ସ୍ପେଶାଲ

ବିନା ଚାବିରେ, ହ୍ୟାଣ୍ଡେଲ ଲକ୍ ପଡିଥିବା ସତ୍ୱେ ଆପେ ଆପେ ଚାଲୁଛି ବାଇକ୍! ଭାଇରାଲ୍ ହେଉଛି ଭିଡିଓ

ମାଲକାନଗିରି (କେନ୍ୟୁଜ୍‌) : ସୋସିଆଲ ମିଡିଆରେ ପ୍ରତିଦିନ ଅନେକ ଭାଇରାଲ୍ ଭିଡିଓ ଆମେ ମାନେ ଦେଖିଥାଉ। ବିଶେଷ କରି ଭୂତ,ପ୍ରେତ କୁ ନେଇ ଆସୁଥିବା ଭିଡିଓକୁ ଦେଖିବାକୁ ଆମ ମାନଙ୍କ ଭିତରେ ବେଶ୍ ଉଚ୍ଛୁକତା ଥାଏ। ବେଳେବେଳେ  କିଛି ଭିଡିଓ ଫେକ୍ ଲାଗିଥାଏ ତ ଆଉ କେତେବେଳେ ଏକଦମ୍ ସତ ଭଳି ମାନେ ହୁଏ। ତେବେ କହିବାକୁ ଗଲେ ଭୂତ,ପ୍ରେତକୁ କିଏ ବା ନଡରେ। ତେବେ ଥରେ ଭାବିଲେ ଯଦି କେତେବେଳେ ଆପଣଙ୍କ ବାଇକଟିକୁ ବିନା ଚାବିରେ,ହ୍ୟାଣ୍ଡେଲ ଲକ୍ ପଡିଥିବା ସତ୍ୱେ ଭୂତ ଡ୍ରାଇଭ କରେ? ତେବେ  ଏମିତି ଏକ ଘଟଣାର ଭିଡିଓ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।

ଭିଡିଓରେ ଦେଖାଯାଉଛି କି, କେମିତି ମଧ୍ୟ ରାତିରେ ଆପେ ଆପେ ଚାଲୁଛି ବାଇକ୍ । ବିନା ଚାଳକରେ ବାଇକ୍  ଚାଲିବା ଭଳି ଘଟଣା ଯେତିକି ରହସ୍ୟମୟ ଭଳି ଲାଗୁଥିଲେ ବି କଥାଟି କିନ୍ତୁ ସତ । ଏଭଳି ଏକ ଅଦ୍ଭୁତ ଘଟଣାକୁ ନେଇ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଚିତ୍ରକୋଣ୍ଡା ସଦରମହକୁମାର ଦୈନିକ ବଜାର ମାର୍କେଟର ଚିତ୍ରକୋଣ୍ଡା ପଞ୍ଚାୟତ ଅଫିସ କାର୍ଯ୍ୟାଳୟ ସମ୍ମୁଖରେ  ଦୋକାନଟିଏ କରି ନିଜର ପରିବାର ପ୍ରତିପୋଷଣ କରନ୍ତି ବ୍ୟବସାୟୀ ସୁରେନ୍ଦ୍ର ଦାସ । ଗତ କିଛି ଦିନ ହେବ ସେ ନିଜ ଘର ମରାମତି କରୁଥିବାରୁ ତାଙ୍କ ମୋଟର ସାଇକେଲଟିକୁ ଗତ ୩ତାରିଖ ରାତି ୮ଟା ସମୟରେ  ଘର ଆଗରେ ଥିବା ସୀତାରାମ ଏଣ୍ଟରପ୍ରାଇସେସ ନାମକ ଏକ ଦୋକାନ ସମ୍ମୁଖରେ ହ୍ୟାଣ୍ଡେଲ ଲକ କରି ପାର୍କିଂ କରିଥିଲେ । ତେବେ୪ ତାରିଖ ଭୋର ସକାଳୁ ଉଠି ଦେଖନ୍ତି ଯେ ନିଜ ମୋଟର ସାଇକେଲଟି ଯାଇ କିଛି ଦୂରରେ ପଡିଛି।

