କାକଟପୁର(କେନ୍ୟୁଜ):ମଉଜ ମଜଲିସ୍,ହସ ଉଲ୍ଲାସ । ରଜ ଆସିଲେ ସମସ୍ତେ ଖୋଜନ୍ତି ପୋଡ଼ପିଠା, ଦୋଳି ଖେଳ ଓ ରଜ ପାନ । ରଜ ପାନର ମଜା ନିଆରା । ପିଠାପଣା ସାଙ୍ଗକୁ ଯଦି ପାନ ଖଣ୍ଡେ ଖାଇବା ହେଇଗଲା ତା ହେଲେ ଜମି ଗଲା ପୁରା ରଜର ମାହୋଲ । ଏବେ ଆସିଛି ରଜ । ଘରେ ଘରେ ପିଠାପଣାର ମହକରେ ମହକୁଛି ସାରା ପରିବେଶ । ଛକ ଛକରେ ପାନ ଦୋକାନ । ପ୍ରତିବର୍ଷ ରଜରେ ପାନର ବିଭିନ୍ନ ଷ୍ଟଲ ଲାଗିଥାଏ ବିଭିନ୍ନ ସ୍ଥାନ ମାନଙ୍କରେ । ତେବେ ଚଳିତ ବର୍ଷ ବି ଗାଁଠୁ ସହର ସବୁଠି ଦୋଳି, ପାନ ଓ ପୀଠା ଭିତରେ ରଜର ଆସର ଜମିଛି ।
ଗତକାଲି ଥିଲା ପହିଲି ରଜ, ଆଜି ରଜ ସଂକ୍ରାନ୍ତି । ସବୁ ଆଡେ ଉତ୍ସବର ମାହୋଲ । ନୂଆ ପୋଷାକ ପିନ୍ଧି ଝିଅମାନେ ଖୁବ୍ ଖୁସିରେ ଏହି ପର୍ବକୁ ମନଭରି ଉପଭୋଗ କରୁଛନ୍ତି । କିନ୍ତୁ ଏହି ରଜ ସମୟରେ ସବୁଠୁ ନିଆରା ଜିନିଷଟି ହେଲା ରଜ ପାନ । ବିଭିନ୍ନ ପ୍ରକାରର ରଜ ପାନ ଏହି ସମୟରେ ମିଳିଥାଏ । ସେସବୁ ଭିତରୁ ବନାରସ ପାନର ସୁଆଦ ଆଉ ମହକ ସବୁଠୁ ଭିନ୍ନ ଆଉ ନିଆରା ।
ଏହି ପରମ୍ପରା ବହନ କରୁଥିବା ରଜରେ ଏହି ପାନ କିଏବା ନ ଖାଏ । ରଜ ସମୟରେ ବନ୍ଧୁ ବାନ୍ଧବ ଆଉ ଆତ୍ମୀୟ ସ୍ୱଜନ ଏହି ପାନ ଦେଇ ଘରକୁ ଆମନ୍ତ୍ରଣ କରିଥାନ୍ତି । ଏହି ଅବସରରେ ତୁଳଶିପୁର ବଜାରରେ ଶଶିକାନ୍ତ ସାହୁଙ୍କ ବନାରସ ପାନ ଏବେ ଭାରି ଚର୍ଚ୍ଚାରେ । ଯାହାକୁ ଖାଇବାକୁ କାଇଁ କେଉଁ ଦୂରରୁ ଏଠାକୁ ଆସିଥାନ୍ତି ଗ୍ରାହକ । ଏହି ସୁଆଦିଆ ପାନ ରେ ଚେରି ଆଉ ଲବଙ୍ଗ ସାଙ୍ଗକୁ,ଚାଳିଶ ପ୍ରକାର ମସଲା ଦେଇ ପୁରା ସ୍ଵତନ୍ତ୍ର ପାନ ପ୍ରସ୍ତୁତ କରାଯାଇଥାଏ । ଏହି ପାନକୁ ଯିଏ ଖାଇଛି ସିଏ ଆଉ ଥରେ ଖାଇବା ପାଇଁ ଏଠାରେ ଛୁଟି ଆସିଛି ।
ଫାଭିଓ: ବିଭିନ୍ନ ସ୍ଥାନରେ ବାଜୁଛି ରଜଗୀତ, ଝିଅ ବୋହୂ ସଭିଏଁ ପିଠାପଣା ସହିତ ପାନଟିଏ ଖାଇ ଖେଳୁଛନ୍ତି ଦୋଳି । ତେବେ ଏପଟେ କହିବାକୁ ଗଲେ, ପାନର ବି ରହିଛି ଧାର୍ମିକ ମହତ୍ତ୍ୱ । ହିନ୍ଦୁ ଧର୍ମରେ ପୂଜା ପାଇଁ ଅନେକ ସାମଗ୍ରୀ ବ୍ୟବହାର କରାଯାଇଥାଏ । ବିଶ୍ୱାସ ରହିଛି ପାନ ପତ୍ର ବିନା କୌଣସି ପୂଜା ସମ୍ପୂର୍ଣ୍ଣ ହୁଏ ନାହିଁ ।
Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…
ଭୁବନେଶ୍ୱର : ବିଧାନସଭାରେ ଚାଲିଛି ନବ ନିର୍ବାଚିତ ବିଧାକୟଙ୍କ ଶପଥ ଉତ୍ସବ । ପ୍ରଥମେ ମୁଖ୍ୟମନ୍ତ୍ରୀ ମୋହନ ମାଝୀ ବିଧାୟକ…
ଉଦ୍ଘାଟନ ପୂର୍ବରୁ ଭୁଶୁଡ଼ି ପଡ଼ିଲା ବ୍ରିଜ୍ । ବିହାରର ଅରାରିଆର ସିକଟିରେ ବକରା ନଦୀରେ ନିର୍ମିତ ବ୍ରିଜ୍ ମଙ୍ଗଳବାର ଭୁଶୁଡ଼ି…
କାକଟପୁର : ଦେବୀ ନଦୀରେ ଗାଧୋଇବା ସମୟରେ ନଦୀରେ ବୁଡି ତିନିଜଣ ନାବାଳକଙ୍କ ମୃତ୍ୟୁ। ମୃତକ ନାବାଳକ ସମସ୍ତେ ଗୋଟିଏ…
ଆଜି ବିବାହ ବନ୍ଧନରେ ବାନ୍ଧି ହେବେ ମହାପ୍ରଭୁ ଶ୍ରୀଜଗନ୍ନାଥ ଓ ମା' ଲକ୍ଷ୍ମୀ । ଆଉ କିଛି ସମୟ ପରେ…
ଭୁବନେଶ୍ୱର(କେନ୍ୟୁଜ୍): ଆଜି ଶପଥ ନେଇଛନ୍ତି ରାଜ୍ୟର ସମସ୍ତ ନବନିର୍ବାଚିତ ବିଧାୟକ । ଆଜି ବିଧାନସଭାର ୩ ଦିନିଆ ସ୍ୱତନ୍ତ୍ର ଅଧିବେଶନରେ…