ଟାଙ୍ଗି(କେନ୍ୟୁଜ୍): ମା ଉଗ୍ରତାରାଙ୍କ ମନ୍ଦିରରେ ହୋଇଥିବା ଚୋରି ଘଟଣାର ପର୍ଦ୍ଦାଫାଶ କରିଛି ଟାଙ୍ଗି ପୋଲିସ୍ । ଓଡ଼ିଶାର ପ୍ରସିଦ୍ଧ ମା ଉଗ୍ରତାରା ମନ୍ଦିରରୁ ମାଙ୍କ ଗହଣା ଲୁଟ୍ ହୋଇଥିଲା । ଏନେଇ ଅଭିଯୋଗ ହେବା ପରେ ୨ ଣଙ୍କୁ ଗିରଫ କରିବା ସହ ମାଙ୍କ ଗହଣା ଜବତ କରିବାରେ ସଫଳ ହୋଇଛି ଟାଙ୍ଗି ପୋଲିସ୍ ।
ତେବେ ଓଡିଶାର ପ୍ରତିଷ୍ଠିତ ତନ୍ତ୍ର ପୀଠ ଭାବେ ପରିଚିତ ମା ଉଗ୍ରତାରା ଦେବୀଙ୍କ ମନ୍ଦିର । ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ନୂଆଗଡ଼ ପଞ୍ଚାୟତ ଅନ୍ତର୍ଗତ ମୂଳିଝରସ୍ଥିତ ହାତିଆଶୁଣୀ ପାହାଡ଼ ପାଦଦେଶରେ ପ୍ରତିଷ୍ଠିତ ହୋଇଛନ୍ତି ମା’ ଉଗ୍ରତାରା । ତେବେ ଏହି ମନ୍ଦିରରେ ଗତ ଶନିବାର ଘଟିଥିଲା ଅଘଟଣ । ମନ୍ଦିରର ଗ୍ରିଲ୍ ଭାଙ୍ଗି ବିଳମ୍ବିତ ରାତିରେ କିଛି ଦୁର୍ବୁତ୍ତ ମାଙ୍କର ବିଭିନ୍ନ ସୁନା ରୁପା ଅଳଙ୍କାର ଲୁଟି ନେଇଥିଲେ।
ଏହି ଘଟଣା ସ୍ଥାନୀୟ ଅଂଚଳରେ ବେଶ ଚାଞ୍ଚଲ୍ୟ ସୃଷ୍ଟି କରିଥିଲା । ମା’ ଉଗ୍ରତାରାଙ୍କ ମହିମା ଏତେ ବିଖ୍ୟାତ ଯେ ଯିଏ ଶୁଣିବ ଚକିତ ହୋଇଯିବ । କୁହାଯାଏ କି, କିଛି ବର୍ଷ ପୂର୍ବେ ମା’ଙ୍କ ମନ୍ଦିରୁ ଏମିତି ଚୋରି ହୋଇଥିଲା । ତେବେ ଚୋରି କରିବା ଚୋରକୁ ପଡିଥିଲା ମହଙ୍ଗା । କେଜାଣି କଣ ହେଲା ନିଜେ ଚୋର ଗାଁ ଗାଁ ବୁଲି ସମସ୍ତଙ୍କ କବାଟ ବାଡେଇ କହିଥିଲା କି ସେ ହିଁ ଚୋର ଆଉ ମା’ଙ୍କ ଅଳଙ୍କାର ସେ ହିଁ ଚୋରି କରିଛି ବୋଲି ।
ତେବେ ଏହାରି ଭିତରେ ପୁଣି ମା’ଙ୍କ ଅଳଙ୍କାର ଚୋରି ହୋଇଥିଲା । ଯାହାର ପରିଣାମ ବି ଏବେ ଆପଣଙ୍କ ସାମ୍ନାରେ । ଏକ ପ୍ରେସ ମିଟ୍ ଜରିଆରେ ଖୋର୍ଦ୍ଧା ଅତିରିକ୍ତ ଏସପି କିଶୋର ଚନ୍ଦ୍ର ମୁଣ୍ଡ ଗଣମାଧ୍ୟମକୁ ଏନେଇ ସୂଚନା ଦେଇଛନ୍ତି । କହିଛନ୍ତି ଯେ, ଏହି ଲୁଟକୁ ଗୁରୁତର ସହ ନେଇ ବାଲୁଗାଁ ଏସଡିପିଓ ଇନଚାର୍ଜ ମିନାକ୍ଷୀ ଠାକୁରଙ୍କ ନେତୃତ୍ୱରେ ୩ଟିମ୍ ଗଠନ କରାଯାଇଥିଲା । ଟାଙ୍ଗି ଥାନା ଅଧିକାରୀ ସୁଶାନ୍ତ କୁମାର ବେହେରାଙ୍କ ତତ୍ୱବଧାନରେ ବିଭିନ୍ନ ସ୍ଥାନରେ ଚଢାଉ କରଯାଇଥିଲା।
