୩୦ ଜୁଲାଇ, ୨୦୨୦ ବା ଆଜି ଭାରତରେ କରୋନାକୁ ଛଅ ମାସ ପୂରିଛି। ସାରା ବିଶ୍ୱରେ କରୋନା ସଂକ୍ରମଣ ଉପରେ ନଜର ରଖୁଥିବା ୱେବ୍ସାଇଟ୍ ଓ୍ଵାଲଡୋମିଟର ମୁତାବକ ଠିକ୍ ୬ ମାସ ପରେ ଭାରତରେ କରୋନା ସଂକ୍ରମଣର ମୋଟ ମାମଲା ୧,୫୮୩,୭୯୩ ଛୁଇଁଛି। ସେହି ଭଳି ମୃତ୍ୟୁ ସଂଖ୍ୟା ୩୫,୦୦୦ ପାଖାପାଖି ପହଞ୍ଚିଛି। କରୋନାରୁ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୧,୦୨୦,୫୮୨ ଓ ଏବେ ଦେଶରେ ୫୨୮,୨୪୨ଟି ଆକ୍ଟିଭ୍ କେସ୍ ରହିଛି। ଯଦି ଭାରତକୁ ଅନ୍ୟ ଦେଶ ସହ ତୁଳନା କରାଯାଏ ତେବେ ସଂକ୍ରମଣ ମାମଲାରେ ଆମେ ତୃତୀୟ ସ୍ଥାନରେ ରହିଛେ।
କରୋନା ସଂକ୍ରମଣ ମାମଲାରେ ଆମେରିକା ପ୍ରଥମ ସ୍ଥାନରେ ରହିଛି। ଆମେରିକାରେ କରୋନାର ପ୍ରଥମ କେସ୍ ଭାରତଠାରୁ ୧୦ ଦିନ ପୂର୍ବରୁ ସାମ୍ନାକୁ ଆସିଥିଲା। ସେଠାରେ ଜାନୁଆରୀ ୨୦ରେ ଓ୍ଵାଶିଂଟନ୍ର ଜଣେ ବ୍ୟକ୍ତିଙ୍କୁ କରୋନା ହୋଇଥିବା ଚିହ୍ନଟ ହୋଇଥିଲା। ସେବେ ଠାରୁ ଏବେ ଯାଏଁ ଆମେରିକାରେ ମୋଟ ୪,୫୨୬,୪୮୧ଟି ମାମଲା ସାମ୍ନାକୁ ଆସିଛି। ସେହିପରି ୧,୫୨,୯୨୯ ଲୋକଙ୍କ ମୃତ୍ୟୁ ହୋଇଛି। ୨୨,୧୨,୨୨୭ ଜଣ ସୁସ୍ଥ ହୋଇଛନ୍ତି ଓ ୨,୧୬୧,୩୨୫ ଜଣଙ୍କ ଚିକିତ୍ସା ଚାଲିଛି।
ଅନ୍ୟପଟେ ଦ୍ୱିତୀୟ ସ୍ଥାନରେ ରହିଛି ବ୍ରାଜିଲ। ସେଠାରେ ଫେବ୍ରୁଆରୀ ୨୫ରେ ପ୍ରଥମ କେସ୍ ସାମ୍ନାକୁ ଆସିଥିଲା। ଅର୍ଥାତ୍ ସେଠାରେ ଭାରତ ତୁଳନାରେ ୨୫ ଦିନ ପରେ କରୋନା ପାଦ ଦେଇଥିଲା। ଏବେ ସେଠାରେ ମୋଟ ୨୪,୯୮,୬୬୮ଟି ମାମଲା ସାମ୍ନାକୁ ଆସିଛି। ସେହିପରି ୮୮,୭୯୨ ଜଣଙ୍କ ମୃତ୍ୟୁ ଘଟିଛି। ୧,୭୨୧,୫୬୯ ଲୋକ ସୁସ୍ଥ ହୋଇଥିବା ବେଳେ ୬,୮୮,୩୧୬ଟି ଆକ୍ଟିଭ୍ କେସ୍ ସାମ୍ନାକୁ ଆସିଛି।
ଏସବୁ ଦେଶର ଜନ ସଂଖ୍ୟାକୁ ଯଦି ଭାରତ ସହ ତୁଳନା କରାଯାଏ ତେବେ ଦେଶରେ ସ୍ଥିତି ଭଲ ରହିଛି। ଭାରତରେ ଟେଷ୍ଟିଂ ମଧ୍ୟ ଅନ୍ୟଦେଶ ତୁଳନାରେ ଅଧିକ ହେଉଛି। ଦେଶରେ ପ୍ରତି ୧୦ ଲକ୍ଷ ଲୋକଙ୍କ ମଧ୍ୟରେ ପ୍ରତିଦିନ ୧୩ ହଜାର ଜଣଙ୍କ ଟେଷ୍ଟିଂ ହେଉଛି। ଅନ୍ୟ ଦେଶ ତୁଳନାରେ ଏହା ଢେର ଅଧିକ। ଅନ୍ୟ ଦେଶରେ ଲକ୍ଷେରେ ୧୦ ହଜାର ଲୋକଙ୍କ ଟେଷ୍ଟିଂ ହେଉଥିବା ଜଣାଯାଇଛି।
ଏହି ୬ ମାସ ମଧ୍ୟରେ ଭାରତ ଅନେକ ଉପଲବ୍ଧି ମଧ୍ୟ ହାସଲ କରିଛି। ଭାରତର ସବୁଠୁ ବଡ଼ ଉପଲବ୍ଧି ହେଉଛି ଦେଶରେ ମୃତ୍ୟୁହାର ୨.୨୩ ପ୍ରତିଶତ ରହିଥିବା ବେଳେ ଦୁନିଆରେ ଏହି ହାର ୪ ପ୍ରତିଶତ ଅଛି। ଏହି ଆକଳନରୁ ଭାରତରେ ଭଲ ସ୍ଥିତି ଥିବା ଜଣାଯାଇଛି।
ମେଷ: ଆଜି ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ସଫଳତା ମିଳିବ । ଆପଣ କର୍ମକ୍ଷେତ୍ରରେ କୌଣସି ବିତର୍କରୁ ଦୂରେଇ ରହିବା ଉଚିତ୍…
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…