ବ୍ରହ୍ମପୁର (କେନ୍ୟୁଜ୍) : ଗାଈ ପେଟରୁ ବାହାରିଲା ୫୦ କେଜିରୁ ଅଧିକ ପଲିଥିନ । ଏଭଳି ଏକ ଘଟଣା ଦେଖିବାକୁ ମିଳିଛି ବ୍ରହ୍ମପୁରର ପ୍ରାଣୀ ଚିକିତ୍ସାଳୟରେ । ଗତ ଦୁଇ ଦିନ ପୂର୍ବରୁ ଏକ ଗାଈ ବିଜିପୁର ଛକରେ ଗୁରୁତର ଅବସ୍ଥାରେ ପଡ଼ି ରହିଥିଲା । ଏହି ଦୃଶ୍ୟ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ପ୍ରାଣୀ ଚିକିତ୍ସାଳୟକୁ ଜଣାଇବା ପରେ କିଛି ଡ଼ାକ୍ତର ଆସି ଘଟଣାସ୍ଥଳରେ ପହଁଚି ଗାଈଟିର ଚିକିତ୍ସା କରି ଫେରିଯାଇଥିଲେ । କିନ୍ତୁ ପରେ ଗାଈଟି ଅଧିକ ଗୁରୁତର ହେବା ପରେ ପ୍ରାଣୀ ଚିକିତ୍ସାଳୟର ଆମ୍ବୁଲାନ୍ସ ଯୋଗେ ତାକୁ ପ୍ରାଣୀ ଚିକିତ୍ସାଳୟକୁ ଅଣାଯାଇଥିଲା । ଯେହେତୁ ଗାଈଟିର ପେଟଟି ଫୁଲି ଯାଇଥିଲା ଯାହାଫଳରେ ଗାଇଟି ଗର୍ଭବତୀ ଥିବା ନେଇ ଅନୁମାନ କରାଯାଇଥିଲା । କିନ୍ତୁ ପ୍ରାଣୀ ଚିକିତ୍ସକ ଦେଖିଲା ବେଳେକୁ ପେଟ ଭିତରେ ଛୁଆ ନୁହେଁ ବରଂ ଅନ୍ୟ କୈଣସି ସାମଗ୍ରୀ ରହିଥିବା ଜାଣିବାକୁ ପାଇଥିଲେ।
ଗାଈଟିର ସ୍ୱାସ୍ଥ୍ୟବସ୍ଥା ଗୁରୁତର ଥିବାରୁ ତାକୁ ଚିକିତ୍ସା କରାଯାଇ ପ୍ରାଣୀ ଚିକିତ୍ସାଳୟରେ ହିଁ ରଖାଯାଇଥିଲା । ଗାଈଟିର ସ୍ୱାସ୍ଥ୍ୟବସ୍ଥାରେ ଟିକେ ସୁଧାର ଆସିବ ପରେ ତାର ଅପରେସନ ଆରମ୍ଭ ହୋଇଥିଲା । ଅପରେସନ କରିବା ପରେ ଗାଈଟିର ପେଟ ଭିତରୁ ପ୍ରାୟ ୫୦ କେଜିରୁ ଊର୍ଦ୍ଧ୍ଵ ପଲିଥିନ ବାହାରିଥିଲା । ଏତେ ପରିମାଣରେ ପଲିଥିନ ବାହାର କରିବା ପରେ ମଧ୍ୟ ଚିକିତ୍ସା ସେବା ଯୋଗାଇଦେବା ପରେ ଗାଈଟି ସୁସ୍ଥ ରହିଛି । ଗାଈ ପେଟରୁ ଏତେ ପରିମାଣର ପଲିଥିନ ବାହାର କରିବା ନିମନ୍ତେ ଦୀର୍ଘ ୩ ଘଣ୍ଟା ସମୟ ଲାଗିଥିଲା । ଆଉ ଏହି ଅପରେସନରେ ୩ଟି ଡ଼ାକ୍ତର ଓ ୫ ଜଣ ପ୍ରାଣୀ ଚିକିତ୍ସାଳୟର କର୍ମଚାରୀ ମାନେ ସାମିଲ ହୋଇଥିଲେ ।
ଏପଟେ ସହରବାସୀ ବିଭିନ୍ନ ସାମଗ୍ରୀକୁ ବ୍ୟବହାର କରିବା ପରେ ଏଣେତେଣେ ଫୋପାଡ଼ିଦେବା ଫଳରେ ଗାଈମାନେ ଏହି ପଲିଥିନକୁ ଖାଇ ଦେଇଥାନ୍ତି । ସେପଟେ ସହରରେ ପଲିଥିନର ବ୍ୟବହାର ଉପରେ ସରକାର କଟକଣା ଜାରି କରିଥିବା ବେଳେ ତଥାପି ଅବାଧରେ ପଲିଥିନର ବ୍ୟବହାର ଚାଲିଛି । ଯେଉଁଥିପାଇଁ ଆଜି ଏଭଳି ଗୋଟେ ଗାଈ ପେଟରୁ ୫୦କିଲୋରୁ ଅଧିକ ପଲିଥିନ ବାହାରିଛି ।
ସବୁଠୁ ଦୁଃଖ ଓ ବଡମ୍ବନାର ବିଷୟ ଗାଈ ମାଲିକ ମାନେ କ୍ଷୀର ବାହାର କରିଦେବା ପରେ ଗାଇ ଗୁଡିକୁନିଜ ହେପାଜତରେ ନରହି ବାହାରକୁ ଛାଡ଼ିଦେଉଛନ୍ତି । ଯାହାଫଳରେ ଗାଈ ମାନେ ଖାଦ୍ୟ ନ ପାଇ ଅଜଣାତରେ ପଲିଥିନ ଖାଇ ଏଭଳି ସମସ୍ୟାରେ ପଡ଼ୁଛନ୍ତି । ତେଣୁ ପଲିଥିନର ବ୍ୟବହାରକୁ ରୋକିବା ସହ ଗାଈ ମାଲିକ ମାନଙ୍କୁ ତାଗିଦ୍ କରିବା ନିମନ୍ତେ ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ଦାବି କରିଛନ୍ତି ଗାଈକୁ ଉଦ୍ଧାର କରିଥିବା ସ୍ୱେଚ୍ଛାସେବୀମାନେ ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…