ଜାପାନର ଏହି ସବୁ ନୀତିକୁ ଆପଣେଇଲେ ଶୀର୍ଷରେ ପହଞ୍ଚି ପାରିବ ଯେକୌଣସି ବି ଦେଶ, ଥରେ ନଜର ପକାନ୍ତୁ ଏହା ଉପରେ

ସ୍ୱାସ୍ଥ୍ୟ ଗତ କାରଣ ଦର୍ଶାଇ ଜାପାନ ପ୍ରଧାନମନ୍ତ୍ରୀ ସିଂଜୋ ଆବେ ନିକଟରେ ନିଜ ପଦବୀରୁ ଇସ୍ତଫା ଦେଇଛନ୍ତି । ପେଟ ବୀମାରୀ କାରଣରୁ ସିଂଜୋ ଏଭିତରେ ଅନେକ ଥର ହସ୍ପିଟାଲରେ ଭର୍ତ୍ତି ହେବାକୁ ବି ପଡିଛି । ସୂର୍ଯ୍ୟଦୟର ଦେଶ ଭାବେ ପରିଚିତ ଜାପାନ ନିଜ ଖାଦ୍ୟପେୟ, ସଂସ୍କୃତି, ଟେକ୍ନୋଲୋଜି କାରଣରୁ ପୁରା ବିଶ୍ୱରେ ଏକ ଭିନ୍ନ ପରିଚୟ ପାଇପାରିଛି । ଆକାରରେ ଛୋଟ ହୋଇଥିଲେ ମଧ୍ୟ କିଛି ବିଶେଷ ଗୁଣ କାରଣରୁ ଏହି ଦେଶ ଆଜି ବିଶ୍ୱରେ ଏକ ଅଗ୍ରଣୀ ରାଷ୍ଟ୍ରର ମାନ୍ୟତା ପାଇବା ସହ ବିକଶିତ ରାଷ୍ଟ୍ର ତାଲିକାରେ ବି ସ୍ଥାନ ପାଇପାରିଛି । ତେବେ ଦେଶରେ ପ୍ରଚଳିତ ବିଶେଷ ଗୁଣ ଗୁଡିକୁ ଯଦି ଅନ୍ୟ ରାଷ୍ଟ୍ର ଗ୍ରହଣ କରନ୍ତି ତେବେ ଖୁବ କମ ସମୟରେ ଅନ୍ୟ ରାଷ୍ଟ୍ରମାନେ ବି ନିଜ କ୍ଷେତ୍ରରେ ଉନ୍ନତି ଆଣିପାରିବେ ।

 

ଅଣ୍ଟା ନୁଆଇଁ ମୁଣ୍ଡିଆ ମାରିବା:

ଜାପାନ ଏକ ପ୍ରାଚୀନ ଦେଶ । ଏଠାକାର ଲୋକେ ଅତିଥିଙ୍କୁ ସମ୍ମାନ ଜଣାଇବାକୁ ପ୍ରାଧାନ୍ୟ ଦିଅନ୍ତି । ଆମ ଦେଶରେ ନମସ୍କାର କରି ଅଭିବାଦନ ଜଣାଯାଉଥିବା ବେଳେ ଜାପାନବାସୀ କିନ୍ତୁ ଆଗକୁ ଝୁଙ୍କିକି ଅଭିବାଦନ ଜଣାନ୍ତି । ଆଉ ଯିଏ ଯେତିକି ଅଧିକ ସମ୍ମାନର ଯୋଗ୍ୟ, ତା ପ୍ରତି ସେତିକି ଅଧିକ ନୁଆଁଇକି ଅଭିବାଦନ ଜଣା ଯାଇଥାଏ ।

ଅଧିକ ଦିନ ବଂଚନ୍ତି ଜାପାନବାସୀ:

ଜାପାନ ଲୋକେ ସଫାସୁତରା ପ୍ରତି ଅଧିକ ସଚେତନ । ବିଦ୍ୟାଳୟ ମାନଙ୍କରେ ଛାତ୍ର ଓ ଶିକ୍ଷକ ମିଶି ପରିସର ସଫାସୁତରା ପ୍ରତି ଧ୍ୟାନ ଦିଅନ୍ତି । ଏହି କାରଣରୁ ଜାପାନବାସୀ ଦୀର୍ଘାୟୁ ଅଟନ୍ତି । ଏଠାକାର ହାରାହାରି ବୟସ ୮୨ ବର୍ଷ ।

ଉଚ୍ଚ ସ୍ୱର ନିଷେଧ:

ସାର୍ବଜନିକ ସ୍ଥାନରେ ଖୁବ ଜୋରରେ ପାଟି କରିବାକୁ ଏଠାରେ ଅସଭ୍ୟ ଆଚରଣ ଭାବେ ଧରାଯାଏ । ଖାଲି ସେତିକି ନୁହେଁ ଦୁଇଜଣ ହାତ ଧରାଧରି ହୋଇ ଚାଲିବାକୁ ବି ନିଷେଧ କରାଯାଇଛି । ଆଉ ନୂଆ ବର୍ଷରେ ଏଠିକା ଲୋକେ ମନ୍ଦିର ଯାଇ ୧୦୮ ଥର ଘଣ୍ଟି ବଜାଇଥାନ୍ତି ।

ପିଲାଙ୍କ ପାଇଁ ସ୍ୱତନ୍ତ୍ର ନିୟମ:

ଜାଣି ଆଶ୍ଚର୍ଯ୍ୟ ହେବେ ବିଶ୍ୱର ଅନ୍ୟ ତମ ଅଗ୍ରଣୀ ରାଷ୍ଟ୍ର ହୋଇଥିଲେ ମଧ୍ୟ ଏଠାକାର ପିଲାଙ୍କ ଉପରେ ପାଠକୁ ନେଇ ସେତେ କଡା ନିୟମ ଜାରି କରାଯାଇ ନାହିଁ । ୧୦ ବର୍ଷ ବୟସ ପର୍ଯ୍ୟନ୍ତ ଏଠିକା ପିଲାଙ୍କୁ କୌଣସି ପରୀକ୍ଷା ଦେବାକୁ ପଡି ନଥାଏ । ୧୦ ବର୍ଷ ଯାଏଁ ନିଜ ଶୈଶବାକୁ ପୁରା ଅଧିକାର ଦିଆଯାଇଥାଏ ।