ଆଜି ତୃତୀୟଥର ପ୍ରଧାନମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦି । ତେବେ ତାଙ୍କ ମନ୍ତ୍ରିମଣ୍ଡଳର ରୂପରେଖ କଣ ହେବ, ତାକୁ ନେଇ ଚାଲିଛି ଜୋର ଚର୍ଚ୍ଚା । ମନ୍ତ୍ରିମଣ୍ଡଳରେ ବିଜେପିର ଭାଗ କେତେ ରହିବ ଏବଂ ସହଯୋଗୀ ଦଳ କଣ ପାଇବେ ତା ଉପରେ ନଜର ରହିଛି । ସୂଚନା ଅନୁସାରେ, ବିଜେପି ନିଜ ପାଖରେ ୯ଟି ମନ୍ତ୍ରଣାଳୟ ରଖିବ । ଗୃହ, ଅର୍ଥ, ପ୍ରତିରକ୍ଷା, ବୈଦେଶିକ ବ୍ୟାପାର, ରେଲୱେ,ସଡ଼କ ପରିବହନ, ଆଇନ ମନ୍ତ୍ରାଳୟ, ପ୍ରଯୁକ୍ତି ବିଦ୍ୟା ଓ ଶିକ୍ଷା ମନ୍ତ୍ରଣାଳୟ ରହିବ ବୋଲି ଜଣାପଡିଛି ।
ଗୃହବିଭାଗ ଅମିତ ଶାହଙ୍କ ହାତରେ ଥିବା ବେଳେ ନିର୍ମଳା ସୀତାରମଣ ରହିଥିଲେ ଅର୍ଥମନ୍ତ୍ରୀ । ବୈଦେଶିକ ବିଭାଗ ଏସ୍ ଜୟଶଙ୍କର ବଜାୟ ରଖି ପାରନ୍ତି ।
ବରିଷ୍ଠ ନେତା ନୀତିନ ଗଡ଼କରୀ ପରିବହନ ଓ ଜାତୀୟ ରାଜପଥ ବିଭାଗ ଦାୟିତ୍ବରେ ଅଛନ୍ତି । ଏହି ପଦବୀ ବିଜେପି ହାତରେ ରହିପାରେ ନଚେତ ସହଯୋଗୀ ଦଳକୁ ମଧ୍ୟ ଯାଇ ପାରେ । ଏହା ବ୍ୟତୀତ କୃଷି ଓ କୃଷକ କଲ୍ୟାଣ, ସଂସଦୀୟ ବ୍ୟାପାର ଓ ଖଣି, ବନ୍ଦର ଓ ଜଳପଥ, ଗ୍ରାମ୍ୟ ଉନ୍ନୟନ ଓ ଜଳ ଯୋଗାଣ, ବେସାମରିକ ବିମାନ ଚଳାଚଳ, ନଗର ଉନ୍ନୟନ ଓ ଗୃହ ନିର୍ମାଣ, ସଂସ୍କୃତି ଓ ପର୍ଯ୍ୟଟନ, ସାର ଓ ରସାୟନ, ଭାରୀ ଶିଳ୍ପ ଏବଂ ମତ୍ସ୍ୟ ଓ ପଶୁପାଳନ ବିଭାଗ ମଧ୍ୟ ସହଯୋଗୀଙ୍କ ହାତକୁ ଯାଇ ପାରେ ।
ପ୍ରହଲ୍ଲାଦ ଯୋଶୀଙ୍କ ବିଭାଗ ସଂସଦୀୟ ବ୍ୟାପାର ଓ ଖଣି ମନ୍ତ୍ରଣାଳୟ କାହା ହାତକୁ ଯିବ ତାହା ଏପର୍ଯ୍ୟନ୍ତ ଆକଳନ କରାଯାଇନାହିଁ । ଓଡ଼ିଶାର ଦୁଇ ଆଦିବାସୀ ନେତା ଜୁଏଲ ଓରାମ କିମ୍ବା ବଳଭଦ୍ର ମାଝୀଙ୍କ ମଧ୍ୟରୁ ଜଣକୁ ଏହି ବିଭାଗ ମିଳି ପାରେ । ଧର୍ମେନ୍ଦ୍ର ପ୍ରଧାନଙ୍କ ଅଧୀନରେ ଶିକ୍ଷା ଓ ଦକ୍ଷତା ବିକାଶ ବିଭାଗ ରହିଥିଲା । ଅଶ୍ୱିନ ବୈଷ୍ଣବଙ୍କୁ ମଧ୍ୟ କିଛି ଦାୟିତ୍ୱ ମିଳିପାରେ ବୋଲି ଚର୍ଚ୍ଚା ହେଉଛି । ଏବେ ଏହି ଦାୟିତ୍ବ କାହା ହାତକୁ ଯାଉଛି ତା ଉପରେ ମଧ୍ୟ ନଜର ରହିଛି ।
ମୋଦିଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପଦ ଓ ଗୋପନୀୟତାର ଶପଥ ପାଠ କରାଇବେ । ମୋଦିଙ୍କ ସମେତ ତାଙ୍କ ନୂଆ କ୍ୟାବିନେଟର ଅନ୍ୟ ମନ୍ତ୍ରୀମାନେ ମଧ୍ୟ ଶପଥ ଗ୍ରହଣ କରିବେ ।
ମୋଦିଙ୍କ ଶପଥ ଗ୍ରହଣ ସମାରୋହରେ ଅନେକ ଦେଶର ରାଷ୍ଟ୍ରାଧ୍ୟକ୍ଷ ସାମିଲ ହେବେ । ଏହାକୁ ନେଇ ଦିଲ୍ଲୀରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଦିଲ୍ଲୀକୁ ନୋ ଫ୍ଲାଇଂ ଜୋନ ଘୋଷଣା କରାଯାଇଛି । ପ୍ରତି ଛକରେ ପୋଲିସ ପ୍ରହରା ଦେଉଛି । ନୂଆଦିଲ୍ଲୀର ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନରେ ଡ୍ରୋନ ରହିବ ।
ଶପଥ ଗ୍ରହଣ ସମାରୋହ ପାଇଁ ଦିଲ୍ଲୀରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ରାଷ୍ଟ୍ରପତି ଭବନ ସୁରକ୍ଷା ପାଇଁ ଅର୍ଦ୍ଧସୈନିକ ବଳର ୫ଟି ଫୋର୍ସ, ଏନଏସଜି କମାଣ୍ଡୋ, ଡ୍ରୋନ, ସ୍ନାଇପର ନିୟୋଜିତ କରାଯାଇଛି ।
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…
ପୁରୀ (କେନ୍ୟୁଜ) : ଆଜି ପବିତ୍ର ଦେବସ୍ନାନ ପୂର୍ଣ୍ଣିମା । ଆଜି ସ୍ନାନ ବେଦୀରୁ ଗଜବେଶରେ ଅଗଣିତ ଭକ୍ତଙ୍କୁ ଦର୍ଶନ…