ନିଜ ଦାମୀ ଜାଗୁଆର XF କାରକୁ ରାମମୟ କଲେ ବ୍ୟବସାୟୀ, ସଭିଏଁ ହେଲେ ଚକିତ

ଦୀର୍ଘ ଦିନର ଅପେକ୍ଷା ପରେ ସବୁ ପ୍ରତିକ୍ଷାର ଅନ୍ତ ଘଟିଛି । ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ହୋଇସାରିଛି । ରାମଲାଲାଙ୍କ ଦର୍ଶନ ପାଇଁ ଭକ୍ତ ମାନଙ୍କର ସୁଅ ଛୁଟିଛି । ଜୟ ଶ୍ରୀରାମ ଧ୍ୱନିରେ କମ୍ପୁଛି ପୂରା ପରିବେଶ । ସତରେ ସେହି ପ୍ରାଣ ପ୍ରତିଷ୍ଠା ମୁହୂର୍ତ୍ତରେ ଏକ ଭାବବିହ୍ଵଳ ପରିବେଶ ସୃଷ୍ଟି ହୋଇଥିଲା । ସବୁ ଭକ୍ତଙ୍କ ଆଖିରୁ ଧାର ଧାର ଲୁହ ଝରିପଡ଼ିଥିଲା । ସମସ୍ତେ ରାମଲାଲାଙ୍କ ଦର୍ଶନ କରି ବହୁତ ଖୁସି ହୋଇଯାଇଥିଲେ । ଆଉ ଭଗବାନଙ୍କ ସୁନ୍ଦର ଓ ଦିବ୍ୟ ମୂର୍ତ୍ତି ସମସ୍ତଙ୍କୁ ମୋହିତ କରିଥିଲା । ତେବେ ଦୀର୍ଘ ପ୍ରତୀକ୍ଷା ପରେ ଜାନୁୟାରୀ ୨୨ରେ ଅଯୋଧ୍ୟା ଜନ୍ମଭୂମି ସ୍ଥାନରେ ବିରାଜିଛନ୍ତି ପ୍ରଭୁ ରାମଲାଲା । ଦର୍ଶନ ପାଇଁ ଲକ୍ଷ ଲକ୍ଷ ସଂଖ୍ୟାରେ ଭକ୍ତ ପହଞ୍ଚିଛି । ବିଭିନ୍ନ ଲୋକ ନିଜ ମନ ମୁତାବକ ରାମଲାଲାଙ୍କ ପ୍ରତି ନିଜର ଭକ୍ତି ଭାବ ପରିପ୍ରକାଶ କରୁଛନ୍ତି ।

ତେବେ ଏହି ପରିପେକ୍ଷୀରେ ଏମିତି ଜଣେ ରାମ ଭକ୍ତ ସାମ୍ନାକୁ ଆସିଛନ୍ତି ଯିଏ ନିଜର ଦାମୀ ଜାଗୁଆର XF କାର୍ ଟିକୁ ଅତି ସୁନ୍ଦର ଭାବେ ରାମଙ୍କ ଚିତ୍ର ଆଙ୍କିଛନ୍ତି । ଯାହା ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ଏହି ଭକ୍ତ ଜଣକ ଗୁଜୁରାଟର ଜଣେ ବ୍ୟବସାୟୀ । ଯାହାଙ୍କ ନା ସିଦ୍ଧାର୍ଥ ଦୋସି । ସିଦ୍ଧାର୍ଥ ନିଜର ବିଳାସପୂର୍ଣ୍ଣ ସେଡାନ କାରକୁ ପ୍ରଭୁ ରାମଙ୍କ ଚିତ୍ରରେ ଚିତ୍ରିତ କରିଥିଲେ । ଏହା ସହିତ ଅଯୋଧ୍ୟା ରାମ ମନ୍ଦିରର ଏକ ଚିତ୍ର ମଧ୍ୟ କାରର ବୋନେଟରେ ସଂସ୍କୃତରେ ଶ୍ଲୋକ ସହିତ ଦେଖିବାକୁ ମିଳିଥିଲା ​​।

