ବ୍ରହ୍ମପୁର(କେନ୍ୟୁଜ୍): ହାତୀ ପେଟରେ ୩୦ ହଜାରରୁ ଊର୍ଦ୍ଧ୍ୱ ପ୍ଲାଷ୍ଟିକ ବୋତଲ । ଏଭଳି ଦୃଶ୍ୟ ଦେଖିବାକୁ ମିଳିଛି ବ୍ରହ୍ମପୁର ଆଇଟିଆଇ ପରିସରରେ । ଆଇଟିଆଇର ବିଭିନ୍ନ ବିଭାଗର ଛାତ୍ରଛାତ୍ରୀ ମାନେ ଏହି ହାତୀଟିକୁ ନିର୍ମାଣ କରିଛନ୍ତି । ଗତ ଏକ ମାସ ଧରି ସହରର ବିଭିନ୍ନ ସ୍ଥାନରୁ ପ୍ରା଼ୟ ୩୦ ହଜାରରୁ ଊର୍ଦ୍ଧ୍ୱ ପ୍ଲାଷ୍ଟିକ ବୋତଲ ସଂଗ୍ରହ କରିଥିଲେ । ଏହାପରେ ଅଦରକାରୀ ଲୁହାରେ ଏକ ୨୩ ଫୁଟ ଉଚ୍ଚତାର ହାତୀ ନିର୍ମାଣ କରିଛନ୍ତି । ଏହି ହତୀ ମଧ୍ୟରେ ସଂଗୃହିତ ହୋଇଥିବା ୩୦ ହଜାରରୁ ଊର୍ଦ୍ଧ୍ୱ ପ୍ଲାଷ୍ଟିକ ବୋତଲ ଭର୍ତ୍ତି କରିଛନ୍ତି ଛାତ୍ରଛାତ୍ରୀ ।
ଦୀର୍ଘ ଏକ ମାସ ହେଲା ଏଭଳି ବୋତଲ ସଂଗ୍ରହ କରିବା ପରେ ବର୍ତ୍ତମାନ ହାତୀର ଶରୀର ମଧ୍ୟରେ ପ୍ଲାଷ୍ଟିକ ବୋତଲ ରଖିଛନ୍ତି । ଏହି ପ୍ଲାଷ୍ଟିକ ବୋତଲ ରଖିବା କାର୍ଯ୍ୟ ଶେଷ ହେବା ପରେ ଏହାକୁ ରଙ୍ଗ ଦିଆଯାଇ ଆଲୋକମାଳାରେ ସୁସଜ୍ଜିତ କରାଯିବା । ଏଭଳି କରିବାର ମୁଖ୍ୟ ଉଦ୍ଦେଶ୍ୟ ହେଲା ପ୍ଲାଷ୍ଟିକ ବୋତଲ ଦ୍ବାରା ହେଉଥିବା ପ୍ରଦୂଷଣକୁ ରୋକିବା ପାଇଁ ସଚେତନତା କ୍ଷେତ୍ରରେ ଏହା ବେଶ କାମ କରିବ । ଏହି ହାତୀଟିକୁ ନିର୍ମାଣ କରି ବେଶ ଖୁସି ଥିବା କହିଛନ୍ତି ଆଇଟିଆଇର ଛାତ୍ରଛାତ୍ରୀ ।
ଗତ ଏକ ମାସ ହେଲା ଏହି ହାତୀ ନିର୍ମାଣ କାର୍ଯ୍ୟ ଚାଲୁ ରହିଥିବା ବେଳେ ଗତକାଲି ସନ୍ଧ୍ୟା ସୁଦ୍ଧା ଶେଷ ହୋଇଛି । ବିଶେଷ କରି ଲୋକେ ପ୍ଲାଷ୍ଟିକ ପାଣି ବୋତଲରେ ପାଣି ପିଇବା ପରେ ତାହାକୁ ଏଣେତେଣେ ଫୋପାଡ଼ି ଦେଇଥାନ୍ତି । ଆଉ ଏହି ପ୍ଲାଷ୍ଟିକ ବୋତଲ ଗୁଡ଼ିକ ବର୍ଷ ପାଣି ଓ ଖରାରେ ପଡ଼ି ପଡ଼ି ମାଟିରେ ମିଶିନଥାଏ । ଯାହାଫଳରେ ପରିବେଶକୁ ପ୍ରଦୂଷଣ କରିବାରେ ଏହା କାମ କରିଥାଏ । ଏନେଇ ଲୋକେ ଅବଗତ ଥିଲେ ସୁଦ୍ଧା ପ୍ଲାଷ୍ଟିକ ବୋତଲର ଅଧିକ ପରିମାଣରେ ବ୍ୟବହାର କରିଥାନ୍ତି । ତେଣୁ ଏଭଳି ପ୍ଲାଷ୍ଟିକ ବୋତଲର କିଭଳି ବ୍ୟବହାର କମ ହୋଇପାରିବ ସେହି ଉଦେଶ୍ୟରେ ହାତୀଟିକୁ ନିର୍ମାଣ କରାଯାଇଛି ବୋଲି କହିଛନ୍ତି ଆଇଟିଆଇର ଶିକ୍ଷକ ।