ତେବେ ଏନେଇ ସେ ତାଙ୍କ ପୁଅକୁ ଡାକି ବାଇକଟିକୁ ଉଠାଇବାକୁ କହିଥିଲେ ଏବଂ ତାପରେ ସୁରେନ୍ଦ୍ର ଫୁଲ ତୋଳିବାକୁ ଚାଲି ଯାଇଥିଲେ। ତେବେ ପୁନଶ୍ଚ ସେହିଦିନ ରାତିରେ ମଧ୍ୟ ସେ ନିଜ ମୋଟର ସାଇକେଲଟିକୁ ଉକ୍ତ ସ୍ଥାନରେ ପାର୍କିଂ କରିଥିଲେ ଏବଂ ସକାଳୁ ଉଠି ଦେଖନ୍ତି ଯେ ପୂର୍ବ ଦିନ ଭଳି ସେହିଦିନ ମଧ୍ଯ ମୋଟର ସାଇକେଲ ଟି ପାର୍କିଂ କରିଥିବା ଜାଗାରୁ ଅଳ୍ପ ଦୂରରେ ଯାଇ ପଡିଛି। ବାରମ୍ବାର ଏଭଳି ହେଉଥିବା ଦେଖି ସେ ଘଟଣା ସମ୍ପର୍କରେ ସୀତାରାମ ଏଣ୍ଟରପ୍ରାଇସେସର ମାଲିକ ସୁନୀଲଙ୍କୁ ଘଟଣା ସମ୍ପର୍କରେ କହିଥିଲେ। ସେ ଭାବିଥିଲେ କିଏ ବୋଧେ  ଜଣେ ଜାଣି ଶୁଣି ଏଭଳି ବଦମାସ କାମ କରୁଛି ।

ତେବେ ଶେଷରେ ସିତରାମ ଏଣ୍ଟରପ୍ରାଇସେସରେ ଲାଗିଥିବା ସି ସି ଟିଭି ଯାଞ୍ଚ କରାଯାଇଥିଲା । ଆଉ ସି ସି ଟିଭି ରେ ଘଟଣା ସମୟର ଦୃଶ୍ୟ ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ହ୍ୟାଣ୍ଡେଲ ଲକ୍ ଥିବା ସତ୍ୱେ ବିନା ଚାଳକରେ ମୋଟର ସାଇକେଲ ଟି ଷ୍ଟାର୍ଟ ହୋଇ କିଛି ଦୂର ଆଗକୁ ଯିବା ସହ ଓଲଟି ପଡୁଥିଲା। ପୂର୍ବ ଦିନ ଭଳି ଦ୍ଵିତୀୟ ଦିନ ମଧ୍ୟ ମୋଟର ସାଇକେଲଟି ସେଭଳି ଆଗକୁ ଯାଇ ଓଲଟି ପଡ଼ିଥିଲା। ବିଜ୍ଞାନ ଯୁଗରେ ଏଭଳି ଏକ ଅଦ୍ଭୁତ ଘଟଣା ସମ୍ପର୍କରେ ଚାରିଆଡେ ଏବେ ଆଲୋଚନା ଚାଲିଥିବାବେଳେ ଏହି ଘଟଣାର ଭିଜୁଆଲ୍ ଏବେ ଭାଇରାଲ ହେବାରେ ଲାଗିଛି।

 

Sonalisa

Recent Posts

ଘାଇଲା କରୁଛି ପାଗଳ ବିଲୁଆ, ଘରୁ ବାହାରିବାକୁ ଡରୁଛନ୍ତି ଲୋକେ

କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…

11 mins ago

ସର୍ବଭାରତୀୟ କବାଡି ପ୍ରତିଯୋଗୀତା ଉଦଯାପିତ, ମହିଳାରେ କିଟ ଏବଂ ପୁରୁଷରେ ସାଉଥ୍ ଇଷ୍ଟର୍ଣ୍ଣ ରେଲୱେ ଦଳ ଚାମ୍ପିଅନ୍

ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…

13 mins ago

ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ, ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା

ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ  । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା  । ଅସହ୍ୟ…

16 mins ago

ଅମରନାଥ ଯାତ୍ରା ପାଇଁ ହେଲିକପ୍ଟର ସେବା ଲାଗି ବୁକିଂ ଆରମ୍ଭ

ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…

23 mins ago

ଇରାନ୍‌: ହସ୍ପିଟାଲରେ ଲାଗିଲା ଭୟଙ୍କର ନିଆଁ, ଦେଖୁ ଦେଖୁ ଜଳିଗଲେ ୯ ଜଣ ରୋଗୀ; ତଦନ୍ତ ପାଇଁ ନିର୍ଦ୍ଦେଶ

ଇରାନ୍‌ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…

37 mins ago

କେତେ ବର୍ଷ ପର୍ଯ୍ୟନ୍ତ ବ୍ୟବହାର କରିବା ଉଚିତ Windows ଏବଂ Split AC ? ଜାଣନ୍ତୁ ଏହାର ୱାରେଣ୍ଟି ଡେଟ୍‌

Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…

1 hour ago