ନିଜ କର୍ତ୍ତବ୍ୟକୁ ସମ୍ମାନ ଦେବା କ’ଣ, ତାହା ଶିଖାଇଛନ୍ତି ରାଜସ୍ଥାନର ଜଣେ ଡ୍ରାଇଭର। ଏହି ଘଟଣା ଜାଣିବା ପରେ ଆପଣଙ୍କ ଆଖିରେ ଲୁହ ଚାଲି ଆସିବ। ଏଥିସହ ଡ୍ରାଇଭରଙ୍କ ପ୍ରତି ଆପଣଙ୍କ ହୃଦୟରେ ଆହୁରି ସମ୍ମାନ ବଢ଼ିଯିବ। କାରଣ ଏହି ଡ୍ରାଇଭର ନିଜ ଜୀବନ କଥା ଚିନ୍ତା କରି ଡ୍ରାଇଭିଂ କରୁଥିବା ବସ୍ରେ ଥିବା ୨୦ ପିଲାଙ୍କ କଥା ପ୍ରଥମେ ଭାବିଥିଲେ। ସେମାନଙ୍କୁ ପ୍ରଥମେ ସ୍କୁଲ ପହଞ୍ଚାଇଥିଲେ।
ରିପୋର୍ଟ ମୁତାବକ, ଭିଲବାଡ଼ା ଜିଲ୍ଲାର ଏକ ପ୍ରାଇଭେଟ୍ ସ୍କୁଲର ବସ୍ ଚଲାଉଥିବା ବେଳେ ଡ୍ରାଇଭରଙ୍କୁ ହାର୍ଟ ଆଟାକ୍ ଆସିଥିଲା। କିନ୍ତୁ ସେତେବେଳେ ସେ ନିଜ ଜୀବନ କଥା ଚିନ୍ତା ନ କରି ପିଲାଙ୍କୁ ସୁରକ୍ଷିତ ଭାବେ ସ୍କୁଲରେ ପହଞ୍ଚାଇଥିଲେ। ଏହା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଦୁର୍ଭାଗ୍ୟବଶତଃ ସେଠାରେ ତାଙ୍କ ମୃତ୍ୟୁ ଘଟିଛି। ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ସାଜିଛି।
ଭିଲବାଡ଼ା ଜିଲ୍ଲା ଆମେସର ଗାଁ ନିବାସୀ ୪୦ ବର୍ଷୀୟ ବସ୍ ଡ୍ରାଇଭର ମହେନ୍ଦ୍ର ସିଂହ ସ୍କୁଲର ମିନି ବସ୍ ଚଲାନ୍ତି। ହାର୍ଟ ଆଟାକ୍ ହେବା ଦିନ ବି ସେ ୨୦ ଜଣ ପିଲାଙ୍କୁ ନେଇ ସ୍କୁଲ ଆସୁଥିଲେ। ରାସ୍ତାରେ ହଠାତ୍ ତାଙ୍କ ଛାତିରେ ଯନ୍ତ୍ରଣା ଆରମ୍ଭ ହୋଇଥିଲା। ତାଙ୍କୁ ପ୍ରବଳ ଯନ୍ତ୍ରଣା ହେବାରୁ ସେ ଗାଡ଼ି ସ୍ଲୋ କରି ଦେଇଥିଲେ। କିନ୍ତୁ ଗାଡ଼ି ରୋକି ନଥିଲେ। ସେ ସେହି ଯନ୍ତ୍ରଣାରେ ବି ଧୀରେ ଧୀରେ ଗାଡ଼ି ଚଲାଇ ପିଲାଙ୍କୁ ସ୍କୁଲରେ ଛାଡ଼ିଥିଲେ। ଫଳରେ ୨୦ ଜଣ ପିଲାଙ୍କ ଜୀବନ ବଞ୍ଚିଯାଇଛି।
ଏହା ପରେ ସେ ସ୍କୁଲ ସଞ୍ଚାଳକଙ୍କୁ ଛାତିରେ ଯନ୍ତ୍ରଣା ହେଉଥିବା ନେଇ ଜଣାଇଥିଲେ। ସ୍କୁଲ ସଞ୍ଚାଳକ ମହେନ୍ଦ୍ର ସିଂହଙ୍କୁ ହସ୍ପିଟାଲ ନେଇ ଯାଇଥିଲେ। ସେଠାରେ ଡାକ୍ତର ତାଙ୍କର ହାର୍ଟ ଆଟାକ୍ ହୋଇଥିବା କହିବା ସହ ବଡ଼ ମେଡିକାଲକୁ ରେଫର କରିଥିଲେ। କିନ୍ତୁ ବଡ଼ ମେଡିକାଲକୁ ଯିବା ପୂର୍ବରୁ ହିଁ ରାସ୍ତାରେ ତାଙ୍କ ପ୍ରାଣ ବାୟୁ ଉଡ଼ିଯାଇଥିଲା। ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବା ବେଳେ ସ୍କୁଲରେ ଶୋକର ଛାୟା ଖେଳିଯାଇଛି।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…