ଦୁନିଆର ସବୁଠାରୁ ଖତରନାକ୍‌ ରାସ୍ତା, ପ୍ରତିବର୍ଷ ୨୦୦-୩୦୦ ଲୋକ ଯାଉଛି ଜୀବନ

ଦୁନିଆରେ ଅନେକ ବିପଜ୍ଜନକ ରାସ୍ତା ଅଛି ଯେଉଁଠାରେ ଦୁର୍ଘଟଣାର ସମ୍ଭାବନା ଅଧିକ ଥାଏ । ଭାରତରେ ମଧ୍ୟ ଏପରି ଅନେକ ରାସ୍ତା ଅଛି , ଯଦି ଆପଣ ଏହି ରାସ୍ତାରେ ଯତ୍ନର ସହ ଚାଲନ୍ତି, ତେବେ ଆପଣ ସହଜରେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବେ, କିନ୍ତୁ ଆପଣ ଜାଣନ୍ତି କି ଏକ ରାସ୍ତା ଯାହାକୁ ‘ ଡେଥ୍ ରୋଡ୍ ‘ କୁହାଯାଉଛି ।

ବାସ୍ତବରେ, ଆମେ ବୋଲିଭିଆର ଡେଥ୍ ରୋଡ୍ ବିଷୟରେ କହୁଛୁ , ଯାହା ଦୁନିଆର ସବୁଠାରୁ ବିପଜ୍ଜନକ ରାସ୍ତା ବୋଲି କୁହାଯାଏ । ଏହାର ନାମ ଉତ୍ତର ୟୁଙ୍ଗାସ୍ ରୋଡ୍ , ଲୋକମାନେ ଏହାକୁ ମୃତ୍ୟୁର ରାସ୍ତା କହିଥାଆନ୍ତି । ଏକ ସମୟ ଥିଲା ୨୦୦-୩୦୦ ଲୋକ ପ୍ରତିବର୍ଷ ଏଠାରେ ଦୁର୍ଘଟଣାରେ ପ୍ରାଣ ହରାଉଥିଲେ । ତେଣୁ ଏହି ରାସ୍ତାର ନାଁ ମୃତ୍ୟୁ ରାସ୍ତାରେ ପରିଣତ ହେଲା । ଏହି ୭୦ କିଲୋମିଟର ଲମ୍ବା ରାସ୍ତା ଭୂସ୍ଖଳନ , କୁହୁଡ଼ି ଏବଂ ପର୍ବତ ଭୁଶୁଡ଼ିବାର ବିପଦର ସମ୍ମୁଖୀନ ହୋଇଛି । ତେବେ ରାସ୍ତାଟି କେବଳ କିଛି ମୋଡ଼ରେ ୧୦ ଫୁଟରୁ ଅଧିକ ଚଉଡା ହୋଇଥିବାବେଳେ ଅଧିକାଂଶ ସ୍ଥାନରେ ଏହା ବହୁତ ସଂକୀର୍ଣ୍ଣ ।

ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଯେ, ଭାରତରେ ଏପରି ଅନେକ ରାସ୍ତା ଅଛି । ତେବେ ୧୯୯୫ ମସିହାରେ ଇଣ୍ଟର ଆମେରିକୀୟ ଡେଭଲପମେଣ୍ଟ ବ୍ୟାଙ୍କ ଏହି ରାସ୍ତାକୁ ଦୁନିଆର ସବୁଠାରୁ ବିପଜ୍ଜନକ ରାସ୍ତା ଭାବରେ ଘୋଷଣା କରିଥିଲା । ଏହି ରାସ୍ତା ଏତେ ପ୍ରଶସ୍ତ ନୁହେଁ ଯେ ଏକ ପ୍ରଶସ୍ତ ଯାନ ଏହା ଉପରେ ଆରାମରେ ଯାଇପାରିବ । ବର୍ଷା ଦିନେ ଏହା ଆହୁରି ଖରାପ ହୋଇଯାଏ । ଯେତେବେଳେ ବି ଏଠାରେ କୌଣସି ଦୁର୍ଘଟଣା ଘଟେ, ସେତେବେଳେ ଯାନବାହାନ ୨୦୦୦ ରୁ ୧୫୦୦୦ ଫୁଟ ଉଚ୍ଚରୁ ସିଧାସଳଖ ଖାଲରେ ପଡ଼େ । ଖରାପ ପାଗରେ ଏହି ରାସ୍ତାରେ ଯିବା ଅର୍ଥାତ୍‌ ମୃତ୍ୟୁକୁ ନିମନ୍ତ୍ରଣ କରିବା ।

ତେବେ ୧୯୩୦ ଦଶକରେ ପେରାଗୁଏ ଏବଂ ବ୍ରାଜିଲ ମଧ୍ୟରେ ଚାଲିଥିବା ଚାକୋ ଯୁଦ୍ଧରେ ବନ୍ଦୀ ହୋଇଥିବା ପେରାଗୁଏ କଏଦୀମାନେ ଏହି ରାସ୍ତା ନିର୍ମାଣ କରିଥିଲେ । ସେହି ସମୟରେ ବନ୍ଦୀମାନେ ପର୍ବତ କାଟି ଏହି ରାସ୍ତା ନିର୍ମାଣ କରିଥିଲେ । ଏହି ରାସ୍ତା ବିପଜ୍ଜନକ କିନ୍ତୁ ଦୁଇଟି ସହର ମଧ୍ୟରେ ଦୂରତାକୁ ସହଜ କରିଥାଏ । ଏହି ରାସ୍ତା ବଲିଭିଆର ରାଜଧାନୀ ଲା ପାଜକୁ କୋରାଇକୋ ସହର ସହିତ ସଂଯୋଗ କରେ । ୨୦୦୬ ମସିହାରେ ଏହି ରାସ୍ତା ଏହି ଦୁଇ ସହର ମଧ୍ୟରେ ଯାତ୍ରା କରିବାର ଏକମାତ୍ର ମାଧ୍ୟମ ଥିଲା , କିନ୍ତୁ ୨୦୦୯ ରେ ସରକାର ଆଉ ଏକ ରାସ୍ତା ନିର୍ମାଣ କରିଥିଲେ । ଏଥିସହ ସରକାର ଏହି ରାସ୍ତାରେ ଅନେକ ସୁରକ୍ଷା ବ୍ୟବସ୍ଥା କରିଛନ୍ତି, ଯେଉଁଥିପାଇଁ ଏବେ ଦୁନିଆର ସବୁଠାରୁ ବିପଦପୂର୍ଣ୍ଣ ରାସ୍ତା ରୁପେ ଅଶୁ ରହିନାହିଁ । ଏହି ରାସ୍ତାରେ ଘଞ୍ଚ ଜଙ୍ଗଲ , ପର୍ବତ ଏବଂ ପଥର ରହିଛି ।