photo credit: Twitter
ସାରା ଦେଶରେ କୋଭିଡ ମହାମାରୀ ଭିତରେ ଚଣ୍ଡୀଗଡ଼ରୁ ଏକ ଭଲ ଖବର ସାମ୍ନାକୁ ଆସିଛି। ଏଠାରେ ଏକ ନବଜାତକ କରୋନାକୁ ମାତ ଦେଇ ସମସ୍ତଙ୍କ ମୁଁହରେ ହସ ଫୁଟାଇଛି। ଖବରରୁ ଜଣାପଡ଼ିଛି, ଗୁରଦୀପ ସିଂ ଓ ତାଙ୍କ ସ୍ତ୍ରୀ ସନ୍ଦୀପ କୌର ଏପ୍ରିଲ ପ୍ରାରମ୍ଭରେ ଏକ ଶିଶୁପୁତ୍ରର ମାଆ, ବାପା ହୋଇଥିଲେ। କିନ୍ତୁ ଦୁଃଖ ସେତେବେଳେ ମାଡ଼ି ଆସିଥିଲା, ଯେତେବେଳେ ଜନ୍ମର ୨୦ ଦିନ ପରେ ଶିଶୁଟି କୋଭିଡରେ ସଂକ୍ରମିତ ଥିବା ଜଣାପଡିଥିଲା। ପ୍ରବଳ ଜ୍ୱର ସହିତ ଶିଶୁଟିକୁ ହସ୍ପିଟାଲରେ ଭର୍ତ୍ତି କରାଯାଇଥିଲା।
ନବଜାତକ ସୁଖଦୀପ ଜୀବନ ଯୁଦ୍ଧରେ ଲଢ଼ୁଥିବା ବେଳେ ମାଆ ସନ୍ଦୀପ ନା ଶିଶୁକୁ ସ୍ତନପାନ କରାଇ ପାରୁଥିଲେ ନା ତାକୁ କୋଳେଇ ପାରୁଥିଲେ। ପରିବାର ପାଖରେ କେବଳ ଭଗବାନଙ୍କୁ ପ୍ରାର୍ଥନା କରିବା ଛଡ଼ା ଆଉ କିଛି ଉପାୟ ନ ଥିଲା। ହସ୍ପିଟାଲରେ ଭର୍ତ୍ତି ହେବାର ୧୦ ଦିନ ପରେ ଯେତେବେଳେ ନବଜାତକଙ୍କୁ ହସ୍ପିଟାଲରୁ ଡିସଚାର୍ଜ କରାଗଲା, ତ ସେତେବେଳେ ବାପା, ମାଆଙ୍କର ଖୁସିର ଠିକଣା ରହି ନ ଥିଲା।
ଗୁରଦୀପ କହିଥିଲେ, ‘ଏମିତି ଲାଗୁଛି ଯେମିତି ଭଗବାନ ଆମ ପ୍ରାର୍ଥନା ଶୁଣି ନେଇଛନ୍ତି। ଶିଶୁପୁତ୍ର କୋଭିଡ ପଜିଟିଭ ବାହାରିବା ଆମ ସମସ୍ତଙ୍କୁ ସ୍ତବ୍ଧ କରି ଦେଇଥିଲା। କାହିଁକିନା, ଆମେ ବାପା, ମାଆ କେହି ସଂକ୍ରମିତ ନ ଥିଲୁ। ଆରଟି-ପିସିଆର ସମେତ ସମସ୍ତ ଚିକିତ୍ସା ଯାଞ୍ଚ ପରେ ସୁଖଦୀପଙ୍କୁ ଜଳନ୍ଧର ପିଆଇଏମଏସରୁ ଡିସଚାର୍ଜ କରି ଦିଆଯାଇଛି’।
ସେପଟେ ସୁଖଦୀପଙ୍କୁ ଚିକିତ୍ସା କରିଥିବା ଡାକ୍ତରଙ୍କ କହିଛନ୍ତି, ନବଜାତକର ମାମଲା ଆମ ପାଇଁ ବହୁତ ଚ୍ୟାଲେଞ୍ଜପୂର୍ଣ୍ଣ ଥିଲା। ଏହାଠାରୁ ବି ଅଧିକ କଠିନ ଥିଲା ତା’ର ମାଆ, ବାପାଙ୍କୁ ପରାମର୍ଶ ଦେବା। କିନ୍ତୁ ସେମାନେ ଏହି ମାମଲାକୁ ଗମ୍ଭୀରତାର ସହ ବୁଝିଥିଲେ ଏବଂ ଶିଶୁର ଚିକିତ୍ସାରେ ପୂରା ସହଯୋଗ କରିଥିଲେ।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…