ସ୍ପେଶାଲ

ଗଛରେ ପେନ୍ଥା ପେନ୍ଥା ବରକୋଳି, ଭଲ ଦୁଇ ପଇସା ରୋଜଗାର କରିବା ସହ ପ୍ରଶଂସା ସାଉଁଟୁଛନ୍ତି ଶ୍ୟାମସୁନ୍ଦର

ସାଲେପୁର(କେନ୍ୟୁଜ): ଜୀବନ ବଞ୍ଚିବାର ନୂଆ ଦିଶା ପ୍ରଦାନ କରିଛି ଚାଷ । ଅନେକ ଚାଷୀଙ୍କୁ ଦେଇଛି ବଞ୍ଚିବାର ସାହାରା । ଆଜିକାଲି ଯୁବପୀଢିମାନେ ବି ଚାଷକୁ ଅଆପଣାଇ ନେଲେଣି ବଡ ବଡ କମ୍ପାନୀରୁ ମୋଟା ଅଙ୍କର ଦରମାକୁ ଛାଡି । ତେଣୁ ଚାଷରୁ ଆର୍ଥିକ ସମୃଦ୍ଧି ମିଳିବା ଦ୍ୱାରା ଅନେକ ନିମ୍ନ ଏବଂ ମଧ୍ୟବିତ୍ତ ପରିବାର ନିଜ ନିଜର ଅପହଞ୍ଚ ସ୍ୱପ୍ନକୁ ସବୁ ସାକାର କରିବାରେ ଲାଗିଛନ୍ତି । ନୂତନ କୌଶଳରେ ନୂତନ ଚାଷ କରି ସୁନାର ଫସଲ ଫଳାଇବାରେ ଲାଗିଛନ୍ତି । ଆଜି ଏମିତି ଜଣେ ଚାଷୀଙ୍କ ବିଷୟରେ ଜାଣିବା ଯିଏ ନିଜ ଚାଷ ପାଇଁ ଆଜି ପରିଚିତ ।

ତେବେ ବରକୋଳି କଥା କହିଲେ ପାଟିରୁ ସମସ୍ତଙ୍କର ପ୍ରାୟ ଲାଳ ଗଡେ। ବିଶେଷ କରି ବର୍ଷର ଏହି ଦିନଗୁଡିକରେ ବିଭିନ୍ନ ରକମର ବରକୋଳି ବଜାରକୁ ଆସେ। ଭଲ ଭେରାଇଟିର ବରକୋଳି ସାଧାରଣତଃ ଅନ୍ୟ ରାଜ୍ୟ ମାନଙ୍କରୁ ଓଡିଶାକୁ ଆସେ । ହେଲେ ଆପଣ ଜାଣି ଖୁସି ହେବେ ବହୁ ଭଲ ଭେରାଇଟିର ବରକୋଳି ଏବେ ଆମ ଓଡିଶା ମାଟିରେ ବି ହେଉଛି । ତେବେ କଟକ ଜିଲ୍ଲା ସାଲେପୁର ବ୍ଲକ ଆତୋଡା ଗାଁରେ ଜଣେ ଚାଷୀ ବରକୋଳି ଚାଷ କରି ଏବେ ପ୍ରଶଂସା ସାଉଁଟିବା ସହ ଭଲ ଦୁଇ ପଇସା ରୋଜଗାର କରୁଛନ୍ତି।

ଗଛରେ ପେନ୍ଥାକୁ ପେନ୍ଥା ବରକୋଳି। କିଏ ଟିକେ ଲାଲ ଲାଲ ତ କିଏ ଲମ୍ବା ଆଉ କିଏ ଗୋଲ ଗୋଲ । ୩ ଏକର ଜମିରେ ଲାଗିଛି ଭଳିକି ଭଳି ବେସ ଉନ୍ନତ ମାନର ବରକୋଳି । ଆପୁଲବେରୀ, ଥାଇଆପୁଲ, ମିସ ଇଣ୍ଡିଆ ,ପର୍ଲ ସୁନ୍ଦରୀ ଭଳି ବେସ ସ୍ୱାଦିଷ୍ଟ ଭେରାଇଟିର କୋଳି ଗଛରେ ଭର୍ତ୍ତି ହୋଇଛି ଏହି ବଗିଚା । ଆଉ ଇଏ ହେଉଛନ୍ତି ଶ୍ୟାମସୁନ୍ଦର ସ୍ୱାଇଁ । ଶ୍ୟାମସୁନ୍ଦର ଏହି କୋଳି ଚାଷ ପାଇଁ କଲିକତା ଯାଇ ସେଠାରୁ ଏହି ଚାଷର ସବୁ କୌଶଳ ଶିଖି ଆସିଛନ୍ତି। ଆଉ ଦୁଇ ବର୍ଷ ହେଲାଣି ସେ ଏହି ବଗିଚା କରିଛନ୍ତି ।

ପ୍ରତିଦିନ ଏହି ବଗିଚାରୁ ୫ ରୁ ୭ କ୍ୱିଣ୍ଟାଲ କୋଳି ତୋଳା ହୁଏ । ଏଥିପାଇଁ ୬ ଜଣ ଶ୍ରମିକ ପ୍ରତିଦିନ କୋଳି ତୋଳିବା ଠାରୁ ଗଛର ଯତ୍ନ ନେବା ଏବଂ ବଗିଚାର ସମସ୍ତ କାର୍ଯ୍ୟ କରନ୍ତି । ସିଜିନ୍ ସମୟରେ ପ୍ରତିଦିନ ପାଖାପାଖି ୫୦ ହଜାର ଟଙ୍କାର କୋଳି ବିକ୍ରି ହୁଏ ଏହି ବଗିଚାରୁ । ଆଖପାଖ ଅଞ୍ଚଳର ବେପାରୀ ମାନେ ବଗିଚାରୁ ଆସି କୋଳି ନେଇ ଯାଆନ୍ତି । ସୁସ୍ୱାଦୁ କୋଳି ହୋଇଥିବାରୁ ବଜାରରେ ମଧ୍ୟ ବେସ ଚାହିଦା ରହିଛି ଏହି ସବୁ ଭେରାଇଟି କୋଳିର ।

Sonalisa

Recent Posts

ଅଣସର ନୀତି: ଜ୍ବରରେ ଆକ୍ରାନ୍ତ ମହାପ୍ରଭୁ, ପୂଜା ପାଇବେ ପଟି ଦିଅଁ

ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ।  ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…

1 second ago

ଅଣସର ଘରେ ମହାପ୍ରଭୁ, ଆଜିଠୁ ଅଲାରନାଥ ଦର୍ଶନ

ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…

13 mins ago

ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ ବଡ଼ ଘୋଷଣା, CBIକୁ ତଦନ୍ତ ଭାର ହସ୍ତାନ୍ତର

ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…

13 mins ago

ଆଜିର ରାଶିଫଳ : ଆଜି ଏହି ରାଶିର ଲୋକଙ୍କୁ କିଛି ନୂଆ କାର୍ଯ୍ୟ କରିବାକୁ ମିଳିବ, ବନ୍ଧୁଙ୍କ ସହ ଖୁସିର ସମୟ କାଟିବେ

ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…

7 hours ago

ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…

8 hours ago

ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ, ବିଭିନ୍ନ ସମସ୍ୟା ପଚାରି ବୁଝିଲେ

ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…

9 hours ago