିଲା । ଘଟଣା ବିଷୟରେ ଜାଣିବା ପରେ ପ୍ରଶାସନିକ ଅଧିକାରୀ ତୁରନ୍ତ ଘଟଣା ସ୍ଥଳରେ ପହଞ୍ଚିଥିଲେ । ସେ ସେଠାରେ ଯାଇ ଦେଖଥିଲେ ଯେ ନଳକୂପ ନିକଟରେ ଏକ ପ୍ଲାଟଫର୍ମ ଅଛି, ଯାହା ଭାଙ୍ଗି ଯାଇଛି । ଏହି କାରଣରୁ କିଛି ପଦାର୍ଥ ପାଣି ସହିତ ମିଶି ନଳକୂପରୁ ଧଳା ପାଣି ବାହାରୁଥିଲା । ଯାହାକୁ କେମିକାଲ ପାଣି ବୋଲି କହିଥିଲେ ପ୍ରଶାସନିକ ଅଧିକାରୀ । ଧଳା ରଙ୍ଗର ପାଣି ବାହାରୁଥିବାରୁ ଏହି ଭିଡିଓ ସୋସିଆଲ ମିଡିଆରେ ବର୍ତ୍ତମାନ ଭାଇରାଲ ହେବାରେ ଲାଗିଛି । ନଳକୂପରୁ ବାହାରୁଥିବା ଏହି ଧଳା ପାଣିକୁ ନେଇ ଲୋକମାନେ ବିଭିନ୍ନ କାହାଣୀ କହୁଛନ୍ତି । ଭିଡିଓର ସତ୍ୟତା ଜାଣିବା ପାଇଁ ଏସଡିଏମ ବିଲାରୀଙ୍କୁ ଯୋଗାଯୋଗ କରାଯିବା ପରେ ସେ କହିଥିଲେ ଯେ ନଳକୂପରୁ ଯେଉଁ ପାଣି ବାହାରୁଛି ତାହା ଦୂଷିତ ପାଣି ।
ଭାଇରାଲ ଭିଡିଓକୁ ନେଇ ମୁୁରଦାବାଦ ଡିଭିଜନାଲ କମିଶନର ଅଞ୍ଜନେୟ ସିଂ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରି କହିଛନ୍ତି ନଳକୂପରୁ କ୍ଷୀର ବାହାରୁ ଥିବା ଘଟଣା ସମ୍ପୂର୍ଣ୍ଣ ଭାବେ ଗୁଜବ । ୱାଟର ପ୍ଲାଟଫର୍ମ ଭାଙ୍ଗିବା ଯୋଗୁଁ ନଳକୂପରୁ ଯେଉଁ ପାଣି ବାହାରୁଛି ତାହା ଧଳା ହୋଇ ବାହାରୁଛି । ନଳକୂପର ପ୍ଲାଟଫର୍ମ ନିର୍ମାଣ ପାଇଁ ବର୍ତ୍ତମାନ ନିର୍ଦ୍ଦେଶ ଦିଆଯାଇଛି । ଏହି ଘଟଣାରେ ମୋରଦାବାଦ ଜିଲ୍ଲାର ଏସଡିଏମ ରାଜ ବାହାଦୂର କହିଛନ୍ତି ଯେ ଭାଇରାଲ ଭିଡିଓକୁ ଦେଖାଯାଇଛି । ନଳକୂପ ତଳେ ଥିବା ପ୍ଲାଟଫର୍ମ ଭାଙ୍ଗିଯାଇଛି । ଏହି କାରଣରୁ କିଛି ପଦାର୍ଥ ପାଣିରେ ମିଶି ଯିବାରୁ ଏପରି ଧଳା ପାଣି ବାହାରୁଛି ।
କଟକ (କେନ୍ୟୁଜ): କଟକ scb ବଡ଼ ମେଡିକାଲରେ ଭର୍ତ୍ତି ହେଲେ ବିଧାୟକ ପ୍ରଶାନ୍ତ ଜଗଦ୍ଦେବ । ସ୍ୱାସ୍ଥ୍ୟ ଅବସ୍ଥା ଖରାପ…
ଜୟପୁର(କେନ୍ୟୁଜ): ହୋଇଯାଆନ୍ତୁ ସାମଧାନ । ବିଡ଼ି, ସିଗାରେଟ, ଗୁଟୁଖା,ଖଇନି ଖାଉଥିଲେ ଚାଲିଯିବ ଜୀବନ । କାଳ ସାଜିପାରେ ଗୁଟୁଖା ଖାଇବା…
ଭୁବନେଶ୍ୱର ପେଟ୍ରୋଲ ଦରରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ସେହିପରି ଦେଶ ଅନ୍ୟ କିଛି ସ୍ଥାନରେ ଦର ଖସି…
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ଯାଜପୁର (କେନ୍ୟୁଜ): ହାଇୱାକୁ ପଛପଟୁ ଧକ୍କା ଦେଲା ବସ୍ । ଜଣେ ମୃତ, ୧୦ ଆହତ । ଯାଜପୁର ୧୬ନଂ…
ପୁରୀ (କେନ୍ୟୁଜ): ଆଜି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା । ଶ୍ରୀକ୍ଷେତ୍ରରେ ସମ୍ପୂର୍ଣ୍ଣ ହେବ ତିନି ରଥର ଚକ ଅଖ ଡେରା…