ପୁଣି ଥରେ ଚର୍ଚ୍ଚାକୁ ଆସିଛି ହଜାରୀବାଗ ଜିଲ୍ଲାର ଚୌପାରଣ ପ୍ରଖଣ୍ଡ । କିନ୍ତୁ ଏଥର ଘଟିଛି ଅଜବ ଘଟଣା ସେ ପୁଣି ମାଙ୍କଡ଼କୁ ନେଇ । ଝାଡଖଣ୍ଡ-ବିହାର ସୀମାର ମୁଖ୍ୟାଳୟରୁ ପ୍ରାୟ ୧୩ କି.ମି ଦୂରରେ ଅବସ୍ଥିତ ଦନୁଆ ଉଚ୍ଚ ବିଦ୍ୟାଳୟରେ ଦେଖିବାକୁ ମିଳିଛି ଏହି ଘଟଣା । ଯେଉଁଠାରେ ଗତ କିଛି ଦିନ ଧରି ଏକ ମାଙ୍କଡ଼ ଶ୍ରେଣୀରେ ପାଠ ପଡ଼ିବାକୁ ଆସୁଛି ଏବଂ ପିଲାମାନଙ୍କ ସହିତ ବସି ପାଠ ମଧ୍ୟ ପଢୁଛି । ଏହାର ଏକ ଭିଡିଓ ବେଶ୍ ଭାଇରାଲ ହେବାରେ ଲାଗିଛି । ଏହି ଅଜବ ଘଟଣାକୁ ନେଇ ସ୍ଥାନୀୟ ଲୋକ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
କ୍ଲାସରୁମରେ ଗୋଟିଏ ମାଙ୍କଡ ବସି ପାଠ ପଢୁଥିବାର ଭିଡିଓ ଭାଇରାଲ ହେବା ପରେ ଏବେ ଚର୍ଚ୍ଚାରେ ଏହି ଅଞ୍ଚଳ । କିଛି ଦିନ ହେଲା ପ୍ରତିଦିନ ସ୍କୁଲକୁ ଆସିବା ସହିତ ପିଲାଙ୍କ ସହ ବସି ମାଙ୍କଡଟି ପାଠ ପଢୁଥିବାର ଦେଖିବାକୁ ମିଳୁଛି । କେବଳ ସେତିକି ନୁହେଁ, ପିଲାମାନଙ୍କ ସହ ମିଶି ସେ ଏଠାରେ ପାଠ ପଢୁଥିବା ମଧ୍ୟ ଦେଖିବାକୁ ମିଳିଛି । ତେବେ ଶିକ୍ଷକ କ୍ଲାସରୁମରେ ପାଠ ପଢାଇବା ସମୟରେ ମାଙ୍କଡଟି ଖୁବ ଆଗ୍ରହର ସହିତ ତାଙ୍କ କଥାକୁ ଧ୍ୟାନ ଦେଇ ଶୁଣୁଥାଏ । ଏହାଛଡା ପିଲାମାନେ ନୋଟ ଲେଖିବା ସମୟରେ ସେ ମଧ୍ୟ ପିଲାଙ୍କ ଖାତାକୁ ନଜର କରିଥାଏ । କିନ୍ତୁ ସ୍କୁଲରୁ ଯିବାକୁ କହିଲେ ସେ ମନା କରିଦିଏ ।
ମାଙ୍କଡଟି ସ୍କୁଲର ପିଲାମାନଙ୍କୁ ଅନୁସରଣ କରିବା ସହିତ ସେମାନଙ୍କ ପରି ବ୍ୟବହାର କରିଥାଏ । ପିଲାମାନେ ଫ୍ରି ପିରିୟଡରେ ପଡିଆକୁ ଆସନ୍ତି, ସେତେବେ ମାଙ୍କଡ ମଧ୍ୟ ସେମାନଙ୍କ ସହ ପଡିଆକୁ ଚାଲିଆସେ । ତେବେ କୌଣସି ପିଲା କିମ୍ବା ଶିକ୍ଷକ ଶିକ୍ଷୟତ୍ରୀଙ୍କୁ ସେ ଅସୁବିଧାରେ ପକାଏ ନାହିଁ । କିନ୍ତୁ ତଥାପି ଗୋଟିଏ ମାଙ୍କଡ ସ୍କୁଲକୁ ଆସୁଥିବାରୁ ଶିକ୍ଷକ ଟିକିଏ ଚିନ୍ତାପ୍ରକାଶ କରିଛନ୍ତି ।
