କୁହାଯାଏ, ପଶ୍ଚାତାପଠୁ ବଡ଼ ପ୍ରାୟଶ୍ଚିତ ଆଉ କିଛି ନାହିଁ। ଏଭଳି ଏକ ମାମଲା ଦେଖିବାକୁ ମିଳିଛି ମିରଠରେ। ଏଠାରେ ଏକ ଚୋରକୁ ମାଲିକ ଜଣକ ଚୋରି କରିଥିବା ଫାର୍ମହାଉସ୍ରେ ହିଁ ଚାକିରି ଦେଇଛନ୍ତି। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟି ସତ। ଏଠାରେ ଏକ ଚୋର ଚୋରି କରିବା ପରେ ହଠାତ୍ ତା’ର ମନ ପରିବର୍ତ୍ତନ ହୋଇଯାଇଛି ଓ ସେ ନିଜ ଭୁଲ ସ୍ୱୀକାର କରି ସମସ୍ତ ଜିନିଷ ଫେରାଇ ଦେଇଛି। କିନ୍ତୁ ଏହା ପରେ କିଛି ଏମିତି ହେଲା ଯାହା ଫଳରେ ତାକୁ ମାଲିକ ନିଜ ଫାର୍ମହାଉସ୍ରେ ହିଁ ଚାକିରି ଦେଇଛନ୍ତି।
ରିପୋର୍ଟ ମୁତାବକ, ମିରଠର ମୋଦିପୁରମ୍ରେ ରାଲୋଦର ଜିଲ୍ଲାଧ୍ୟକ୍ଷ ରାହୁଲ ଦେବଙ୍କ ଫାର୍ମହାଉସ୍ରୁ କିଛି ଦିନ ତଳେ କିଛି ଜିନିଷ ଚୋରି ହୋଇଥିଲା। ଏଣୁ ସେ ପୋଲିସରେ ଅଭିଯୋଗ କରିଥିଲେ। ମାତ୍ର ପୋଲିସ କିଛି ପଦକ୍ଷେପ ନେବା ପୂର୍ବରୁ ହିଁ ଚୋର ସମସ୍ତ ଜିନିଷ ସହ ଥାନାକୁ ଆସି ତାଙ୍କୁ କ୍ଷମା ମାଗିଥିଲା। ଚୋରର ଏଭଳି ପରିବର୍ତ୍ତନ ଦେଖି ରାହୁଲ ତାଙ୍କୁ ଚୋରି କରିବାର କାରଣ ଓ ପୁଣି ଜିନିଷ ଫେରାଇବାର ଅର୍ଥ ପଚାରିଥିଲେ।
ଉତ୍ତରରେ ଚୋରଟି କହିଥିଲା ତା’ ପାଖରେ କିଛି କାମ ନାହିଁ। ଏଣୁ ପରିବାର ଲୋକଙ୍କ ପାଇଁ ଖାଇବା କିଣିବାକୁ ସେ ଚୋରି କରିଥିଲା। ମାତ୍ର ଘରକୁ ଫେରିବା ପରେ ତା’ମନ ପରିବର୍ତ୍ତନ ହୋଇଗଲା ଓ ସେ ଯାହା କରିଛି ତାହା ଭୁଲ ବୋଲି ହୃଦୟଙ୍ଗମ କରିଥିଲା। ଏଣୁ ସେ ସମସ୍ତ ଜିନିଷ ଆଣି ଫେରାଉଛି ବୋଲି କହିଥିଲା। ଚୋରର ଏଭଳି ପରିବର୍ତ୍ତନ ଦେଖି ରାହୁଲ ମଧ୍ୟ ତାକୁ କ୍ଷମା କରିବା ସହ ଚୋରି କରିଥିବା ଫାର୍ମହାଉସ୍ରେ ହିଁ ଚାକିରି ଦେଇଛନ୍ତି।
ନୀଳଗିରି : ଘରୋଇ କଳହର କରୁଣ ପରିଣତି । ସ୍ତ୍ରୀର ବେକ କାଟି ମାରିବାକୁ ଉଦ୍ୟମ କଲା ସ୍ୱାମୀ। ବାଲେଶ୍ୱର…
ଆଇସିକ୍ରିମ୍ କାହାର ବା ପସନ୍ଦ ନୁହେଁ । ପିଲାଠୁ ବୁଢ଼ା ସମସ୍ତଙ୍କର ପସନ୍ଦ ଆଇସିକ୍ରିମ୍ । ବିଶେଷ କରି ଏହି…
ଭୁବନେଶ୍ୱର : ବଢ଼ିପାରେ ସ୍କୁଲ ଛୁଟି ଅବଧି। ଖରାର ପ୍ରକୋପକୁ ଦେଖି ସରକାର ଏହି ନିଷ୍ପତ୍ତି ନେଇପାରନ୍ତି । ପୂର୍ବର…
ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, କୋଲ୍ଡ ଡ୍ରିଙ୍କସ୍ ଯୋଗୁଁ ଆପଣଙ୍କ ସ୍ୱାସ୍ଥ୍ୟ ଖରାପ ହୋଇପାରେ । ଯଦି ଆପଣ ମଧ୍ୟ ନିୟମିତ…
ଫିଲ୍ମ ଇଣ୍ଡଷ୍ଟ୍ରୀର ପ୍ରମୁଖ ଅଭିନେତ୍ରୀମାନଙ୍କ ମଧ୍ୟରୁ ଆଲିଆ ଭଟ୍ଟ ଅନ୍ୟତମ। ଫିଲ୍ମରେ ତାଙ୍କର ଉତ୍କୃଷ୍ଟ ଅଭିନୟ ସହିତ ଆଲିଆ ଲୋକଙ୍କ…
ଭୁବନେଶ୍ୱର : ନୂଆ ବିଧାୟକଙ୍କ ଶପଥ ପାଠ ପାଇଁ ବିଧାସଭା ପ୍ରସ୍ତୁତ। ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି ପୋଲିସ ଡିଜି…