ସୁବର୍ଣ୍ଣପୁର(କେନ୍ୟୁଜ): ଗାଁ ଗହଳିରେ ରହୁଥିବା ଶିଶୁ ମାନଙ୍କ ଶାରିରୀକ,ମାନସିକ ଏବଂ ବୈାଦ୍ଧିକ ବିକାଶ ପାଇଁ ତିଆରି କରାଯାଇଛି ଗ୍ରାମୀଣ ପାର୍କ। ଯେଉଁଥିରେ ହାତୀ,ଜେବ୍ରା,ଔଷଧିୟ ବୃକ୍ଷ ସହିତ ରହିଛି ବିଭିନ୍ନ ଦେବା ଦେବୀ ମନ୍ଦିର ସହ ମହାପୁରୁଷଙ୍କ ଫଟୋଚିତ୍ର । ଶିଶୁମାନେ ଖେଳ କୁଦ କରିବାସହ ଏସବୁ ଦେଖି କିଛି ଶିଖି ପାରିବେ । ମନଲୋଭା ଚତ୍ର ସାଙ୍ଗକୁ ସୁସଜ୍ଜିତ ହୋଇଥିବା ପାର୍କକୁ ଦେଖିବା ପାଇଁ ଛୁଆରୁ ବୟସ୍କ ଲୋକ ପର୍ଯ୍ୟନ୍ତ ମନଭରି ଉପଭୋଗ କରୁଛନ୍ତି ।
ଖାଲି ସେତିକି ନୁହେଁ ସୁନ୍ଦର ଓ୍ୱାଲ ପେନଟିଙ୍ଗ ସାଙ୍ଗକୁ ଲାଗିଛି ବିଭିନ୍ନ କିସମର ଔଷଧିୟ ବୃକ୍ଷ । ହାତୀ,ମୟୁର,ସିଂହ,ଓଟ,ବାଘ,କୁମ୍ଭିର ସାଙ୍ଗକୁ ରହିଛି ଜିଲ୍ଲା ପ୍ରସିଦ୍ଧ ପାତାଳୀ ଶ୍ରୀକ୍ଷେତ୍ର ,ବରାହ ପଦର ମଠ,ମାହେଶ୍ୱରୀ ମନ୍ଦିର,ଉମାଦେବୀ ମନ୍ଦିରର ଫଟୋଚିତ୍ର । ଯେକେହି ଆସିଲେ ଏଇ ସୁନ୍ଦର ମନୋରମ ଦୃଶ୍ୟକୁ ଦେଖି ଅଟକି ଯିବ ନିଶ୍ଚୟଁ ।ଯେଉଁଥିପାଇଁ ସକାଳେ ଏବଂ ସନ୍ଧ୍ୟା ସମୟରେ ଛୁଆଙ୍କ ଗହଳି ଦେଖିବାକୁ ମିଳିଥାଏ ।
ଏ ହେଉଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଚିଲିଡ୍ରେନ ପାର୍କର ଦୃଶ୍ୟ । ଶିଶୁମାନେ ଖେଳକୁଦ କରିବା ସହିତ କିଛି ଦେଖି ଜାଣି ପରିବେ । ଖେଳକୁଦ ସହିତ ମାନସିକ ,ଶାରିରୀକ ଓ ବୁଦ୍ଧିର ବିକାଶ ହୋଇପାରିବ । ଯେଉଁଥିପାଇଁ ଏଠାକୁ ଆସୁଥିବା ଅଭିଭାବକ ଏବଂ ଛୋଟ ଛୋଟ ଛୁଆ ମାନେ ବେଶ ଖୁସି ଅଛନ୍ତି ।
ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ରଜାବନ୍ଧ ପାଖକୁ ଲାଗି ତିଆରି ହୋଇଥିବା ଏଇ ଗ୍ରାମିଣ ପାର୍କ ରାସ୍ତା କଡରେ ତିଆରି ହୋଇଥିବାରୁ ଆଖ ପାଖ ଅଂଚଳରେ ଥିବା ଚଂମ୍ପାମାଲ,ଚଂମ୍ପାପୁର,ବାଘମାରୀ,ରଥୀପଡା,କେନ୍ଦୁପାଲି,ଝାରକୁମୁଣ୍ଡା ଆଦି ଗାଁ ମାନଙ୍କର ଛୁଆ ଏବଂ ଅଭିଭାବକ ମାନେ ଆସି ମନକୁ ପ୍ରଫୁଲ୍ଲିତ କରିଥାନ୍ତି । ଚଂମ୍ପାମାଲ ପଂଚାୟତ ଝାରକୁମୁଣ୍ଡା ମୈାଜା ଅଧିନରେ ପଡିରହିଥିବା ଥିବା ଏହି ଅଦରକାରୀ ଜମିକୁ ଲକ୍ଷାଧିକ ଟଙ୍କା ଖର୍ଚ୍ଚ କରାଯାଇ ମନରେଗା ଯୋଜନା,ବିଆରଜିଏଫ,ସିଏଫସି,ଏସଏଫସି ଅନୁଦାନରେ ତିଆରି କରାଯାଇଛି । ଯାହା ଲୋକଙ୍କ ମନ ମୋହୁଛି
। ମନୋଲୋଭା ସୁନ୍ଦର ପରିବେଶ ସହିତ ଶିକ୍ଷଣିୟ ଥିବା କାନ୍ଥ ଚିତ୍ର ବେଶ ଆକର୍ଷଣୀୟ ହୋଇ ପାରିଛି । ଆଗକୁ ପର୍ଯ୍ୟଟକଙ୍କୁ ଆକର୍ଷିତ କରିବାପାଇଁ ରଜା ବନ୍ଧଠାରେ ବୋଟିଙ୍ଗର ବ୍ୟବସ୍ଥା କରାଯିବାସହ ଏହା ସମସ୍ତଙ୍କ ପାଇଁ ଉଦାହରଣ ହୋଇ ପାରିବ ବୋଲି ସ୍ଥାନୀୟ ବିଡିଓ କହିଛନ୍ତି । ଏପଟେ ଅଳିଆ ଆବର୍ଜନାରେ ପଡି ରହିଥିବା ଏହି ଜମି ଆଜି ସୁନ୍ଦରତାର କଥା କହୁଥିବା ବେଳେ ମନ ମୋହିଛି ସାଧାରଣ ଜନତାଙ୍କର । ଯେଉଁଥିପାଇଁ ବେଶ ଖୁସି ଅଛନ୍ତି ସ୍ଥାନୀୟ ଲୋକ
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…