ପ୍ରଧାନମନ୍ତ୍ରୀଙ୍କ ଜଣେ ବଡ଼ ପ୍ରଶଂସକ ଭାବରେ ଜଣାଶୁଣା ସିଦ୍ଧାର୍ଥ ଉକ୍ତ ସିଦ୍ଧାର୍ଥ କାର୍ଯ୍ୟକ୍ରମରେ ଯୋଗଦେବା ପାଇଁ ଗୁଜୁରାଟରୁ ଅଯୋଧ୍ୟା ଅଭିମୁଖେ ଯାତ୍ରା ଆରମ୍ଭ କରିଥିଲେ। ତେବେ ସେ ସୋସିଆଲ ମିଡିଆ ବ୍ୟବହାରକାରୀଙ୍କ ଦୃଷ୍ଟି ଆକର୍ଷଣ କରି ଇନଷ୍ଟାଗ୍ରାମରେ ତାଙ୍କ ଯାତ୍ରା ବିଷୟରେ ଏକ ଭିଡିଓ ସେୟାର କରିଛନ୍ତି। ଭିଡିଓଟି ହାଲକା କମଳା ରଙ୍ଗରେ ଚିତ୍ରିତ ଏକ ବିଳାସପୂର୍ଣ୍ଣ ସେଡାନ କାର୍ ରାସ୍ତାରେ ଯାଉଥିବା ଦେଖିବାକୁ ମିଳୁଛି । ଦର୍ଶକମାନେ କାର୍ ଟିରେ ରାମଙ୍କ ଚିତ୍ର ଦେଖିପାରିବେ । ଏହା ସହ ସେ ପ୍ରଭୁ ରାମଙ୍କ ପ୍ରତିମୂର୍ତ୍ତୀ ଥିବା ଏକ ପତାକା ମଧ୍ୟ ଲଗାଇଥିଲେ ।

ତାଙ୍କ କାର୍ ଟି ରାସ୍ତାରେ ଯିବା ସମୟରେ ସଭିଏଁ ଦେଖି ଚକିତ ହୋଇଯାଇଥିଲେ । ଇଭେଣ୍ଟ ସ୍ଥଳରେ ବି ତାଙ୍କ କାର୍ କୁ ଦେଖି ସଭିଏଁ କିଛି ସମୟ ପାଇଁ ଅଟକି ଯାଉଥିଲେ । ତେବେ ଏହି ଅବସରରେ ସେ ଅଭିନେତା ତଥା ରାଜନେତା ମନୋଜ ତିୱାରୀଙ୍କ ସହ ଫଟୋ ଉଠାଇବାର ସୁଯୋଗ ପାଇଥିଲେ । ଯାହା ସୋସିଆଲ ମିଡିଆରେ ସେୟାର ହୋଇଥିବା ଏକ ଫଠଟୋରେ ଦେଖିବାକୁ ମିଳିଛି । ଏହା ବ୍ୟତୀତ ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ମଧ୍ୟ ଜାଗୁଆର ସେଡାନ ଏବଂ ଦୋସିଙ୍କ ସହ ପୋଜ୍ ଦେଇଛନ୍ତି।

ସୂଚନା ଥାଉକି, ସିଦ୍ଧାର୍ଥ ନିଜ କାର୍ କୁ ଏଭଳି ଚିତ୍ରିତ କରିବା ପ୍ରଥମ ଥର ନୁହେଁ । ଗତ ବର୍ଷ ସେ ଅମୃତ ମହୋତ୍ସବ G20 ଅବସରରେ ବି ଗାଡିକୁ ସଜାଇଥିଲେ। ଜାଗୁଆର ତେବେ ଏକ୍ସଏଫ୍ ବିଳାସପୂର୍ଣ୍ଣ ସେଡାନ୍ ଯାହା ମର୍ସିଡିଜ୍ ବେଞ୍ଜ୍ ଇ-କ୍ଲାସ୍ ଏବଂ ବିଏମଡବ୍ଲୁ ୫ ସିରିଜ୍ ସହିତ ପ୍ରତିଦ୍ୱନ୍ଦ୍ୱିତା କରେ । ଏହି କାର୍ ଟି ୨.୦ ଲିଟର ଚାରି ସିଲିଣ୍ଡର ବିଶିଷ୍ଟ ଡିଜେଲ ଇଞ୍ଜିନ ସହିତ ଆସିଥାଏ ।