ଏହା ପରେ ଲୁଟେରା ମାନେ ମାଙ୍କ ଗହଣାକୁ ନିକଟସ୍ଥ ଜଙ୍ଗଲରେ ଫିଙ୍ଗି ଦେଇଥିବା ଜଣାପଡିଥିଲା । ପୋଲିସ ଜଙ୍ଗଲରୁ ଗହଣା ଜବତ କରିବା ସହ ସେମାନଙ୍କ ଠାରୁ ଏକ ମଟର ସାଇକେଲ ଜବତ କରି ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଦୁଇ ଅଭିଯକ୍ତ ହେଲେ ନିରାକାରପୁର ଅଞ୍ଚଳର ନିତେଇ ଓରଫ ବାଇଧର ପ୍ରଧାନ ଓ ଛବି ଓରଫ ସୁକାନ୍ତ ପ୍ରଧାନ । ସେମାନଙ୍କ ନାମରେ ବିଭିନ୍ନ ସ୍ଥାନରେ ଅନେକ ଚୋରି ମାମଲା ସହ ଟ୍ରେନ୍ ରେ ମୋବାଇଲ ଚୋରି ମାମଲା ମଧ୍ୟ ରହିଛି।
ମା ଉଗ୍ରତାରା ହେଉଛନ୍ତି ପ୍ରତ୍ୟକ୍ଷ ଦେବୀ । ଭକ୍ତଙ୍କ ଡାକ ଶୁଣି ମନ ଜାଣି ଫଳ ଦିଅନ୍ତି ବୋଲି ସମସ୍ତଙ୍କର ବିଶ୍ୱାସ ରହିଛି। ତେଣୁ ଚୋରି କରିବି ଚୋରମାନେ ନେଇପାରୁ ନାହାନ୍ତି ମା’ଙ୍କ ଅଳଙ୍କାର । ଏ ମା’ଙ୍କ ମହିମା ନୁହେଁ ତ ଆଉ କଣ । ଏହି ଘଟଣା ପରେ ଆଗକୁ କେହିବି ଚୋର ଆଉ ସାହସ କରିବେନି ମା ଉଗ୍ରତାରା ଦେବୀଙ୍କ ପୀଠରୁ ଚୋରି କରିବାକୁ ।
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…
ସାଂସଦ ଅମରାରାମ ଦିଲ୍ଲୀ ରାଜସ୍ଥାନ ହାଉସରୁ ସଂସଦ ପାଇଁ ଟ୍ରାକ୍ଟରରେ ଯାତ୍ରା କରିଛନ୍ତି । ନିଜର ଦେଶୀ ରାଜସ୍ଥାନ ଅନ୍ଦାଜରେ…
ସୁବର୍ଣ୍ଣପୁର : ସାପ କାମୁଡାରେ ସାପ ଧରାଳୀର ମୃତ୍ୟୁ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଆଜି ଘଟିଯାଇଛି ଏଭଳି ଏକ…
ଦେଶର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ ଏୟାରଟେଲ୍ ଏହାର ଉନ୍ନତ କନେକ୍ଟିଭିଟି ପାଇଁ ବେସ ଜଣାଶୁଣା । ଦେଶର ଦୂରବର୍ତ୍ତୀ…