ମାଙ୍କଡର ଏପରି କାର୍ଯ୍ୟକଳାପକୁ ନେଇ ସ୍କୁଲର ପ୍ରଧାନ ଶିକ୍ଷକ କହିଛନ୍ତି ଯେ ଗତ ଶନିବାର ମଧ୍ୟ ମାଙ୍କଡ଼ ସ୍କୁଲକୁ ଆସିଥିଲା ଏବଂ ନବମ ଶ୍ରେଣୀରେ ବସି ଶ୍ରେଣୀରେ ପାଠ ପଢାଯାଉଥିବା ସମୟରେ ଶିକ୍ଷକଙ୍କ କଥାକୁ ଭଲଭାବେ ଶୁଣୁଥିଲା। ଏମିତିକି ମାଙ୍କଡ ସ୍କୁଲ ସମୟ ଜାଣିଯିବା ସହିତ ରବିବାର ସ୍କୁଲ ଛୁଟି ବୋଲି ମଧ୍ୟ ସେ ଅନୁମାନ କରି ସୋମ ବାର ପୁଣି କ୍ଲାସ ସମୟରେ ସ୍କୁଲରେ ପହଞ୍ଚିଯାଇଥିଲା ।
ଏପରିକି ମଙ୍ଗଳବାର ଦିନ ୧୦ ଟାରେ ଆସି ସପ୍ତମ ଶ୍ରେଣୀର ଆଗ ବେଞ୍ଚରେ ବସିଲା । ଯେତେବେଳେ ପିଲା ଏବଂ ଶିକ୍ଷକମାନେ ତାକୁ ଘଉଡାଇବାକୁ ଚେଷ୍ଟା କରନ୍ତି, ମାଙ୍କଡ଼ଟି ରାଗି ଯାଉଥିଲା । ସ୍କୁଲ ସୁରକ୍ଷା ପାଇଁ ପ୍ରଧାନଶିକ୍ଷକ ତାଙ୍କୁ ଧରିବା ପାଇଁ ଜଙ୍ଗଲ ବିଭାଗକୁ ନିବେଦନ କରିଥିଲେ। ଗୌତମ ବୁଦ୍ଧ ବନ୍ୟପ୍ରାଣୀ ଅଭୟାରଣ୍ୟର ବନ କର୍ମଚାରୀମାନେ ବିଦ୍ୟାଳୟରେ ପହଞ୍ଚିଥିଲେ। ବହୁତ ଚେଷ୍ଟା କରାଯାଇଥିଲା କିନ୍ତୁ ମାଙ୍କଡ଼କୁ ଧରି ପାରିନଥିଲେ । ବୁଧବାର ଦିନ ସେ ଠିକ୍ ସମୟରେ ବିଦ୍ୟାଳୟରେ ପହଞ୍ଚିଥିଲେ।
ତେବେ ମାଙ୍କଡର ସ୍କୁଲରେ କିଛି କାରନାମା ଓ ପାଠ ପଢିବାର ଅନେକ ପଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାକୁ ଦେଖି ଅନେକ ଲୋକ ଆଶ୍ଚର୍ଯ୍ୟ ହୋଇଯାଇଥିବା ବେଳେ କିଛି ଲୋକ ମାଙ୍କଡର ପ୍ରଶଂସା କରିଛନ୍ତି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…