ଗୁଜରାଟର ବନାସକାଣ୍ଠା ଜିଲା ରାମସଣ ଗାଁରେ ହୋଲି ଖେଳିବା ମନା। ଏଠି ଏହାକୁ ଅଶୁଭ ବୋଲି କୁହାଯାଏ। ଏହି ଗାଁରେ ବିଗତ ୨୦୭ ବର୍ଷ ହେବ ହୋଲି ଉତ୍ସବ ପାଳନ ହେଉନାହିଁ। ହୋଲି ଦିନ ନା କେହି ରଙ୍ଗ ଖେଳନ୍ତି ନା ହୋଲିକା ଦହନ ହୋଇଥାଏ। ଗାଁର ଲୋକସଂଖ୍ୟା ପାଖାପାଖି ୧୦ ହଜାର। ଗାଁର ପୂର୍ବ ନାଁ ଥିଲା ରାମେଶ୍ୱର। ମାନ୍ୟତା ରହିଛି ଯେ ଭଗବାନ ରାମ ଏଠାରେ ରାମେଶ୍ୱର ଭଗବାନଙ୍କ ପୂଜା କରୁଥିଲେ।
ରାମସଣ ଗାଁ ଲୋକଙ୍କ କହିବା ହେଲା, ଏଠାରେ ୨୦୭ ବର୍ଷ ପୂର୍ବେ ହୋଲିକା ଦହନ ଏବଂ ହୋଲି ଧୁମ୍ଧାମରେ ପାଳନ ହେଉଥିଲା। କିନ୍ତୁ ହଠାତ୍ ପୂରା ଗାଁରେ ନିଅାଁ ଲାଗିଗଲା। ନିଅାଁର ପ୍ରକୋପ ଏତେ ଭୟାବହ ଥିଲା ଯେ ଅଧିକାଂଶ ଘର ଜଳିପୋଡ଼ି ପାଉଁଶ ହୋଇଗଲା। ସେବେଠାରୁ ଗ୍ରାମବାସୀଙ୍କ ଭିତରେ ଡର ପଶିଗଲା ଏବଂ ସେମାନେ ହୋଲି ପାଳିବା ବନ୍ଦ କରିଦେଲେ। ଏହି ଘଟଣା ପରେ ଗାଁର କୌଣସି ବି ଲୋକ ଆଜି ପଯ୍ୟର୍ନ୍ତ ହୋଲିକା ଦହନ କରିନାହାନ୍ତି କି ରଙ୍ଗ ଖେଳିନାହାନ୍ତି।
ସେହିପରି ହୋଲିକା ନ ଜଳାଇବା ପଛରେ ଏକ ଲୋକକଥା ବି ରହିଛି। ଗାଁର ରାଜା ସାଧୁସନ୍ଥମାନଙ୍କୁ ଅପମାନ କରୁଥିଲେ। ଏହାକୁ ନେଇ ସାଧୁସନ୍ଥ କ୍ରୋଧିତ ହୋଇଯାଇଥିଲେ। ସେମାନେ ଗାଁ ସହ ରାଜାଙ୍କୁ ଅଭିଶାପ ଦେଇଥିଲେ ଯେ ହୋଲି ଦିନ ଗାଁରେ ନିଅାଁ ଲାଗିଯିବ ଏବଂ ପୂରା ଗାଁ ନିଅାଁ ମୁହଁକୁ ଚାଲିଯିବ। ଏହାପରେ ଗାଁ ଲୋକେ ଯେତେବେଳେ ହୋଲିକା ଦହନ କରିଥିଲେ, ସେତେବେଳେ ଗାଁରେ ନିଅାଁ ଲାଗିଯାଇଥିଲା। ଏହାପରଠୁ ଗ୍ରାମବାସୀ ହୋଲିକା ଦହନ କରିବା ବନ୍ଦ କରିଦେଇଥିଲେ। କିଛିବର୍ଷ ବିତିଯିବା ପରେ ଯେତେବେଳେ ସେମାନେ ପୁଣିଥରେ ହୋଲି ପର୍ବ ପାଳିଥିଲେ, ପୁଣି ନିଅାଁ ଲାଗିଯାଇଥିଲା। ଏଥିରେ ଅନେକ ଘର ପୋଡ଼ିଯାଇଥିଲା। ସେବେଠାରୁ ଆଜି ପଯ୍ୟର୍ନ୍ତ ଏଠି ହୋଲି ଉତ୍ସବ ପାଳନ ହେଉନାହିଁ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…