କଟକ : ସକାଳୁ ସକାଳୁ ରାଜ ରାସ୍ତାରେ ଗାଡ଼ି ମୋଟରର ବେଶ୍ ଭିଡ଼ ଲାଗିଛି । ଲୋକମାନେ ନିଜ ନିଜ କାର୍ଯ୍ୟସ୍ଥଳିରେ ପହଞ୍ଚିବା ପାଇଁ ବ୍ୟସ୍ତତା ଭିତରେ ଧାଉଁଛନ୍ତି । କିଏ ସାଏଁ କରି ବାଇକ୍ ଚଳାଇ ଚାଲି ଯାଉଛି ତ । ଅଟୋ ପୁଣି ପଛରୁ ପେଁ ପେଁ କରି ମାଡ଼ି ଆସୁଛି । ଏମିତି ସବୁ ଗାଡ଼ି ମୋଟର ଗୁଡ଼ିକ ରାସ୍ତାରେ ଯିଏ ଯୁଆଡ଼େ ଯିବା କଥା ଚାଲି ଯାଉଛନ୍ତି । କିନ୍ତୁ ଏହାରି ଭିତରେ ଟ୍ରାଫିକ୍ ପୋଲିସ କର୍ମଚାରୀଙ୍କ କାର୍ଯ୍ୟ ଉପରେ କାହାରି ନଜର ହଟୁ ନଥାଏ । ସମସ୍ତେ ଯିବା ବେଳେ ଟିକିଏ ଏହି ଟ୍ରାଫିକ୍ କର୍ମଚାରୀଙ୍କୁ ଚାହିଁ ମୁହଁ ବୁଲାଇ ନିଜ କାମରେ ଚାଲି ଯାଉଥାଆନ୍ତି ।
କିନ୍ତୁ ଟ୍ରାଫିକ୍ କର୍ମଚାରୀଙ୍କ ଏଭଳି କାର୍ଯ୍ୟକୁ ଦେଖି ଜଣେ ବ୍ୟକ୍ତି ନିଜକୁ ରୋକି ପାରି ନଥିଲେ । ସେ ଆସି ତାଙ୍କ କାମରେ ସହଯୋଗ କରିଥିଲେ ।
ରାସ୍ତାରେ ପଡିରହିଥିଲା ବଡ଼ ବଡ଼ ଗୋଡି । ଗୋଡି ପଡିବା କାରଣରୁ ଦୁର୍ଘଟଣାର ସମ୍ମୁଖୀନ ହେଉଥିଲେ ସାଧାରଣ ଲୋକ। ଏହି ଗୋଡ଼ି ଯୋଗୁଁ ରାସ୍ତାରେ ଗାଡ଼ି ମୋଟର ଅନେକ ଥର ଚକା ସ୍ଲିପ୍ କରି ଦୁର୍ଘଟଣାଗ୍ରସ୍ତ ହୋଇଛି । ଅନେକଙ୍କ ଜୀବନ ଯାଇଛି । କେତେ ପରିବାର ମୂରବୀ ଶୂନ୍ୟ ହୋଇଥିବା ବେଳେ ତା ଭେଣ୍ଡିଆ ପୁଅକୁ ହରାଇ ଆଜି ବି ଦୁଃଖରେ ଦିନ କାଟୁଛନ୍ତି । ତାଙ୍କ ଆଖିରୁ ଶୁଖୁନି ଲୁହ । କିନ୍ତୁ ଏହି କଥାକୁ ଅନେକ ଲୋକ ମନରୁ ପାସୋରି ଦେଇଥିବା ବେଳେ ସତେ ଯେମିତି ଭୁଲି ନାହାଁନ୍ତି ଏହି ଟ୍ରାଫିକ୍ କର୍ମଚାରୀ ଜଣକ । ସେଥିପାଇଁ ତ ହାତରେ ଝାଡ଼ୁ ଧରି ରାସ୍ତାରେ ସଫା କରୁଛନ୍ତି ଗୋଡ଼ି । ତେବେ ଏଭଳି କିଛି ଦୃଶ୍ୟ ଦେଖିବାକୁ ମିଳିଥିଲା କଟକ ବେଲଭିୟୁ ଟ୍ରାଫିକ ଛକ ନିକଟରେ। ଗୋଡି ପାଇଁ ଦୁର୍ଘଟଣା ଘଟୁଥିବାରୁ ନିଜେ ଝାଡ଼ୁ ଧରି ରାସ୍ତାକୁ ଓଳାଇ ସଫା କରିଥିଲେ ସେଠାରେ କାର୍ଯ୍ୟରତ ଥିବା ଟ୍ରାଫିକ କର୍ମଚାରୀ ଶ୍ୟାମ ସୁନ୍ଦର ମୁର୍ମୁ। ସେ ନିଜର କର୍ତ୍ତବ୍ୟ କରିବା ସହ ଏଭଳି କାର୍ଯ୍ୟ ପାଇଁ ସମସ୍ତେ ଶ୍ୟାମସୁନ୍ଦର ଲୋକେ ପ୍ରସଂଶା କରିଥିଲେ। କିଛି ସମୟ ପରେ ରାସ୍ତାରେ ଗୋଡ଼ି ସଫା ହେବା ପାଇଁ ଯନ୍ତ୍ର ଆସି ପହଞ୍ଚିଥିଲା ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…