ପିପିଲି(କେନ୍ୟୁଜ୍): ଚାଲିଛି ପାଠ ପଢା । ହାତରେ ବହି ଧରି ଶିକ୍ଷୟତ୍ରୀ ପଢାଉଛନ୍ତି ପାଠ । ସେପଟେ ପିଲାମାନେ ମଧ୍ୟ ଶିକ୍ଷୟତ୍ରୀଙ୍କ ପ୍ରଶ୍ନର ଦେଉଛନ୍ତି ଉତ୍ତର । ଜଣେ କି ଦୁଇ ଜଣ ନୁହେଁ ୮୦ ରୁ ଊର୍ଦ୍ଧ୍ଵ ଛାତ୍ରଛାତ୍ରୀ ବସି ପାଠପଢୁଛନ୍ତି । ଏହି ଚାକୁଣ୍ଡା ଗଛ ମୂଳରେ ଚାଲିଛି ଶିକ୍ଷାଦାନ । ଏ ଦୃଶ୍ୟ କେଉଁ ଉପାନ୍ତ ଅଂଚଳ ନୁହେଁ ବରଂ ଏ ହେଉଛି ପୁରୀ ଜିଲ୍ଲା ଡ଼େଲାଙ୍ଗ ବ୍ଲକ ବେରବୋଇ ହାଇସ୍କୁଲ ପରିସରରେ ଚାଲୁଥିବା ଆଦର୍ଶ ବିଦ୍ୟାଳୟର ଦୃଶ୍ୟ ।
ଦୁଇ ବର୍ଷ ଧରି ଆଦର୍ଶ ବିଦ୍ୟାଳୟ ନିର୍ମାଣ କାର୍ଯ୍ୟ ଚାଲୁଥିବାବେଳେ ଏହା ଆଜି ଯାଏ ଶେଷ ହୋଇ ପାରିନଥିବାରୁ ଏଭଳି ଅବ୍ୟବସ୍ଥାରେ ପିଲାମାନେ ଶିକ୍ଷା ଗ୍ରହଣ କରୁଛନ୍ତି । ଯାହାକୁ ନେଇ ଛାତ୍ରଛାତ୍ରୀ ଅସନ୍ତୋଷ ବ୍ୟକ୍ତ କରିଛନ୍ତି । ଅନେକ ଛାତ୍ରଛାତ୍ରୀ ଶ୍ରେଣୀ ଗୃହରେ ଶିକ୍ଷା ଗ୍ରହଣ କରୁଥିବାବେଳେ ସେମାନେ ସଂଜ୍ଞାହୀନ ହୋଇ ପଡୁଛନ୍ତି । ତେବେ ଆବଶ୍ୟକ ଶ୍ରେଶୀ ଗୃହ ଯୋଗାଇ ଦେବା ପାଇଁ ଅଭିଭାବକମାନେ ଦାବି କରିଛନ୍ତି ।
ଡ଼େଲାଙ୍ଗ ବ୍ଲକରେ ଓଡ଼ିଶା ଆଦର୍ଶ ବିଦ୍ୟାଳୟ ପାଇଁ ୧୨ କୋଟି ୨୭ ଲକ୍ଷ ଟଙ୍କା ବିନିମୟରେ କାର୍ଯ୍ୟ କରାଯାଉଥିବାବେଳେ ୩୧.୧୦.୧୦୨୩ରେ ଏହାର ନିର୍ମାଣ କାର୍ଯ୍ୟ ଶେଷ କରାଯିବା ପାଇଁ ସ୍ଥିରୀକୃତ କରାଯାଇଛି । ତେବେ କାର୍ଯ୍ୟ ଏପର୍ଯ୍ୟନ୍ତ ଅଧପନ୍ତରିଆ ଭାବରେ ପଡ଼ିରହିଛି । ଯାହାଫଳରେ ବେରବୋଇ ହାଇସ୍କୁଲ ପରିସରରେ ଆଦର୍ଶ ବିଦ୍ୟାଳୟ କାର୍ଯ୍ୟକ୍ଷମ ହେଉଛି ।
ତେବେ ସେଠାରେ ଶୈାଚାଳୟର ସୁବିଧା ନଥିବା ସହିତ ପାନୀୟ ଜଳର ସମସ୍ୟା ରହିଥିବା ଦେଖିବାକୁ ମିଳିଛି । ଏପଟେ ପିଲାମାନେ ଗଛମୂଳରେ ପାଠ ପଢିବା କଥାକୁ ପୁରୀ ଜିଲ୍ଲା ସହକାରୀ ଶିକ୍ଷା ଅଧିକାରୀ ସ୍ଵୀକାର କରିଛନ୍ତି । ଏଠାରୁ ବିଦ୍ୟାଳୟକୁ ସ୍ଥାନାନ୍ତର କରି ହାଟ ଡ଼େଲାଙ୍ଗ ସ୍ଥିତ ମହତାବ ହାଇସ୍କୁଲରେ ଚାଲୁ କରାଯିବା ପାଇଁ ବିଡ଼ିଓ ଏବଂ ପୁରୀ ଜିଲ୍ଲା ସହକାରୀ ଶିକ୍ଷାଧିକାରୀ କହିଛନ୍ତି । କୋମଳମତି ଛାତ୍ରଛାତ୍ରୀଙ୍କ ଭବିଷ୍ୟତକୁ ଆଖିରେ ରଖି ସେମାନଙ୍କ ପାଇଁ ଶୈକ୍ଷିକ ବାତାବରରଣ ସୃଷ୍ଟି କରି ସେମାନଙ୍କୁ ଉତ୍ତମ ଶିକ୍ଷା ଯୋଗାଇ ଦେବା ଆବଶ୍ୟକ।
ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…
ବିହାରରେ ବଡ଼ ଧରଣର ନୌକା ଦୁର୍ଘଟଣା । ପାଟନାର ବାଢ଼ରେ ଉମାନାଥ ଘାଟରେ ଏକ ଯାତ୍ରୀବାହୀ ଡଙ୍ଗା ଗଙ୍ଗା ନଦୀରେ…
କାମାକ୍ଷାନଗର : ହାତୀ ଆକ୍ରମଣରେ ମହିଳା ଗୁରୁତର । ଗୁରୁତର ମହିଳା ହେଲେ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ମୁକ୍ତାପଶି ଗ୍ରାମର…
ବୌଦ୍ଧ ହରଭଙ୍ଗା : ବୌଦ୍ଧ ଅବକାରୀ ବିଭାଗର ଜିଲ୍ଲା ମୋବାଇଲ୍ ୟୁନିଟ୍ ପକ୍ଷରୁ ମହାନଦୀ ୫୭ ନମ୍ବର ଜାତୀୟ ରାଜପଥର…
ବୌଦ୍ଧ/ହରଭଂଗା : ବିଳମ୍ବିତ ରାତ୍ରରେ ବୌଦ୍ଧ ଥାନା ଅନ୍ତର୍ଗତ ମଥୁରା ଗ୍ରାମରେ ଭୟାବହ ଅଗ୍ନିକାଣ୍ଡ ଘଟିଛି । ନିଆଁରେ ଗୋଟିଏ…
ଆମେରିକାରେ ପୁଣି ଫୁଟିଲା ଗୁଳି । ମିଶିଗନର ସବୁଠୁ ବଡ଼ ସହର ଡେଟ୍ରୋଇଟ୍ ନିକଟରେ ଥିବା ଏକ ୱାଟର ପାର୍କରେ…