ଝାରସୁଗୁଡ଼ା(କେନ୍ୟୁଜ): ଥମୁନି ଲୁଟେରାଙ୍କ ଆତଙ୍କ । ଦିନ ଦ୍ୱିପ୍ରହରରେ ଲୁଟିବା ପାଇଁ ଆପଣାଉଛନ୍ତି ଭିନ୍ନ ଭିନ୍ନ ଉପାୟ । ଯଦି ଆପଣ ରାସ୍ତାରେ ଗାଡ଼ି ରଖି ଜିନିଷ କିଣିବାକୁ ଦୋକାନ ଯାଉଛନ୍ତି ତେବେ ହୋଇଯାଆନ୍ତୁ ସାବଧାନ । କାରଣ ବଜାରରେ ବୁଲୁଛନ୍ତି ବାଇକ୍ ଲୁଟେରା । ଲୁଟେରାମାନେ ବଜାରର ଗଳି କନ୍ଦିରେ ଛକି ବସୁଛନ୍ତି । ଆଉ ଆପଣଙ୍କ ଧ୍ୟାନ ଟିକେ ଏପଟ ସେପଟ ହେଲେ ବାଇକ୍ ନେଇ ଛୁ ମାରୁଛନ୍ତି । ବାଇକ୍ ଚୋରି କରିବା ପାଇଁ ନକଲି ଚାବି ବ୍ୟବହାର କରୁଛନ୍ତି ଲୁଟେରା । କିନ୍ତୁ ଲୁଟେରାଙ୍କ ସବୁ ଯୋଜନାକୁ ପଣ୍ଡ କରିଛି ପୋଲିସ ।
ଝାରସୁଗୁଡ଼ା ପୋଲିସକୁ ମିଳିଛି ବଡ ସଫଳତା। ପୋଲିସ ହାତରେ ଧରା ପଡ଼ିଛନ୍ତି ବାଇକ ଲୁଟେରାଙ୍କ ଏକ ଗ୍ୟାଙ୍ଗ। ଲୁଟେରାଙ୍କ ଠାରୁ ୫ ଟି ବାଇକ ଜବତ କରିବା ସହ ୭ ଜଣଙ୍କୁ କୋର୍ଟ ଚାଲାଣ କରିଛି ଝାରସୁଗୁଡ଼ା ପୋଲିସ । ଗତ ମାସରେ ଝାରସୁଗୁଡ଼ା ଜିଲ୍ଲାର ବିଭିନ୍ନ ଥାନାରେ ବାଇକ ଚୋରିନେଇ ଅଭିଯୋଗ ହୋଇଥିଲା । ଏଭଳି ବାରମ୍ବାର ଅଭିଯୋଗ ଆସିବା ପରେ ପୋଲିସ ଚିନ୍ତାରେ ପଡ଼ିଥିଲା ଏବଂ ଆରମ୍ଭ କରିଥିଲା ତଦନ୍ତ ।
ତେବେ ତଦନ୍ତ ପରେ ଝାରସୁଗୁଡ଼ା ପୋଲିସ ପ୍ରଥମେ ଜଣେ ଲୁଟେରାକୁ କାବୁ କରିବାରେ ସଫଳ ହୋଇଥିଲା । ଲୁଟେରାକୁ ଦୀର୍ଘ ସମୟ ଧରି ପଚରା ଉଚରା କରିବା ପରେ ଅନ୍ୟ ଅଭିଯୁକ୍ତଙ୍କ ବିଷୟରେ ଜଣା ପଡ଼ିଥିଲା । ପରେ ପୋଲିସ ଅନ୍ୟ ଲୁଟେରାମାନଙ୍କୁ ଧରିବାରେ ସଫଳ ହୋଇଥିଲା । ଏ ଲୁଟେରାମାନେ ଧରାପଡ଼ିଥିଲେ ସୁଦ୍ଧା କିଛି ଲୁଟେରା ଏବେ ବିି ବଜାରରେ ସକ୍ରିୟ ଥିବା ଅନୁମାନ କରାଯାଉଛି । ପୋଲିସ ଏହି ମାମଲାର ତଦନ୍ତ କରୁଛି ।
ଏଭଳି ବାଇକ୍ ଚୋରି ର ମାମଲା ପ୍ରତ୍ୟେକ ଦିନ ସାମ୍ନାକୁ ଆସିଛି । କେବଳ ଯେ ବାଇକ୍ ଲୁଟ ହେଉଛି ତାହା ନୁହେଁ । ଆପଣ ପିନ୍ଧୁଥିବା ସୁନା ଗହଣା ଉପରେ ବି ଚୋରଙ୍କ ଲୋଲୁପ ନଜର ରହୁଛି । ତେଣୁ ବଜାରକୁ ବାହାରୁଥିବା ସମୟରେ ଯଥେଷ୍ଟ ସତର୍କ ରୁହନ୍ତୁ । ପିନ୍ଧିଥିବା ସୁନା ଗହଣାକୁ ଲୁଚାଇ ରଖିବାକୁ ଚେଷ୍ଟା କରନ୍ତୁ । ବାଇକକୁ ଦୋକାନ ବାହାରେ ରଖୁଥିଲେ ହ୍ୟାଣ୍ଡେଲ୍ ଲକ୍ କରିବାକୁ ଭୁଲନ୍ତୁ ନାହିଁ । ଏଭଳି କରି ଆପଣ ନିଜ ଜିନିଷକୁ ସୁରକ୍ଷିତ ରଖିପାରିବେ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…