p.c : abplive.com
ନୂଆଦିଲ୍ଲୀ : ଘରେ ଥିବା ବାସ୍ତୁ ଦୋଷକୁ ସମୟ ପୂର୍ବରୁ ଠିକ୍ କରିନେବା ଉଚିତ୍ । ନଚେତ ଏହା ସମ୍ପର୍କରେ ତିକ୍ତତା ଆଣିଥାଏ । ଘରର ପରିବାର ସଦସ୍ୟଙ୍କ ମଧ୍ୟରେ ଦୂରତା ବଢ଼ାଇଥାଏ । ବାସ୍ତୁଶାସ୍ତ୍ର ଅନୁସାରେ ବେଳେବେଳେ ଘରେ ସବୁ କିଛି ଠିକ୍ ଥାଇ ମଧ୍ୟ କଳହ ସୃଷ୍ଟି ହୋଇଥାଏ । ଏହାର କାରଣ ଘରେ ବାସ୍ତୁ ଦୋଷ ହୋଇପାରେ । ଏଥିପାଇଁ ଘରେ ନକରାତ୍ମକ ଶକ୍ତିକୁ କମ୍ କରିବା ଦରକାର । ଆସନ୍ତୁ ଜାଣିବା ଘରେ କେଉଁ କଥାକୁ ନଜର ଅନ୍ଦାଜ କରିବା ଦ୍ୱାରା ସମ୍ପର୍କରେ ତିକ୍ତତା ବଢ଼ିଥାଏ ।
୧. ଛାତ ଉପରେ କବାଡ ସାମଗ୍ରୀ ପଡ଼ି ରହିବା : ବହୁବାର କବାଡ଼ି ସାମଗ୍ରୀ ଘର ଛାତ ଉପରେ ଗୋଟିଏ କୋଣରେ ପକାଇ ରଖିଥାନ୍ତି । ଏଥିପ୍ରତି ନଜର ଅନ୍ଦାଜ କରିଦେଇଥାନ୍ତି । ବାସ୍ତୁ ଅନୁସାରେ ଘର ଉପରେ କବାଡ ରଖିବା ଠିକ୍ ନୁହେଁ । ଏହାଦ୍ୱାରା ନକରାତ୍ମକ ଶକ୍ତି ସୃଷ୍ଟି ହୋଇଥାଏ । ଯେଉଁଥିପାଇଁ ଆମ ଘର ପରିବାର ଉପରେ ଏହାର ପ୍ରଭାବ ପଡ଼ିଥାଏ । ଏଥିପାଇଁ ଘର ଛାତ ଉପରେ କବାଡ ପକାଇ ରଖନ୍ତୁ ନାହିଁ । ମଝିରେ ମଝିରେ ଛାତ ସଫା କରିବା ଦରକାର ।
୨. ମୁଖ୍ୟ ଗେଟ୍ରେ ବାସ୍ତୁ ଦୋଷ : ଘରର ମୁଖ୍ୟ ଦ୍ୱାର ବି ବାସ୍ତୁ ଦୋଷରୁ ମୁକ୍ତ ରହିବା ଦରକାର । ଘରର ମୁଖ୍ୟ ଗେଟ୍ରେ ସମସ୍ତଙ୍କ ଯିବା ଆସିବା ହୋଇଥାଏ । ଏହି କାରଣରୁ ଘରର ମୁଖ୍ୟ ଦ୍ୱାର ପ୍ରତି ଅଧିକ ଧ୍ୟାନ ରଖିବା ଉଚିତ୍ । ମେନ୍ ଗେଟ୍ର ଆଗକୁ ସଫା ସୁତର ରଖିବା ଉଚିତ୍ । ଏହି ସ୍ଥାନ ଅପରିସ୍କାର ହେବା ଦ୍ୱାରା ଘର ଲୋକଙ୍କ ସମ୍ପର୍କରେ ତିକ୍ତତା ସୃଷ୍ଟି ହୋଇଥାଏ ।
୩. ଶୟନ କକ୍ଷରେ ଆଇନା ନରହିବା ଦରକାର : ବାସ୍ତୁ ଶାସ୍ତ୍ର ଅନୁସାରେ ଘରର ଶୟନ କକ୍ଷରେ ଆଇନା ନରହିବା ଦରକାର । ଏପରି ନହେଲେ ପତି-ପତ୍ନୀଙ୍କ ସମ୍ପର୍କରେ ତିକ୍ତତା ସୃଷ୍ଟି ହୋଇଥାଏ । କୁହାଯାଏ ଶୟନ କକ୍ଷରେ ବେଡ ପଛରେ କିମ୍ବା ଆଗରେ ଆଇନା ନରଖିବା ଦରକାର । ଯଦି ଆଇନା ହଟାଇବା ସମ୍ଭବ ନହୁଏ ତେବେ ଆଇନା ଉପରେ ଏକ ମୋଟା ଚଦର ଢ଼ାଙ୍କି ରଖନ୍ତୁ ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…