ପୂର୍ବରୁ ଆଇଟିଆଇ ଛାତ୍ରଛାତ୍ରୀ ମାନେ ଅଦରକାରୀ ଲୁହାରେ ଅନେକ ସାମଗ୍ରୀ ନିର୍ମାଣ କରିଥିଲେ । କିନ୍ତୁ ଏଭଳି ପରିବେଶକୁ ସୁସ୍ଥ ରଖିବା ଭଳି ସଚେତନର ବାର୍ତ୍ତା ଦେଉଥିବା କଳାକୃତି ପ୍ରଥମ ଥର ନିର୍ମାଣ କରିଛନ୍ତି ଛାତ୍ରଛାତ୍ରୀ ମାନେ । ଏହା କରିବା ଫଳରେ କେବଳ ଯେ ଲୋକେ ସଚେତନ ହେବେ ତାହା ନୁହେଁ ବରଂ ଛାତ୍ରଛାତ୍ରୀ ମାନଙ୍କ ମଧ୍ୟରେ କିଛି ନୂଆ କରିବାର ଉପାୟ ଆସିବ । ଯାହାକି ଆଗାମୀ ଦିନରେ ଛାତ୍ରଛାତ୍ରୀ ମାନେ ପାଠପଢ଼ା ଶେଷ କରିବା ପରେ ଅଦରକାରୀ ସାମଗ୍ରୀରେ କିଭଳି ଭାବେ କିଛି ନୂଆ ନୂଆ କଳାକୃତି କରିପାରିବେ ସେ ନେଇ ଅଭିଜ୍ଞତା ରହିପାରିବ । ଛାତ୍ରଛାତ୍ରୀ ମାନଙ୍କ ଦ୍ବାରା ଏହି ନିଆରା କଳାକୃତିକୁ ଲୋକେ ନିଶ୍ଚିତ ଭାବେ ପସନ୍ଦ କରିବା ସହିତ ସଚେତନ ମଧ୍ୟ ହେବେ ବୋଲି କହିଛନ୍ତି ଆଇଟିଆଇର ଅଧ୍ୟକ୍ଷ ।
ସ୍ଵଚ୍ଛତା ହିଁ ସେବା ଅଭିଯାନରେ ବ୍ରହ୍ମପୁର ଆଇଟିଆଇ ଛାତ୍ରଛାତ୍ରୀଙ୍କ ଏହି ନିଆରା କଳାକୃତି ସମସ୍ତଙ୍କ ମନ ଜିତିଛି । ତେବେ ଏମାନଙ୍କ ଦ୍ୱାରା ନିର୍ମିତ ହୋଇଥିବା ଅନେକ କଳାକୃତି ପୂର୍ବରୁ ବିଭିନ୍ନ ରେକର୍ଡ଼ରେ ସାମିଲ ହୋଇଥିବା ବେଳେ ଏହି ନିଆରା ହାତୀ କଳାକୃତି ମଧ୍ୟ କିଛି ରେକର୍ଡ଼ରେ ସାମିଲ ହେବ ବୋଲି ଆଶା ରଖାଯାଇଛି।
ସଞ୍ଜୟ ଲୀଲା ଭଂସାଲୀଙ୍କ ସିରିଜ୍ ‘ହୀରାମଣ୍ଡି: ଡାଇମଣ୍ଡ ବଜାର’ ରେ ଫରିଦାନଙ୍କ ଭୂମିକାରେ ଲୋକଙ୍କ ହୃଦୟ ଜିତିଥିବା ଅଭିନେତ୍ରୀ ସୋନାକ୍ଷୀ…
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ସମଗ୍ର ମନ୍ତ୍ରୀମଣ୍ଡଳ ସହିତ ଶପଥ ଗ୍ରହଣ କରିଛନ୍ତି । ଜୁନ୍ ୪ରେ ଲୋକସଭା ନିର୍ବାଚନର…
ଆପଣ ନିଶ୍ଚିତ ଭାବରେ ଅନେକ ଲୋକଙ୍କୁ ଦେଖିଥିବେ ଯେଉଁମାନେ ନିଜ ପାଖରେ ନୂଆ ଏବଂ ପୁରୁଣା କଏନକୁ ସଂଗ୍ରହ କରି…
କାମାକ୍ଷାନଗର(କେନ୍ୟୁଜ): କେନ୍ଦ୍ର ସରକାର ଗରିବ ଆଦିବାସୀ ଛାତ୍ରଛାତ୍ରୀଙ୍କ ପାଇଁ ଶିକ୍ଷାଦାନ ନିମନ୍ତେ ଏକଲବ୍ୟ ବିଦ୍ୟାଳୟ ନିର୍ମାଣ କରୁଛନ୍ତି । ଏଥିପାଇଁ…
ନିର୍ବାଚନ କମିଶନ ଦେଶର ୭ଟି ରାଜ୍ୟର ୧୩ଟି ବିଧାନସଭା ଆସନରେ ଉପନିର୍ବାଚନ କରିବାକୁ ଘୋଷଣା କରିଛନ୍ତି । ନିର୍ବାଚନ କମିଶନ…
ନବୀନଙ୍କ ଶୁଭେଛା, ଧର୍ମେନ୍ଦ୍ରଙ୍କ ଧନ୍ୟବାଦ । ଓଡ଼ିଶାରୁ କେନ୍ଦ୍ର ମନ୍ତ୍ରୀ ଭାବେ ଶପଥ ନେଇଥିବା ୩ ସାଂସଦଙ୍କୁ ଶୁଭେଚ୍ଛା ଜଣାଇଛନ୍ତି…