ଭାରତରେ ଏପରି ଏକ ରହସ୍ୟମୟ ମନ୍ଦିର ଅଛି , ଯେଉଁଠାରେ ଶ୍ରାବଣ ମାସରେ ସର୍ପ ଦେବତା ଦର୍ଶନ ଦେଇଥାନ୍ତି

ସନାତନ ଧର୍ମର ଅନ୍ୟତମ ମୁଖ୍ୟ ଦେବତା ହେଉଛନ୍ତି ଭଗବାନ ଶିବ। ଶିବଙ୍କୁ ବିନାଶର ଦେବତା ଭାବରେ ବିବେଚନା କରାଯାଏ। ଏଥି ସହିତ,ଶ୍ରାବଣ ମାସ ଭଗବାନ ଶିବଙ୍କର ଅତ୍ୟନ୍ତ ପ୍ରିୟ ମାସ ବୋଲି କୁହାଯାଏ ।ଏହି ଶ୍ରାବଣ ମାସରେ ନାଗପଞ୍ଚମୀ ପର୍ବ ମଧ୍ୟ ଆସିଥାଏ | ଏହା ମଧ୍ୟ ସମସ୍ତଙ୍କୁ ଜଣା ଯେ ଭଗବାନ ଶିବ ତାଙ୍କ ବେକରେ ସର୍ପକୁ ଧରଣ କରିଥାନ୍ତି । ମଧ୍ୟପ୍ରଦେଶରେ ଏପରି କିଛି ମନ୍ଦିର ରହିଛି ଯେଉଁଠାକୁ ଶ୍ରାବଣ ମାସରେ ଅନେକ ସର୍ପ ଦେବତା ଆସିଥାନ୍ତି । ଗୋଟିଏ ପଟେ ବୈଜ୍ଞାନିକ ମାନେ ବିଶ୍ୱାସ କରନ୍ତି ଯେ ଶ୍ରାବଣ ମାସରେ ବର୍ଷା ହେବା ଯୋଗୁ ଚାରିଆଡେ ପାଣି ପରିପୂର୍ଣ୍ଣ ହୋଇଯାଏ । ଏହି ସମୟରେ ସାପ ମାନେ ନିଜ ସ୍ଥାନ ଛାଡି ବାହାରକୁ ବାହାରିଥାନ୍ତି। ଏବଂ ଏହାକୁ ଦେଖି ଭକ୍ତମାନେ ଭଗବାନ ଶିବଙ୍କ ସହ ମିଳିତ ହେବାର କାରଣ ବୋଲି ବିବେଚନା କରନ୍ତି।

କିନ୍ତୁ ଆଜି ଆମେ ଆପଣଙ୍କୁ ଏପରି କିଛି ମନ୍ଦିର ବିଷୟରେ କହିବାକୁ ଯାଉଛୁ ଯେଉଁଠାରେ ଶ୍ରାବଣ ମାସରେ ସାପ ମାନେ ପ୍ରାୟତଃ ଦେଖା ଦେଇଥାନ୍ତି , କିନ୍ତୁ ବିଶେଷ କଥା ହେଉଛି ଭକ୍ତ ମାନେ ପୂଜାକରିବା ସମୟରେ ଏହି ସାପ ମାନେ ଦର୍ଶନ ଦେଇଥାନ୍ତି , ମାତ୍ର ସବୁଠାରୁ ଗୁରୁତ୍ଵପୂର୍ଣ୍ଣ କଥା ହେଉଛି ସେଠାରେ ଉପସ୍ଥିତ ଥିବା ଭକ୍ତ ମାନଙ୍କର ଏହି ସାପ ମାନେ କୌଣସି ଅନିଷ୍ଟ କରିନଥାନ୍ତି ।

ମଧ୍ୟପ୍ରଦେଶର ରାଜଧାନୀ ଭୋପାଳର ହବିବଗଞ୍ଜ ରେଳ ଷ୍ଟେସନରେ ଅବସ୍ଥିତ ଏକ ଶିବ ମନ୍ଦିରରେ ରହିଛି ଯେଉଁଠାରେ ଶ୍ରାବଣର ଯେକୌଣସି ସୋମବାରରେ ଏକ ସାପ ଆସିଥାଏ , କେବଳ ସେତିକି ନୁହେଁ ବାଲାଘାଟର ଭାରସିଭାନି ଜେଲ ଭିତରେ ନିର୍ମିତ ଏକ ଶିବ ମନ୍ଦିର ରହିଛି , ଏଠାକୁ ମଧ୍ୟ ପ୍ରତି ବର୍ଷ ଶିବରାତ୍ରିରେ ସାପ ଆସିଥାଏ ବୋଲି ଲୋକ ମାନେ କହିଥାନ୍ତି ।

ଏହା ଛଡା ମଧ୍ୟପ୍ରଦେଶର ଅନ୍ୟ ଏକ ମନ୍ଦିର ଅଛି ,ଏବଂ ଏହି ମନ୍ଦିରକୁ ମଧ୍ୟ ଶ୍ରାବଣ ମାସ ସମୟରେ ସାପ ଆସିବାର ଦେଖା ଦେଇଥାଏ , ଯାହାକି ଭଗବାନ ଶିବଙ୍କ ପବିତ୍ର ତଥା ପୂଜାପାଠ ସମୟରେ ମଧ୍ୟ ଶିବଲିଙ୍ଗ ଉପରେ ଗୁଡ଼ାଇ ହୋଇ ଯାଇଥାଏ। ଏଥିସହିତ ଭକ୍ତମାନେ ଶିବଲିଙ୍ଗ ଉପରେ କ୍ଷୀର ଅର୍ପଣ କରି ଭଗବାନ ଶିବ ଏବଂ ନାଗଦେବତାଙ୍କୁ ପୂଜା ଅର୍ଚନା କରିଥାନ୍ତି ।

ଅନ୍ୟପକ୍ଷରେ ମଧ୍ୟ ରୁଦ୍ରାଭିଷେକ ସମୟରେ ଏକ ସାପ ଶିବଲିଙ୍ଗ ଚାରିପାଖରେ ବୁଲୁଥିବାର ଦେଖାଯାଇଥାଏ । ଏହି ସମୟରେ ଭକ୍ତମାନେ ରୁଦ୍ରାଭିଷେକ ମଧ୍ୟ କରିଥାନ୍ତି । ସର୍ପ ଦେବତାମାନେ କ୍ରମାଗତ ଭାବରେ ଚାରିପଟେ ବୁଲୁଥିବା ବେଳେ ଭକ୍ତ ମାନେ ପୂଜା ଓ ମନ୍ତ୍ର ଉଚ୍ଚାରଣ ସମୟରେ କୌଣସି ପ୍ରକାର ଭୟ ମନରେ ରଖିନଥାନ୍ତି । ଭକ୍ତ ମାନେ ବିଶ୍ୱାସ କରନ୍ତି ଯେ ଶ୍ରାବଣ ମାସରେ ସର୍ପ ଦର୍ଶନ କଲେ ସେମାନଙ୍କର ସମସ୍ତ ମନସ୍କମାନ ପୂର୍ଣ୍ଣ ହୋଇଥାଏ ।