କରୋନା କାଳରେ ଲୋକେ ଏତେ ଡରୁଛନ୍ତି ଯେ ବାହାରେ ସାଙ୍ଗସାଥୀଙ୍କ ସହ ମିଶି ଖାଇବା ପିଇବା ମଧ୍ୟ ଛାଡ଼ିଦେଇଛନ୍ତି। ସେହିପରି ୨/୩ ଘଣ୍ଟା ବସି ସିନେମା ଦେଖିବାକୁ ମଧ୍ୟ ଭୟ କରୁଛନ୍ତି। କିନ୍ତୁ ଏବେ ମଲ୍ଟିସ୍କ୍ରିନ ଥିଏଟର ଚଲାଉଥିବା କିଛି କମ୍ପାନୀ ଏମିତି ଅଫର ବାହାର କରିଛନ୍ତି ଯେ ଆପଣ ଆପଣଙ୍କ ପରିବାର ସଦସ୍ୟ ଏବଂ ସାଙ୍ଗସାଥୀଙ୍କ ସହ ବସି ସୁରକ୍ଷିତ ସିନେମା ଦେଖିପାରିବେ।
କମ୍ପାନୀଗୁଡ଼ିକ ଆପଣଙ୍କୁ ହଲ ରିଜର୍ଭ କରିବାକୁ ଅଫର ଦେଇଛନ୍ତି। ଏହାଦ୍ୱାରା ଆପଣଙ୍କୁ ଲିଭିଂ ରୁମରେ ବସି ସିନେମା ଦେଖିଲା ପରି ଲାଗିବ। ଏହି ଯୋଜନା ସମ୍ପର୍କରେ ପିବିଆର ଏବଂ ୱେବ ସିନେମା ସମୂହ ଘୋଷଣା କରିଛନ୍ତି। ଏ ନେଇ ପିବିଆର ସିନେମାର ସିଇଓ ଗୌତମ ଦତ୍ତ କହିଛନ୍ତି, ଲୋକେ ଏମିତି ଭାବେ ସିନେମା ଦେଖିଲେ, ସେମାନଙ୍କ ପ୍ରାଇଭେସି ବଜାୟ ରହିବ।
ହଲ ରିଜର୍ଭ କରିବା ପାଇଁ ଅତି କମରେ ୧,୯୯୯ ଟଙ୍କାର ପ୍ୟାକେଜ ରହିଛି। ଏଥିରେ ଅଧିକରୁ ଅଧିକ ୧୫ରୁ ୨୦ଜଣ ବ୍ୟକ୍ତି ଏକାଠି ବସି ସିନେମାର ଆନନ୍ଦ ନେଇପାରିବେ। ପିବିଆର ସମୂହ ଦେଶରେ କିଛି ବିଳାସପୂର୍ଣ୍ଣ ଥିଏଟର ମଧ୍ୟ ଚଲାଉଛି, ଯେଉଁଥିରେ ଆରାମଦାୟକ ସୋଫା ଭଳି ବହୁତ ବିଳାସପୂର୍ଣ୍ଣ ସୁବିଧା ସବୁ ରହିଛି। ଏହି ଥିଏଟରକୁ ମଧ୍ୟ ବୁକ କରିବାର ସୁବିଧା ଉପଲବ୍ଧ ଅଛି। ଏଥିପାଇଁ ଆପଣଙ୍କୁ ଅତି କମରେ ୪,୦୦୦ ଟଙ୍କା ଖର୍ଚ୍ଚ କରିବାକୁ ହେବ। ଆପଣ ଚାହିଁଲେ ଆପଣଙ୍କ ପରିବାର ଲୋକ ଏବଂ ସାଙ୍ଗସାଥୀମାନଙ୍କୁ ଖାଦ୍ୟପେୟ ମଧ୍ୟ ପରସା ଯାଇପାରିବ। କିନ୍ତୁ ଏଥିପାଇଁ ଅଲଗା ଖର୍ଚ୍ଚ ଦେବାକୁ ପଡ଼ିବ।
ସେହିପରି ମଲ୍ଟିପ୍ଲେକ୍ସ ଚଲାଉଥିବା ୱେବ ସିନେମାର ଭାଇସ ପ୍ରେସିଡେଣ୍ଟ୍ ଯୋଗେଶ ରାୟଜାଦାଙ୍କ କହିବା ଅନୁଯାୟୀ, ୱେବ ସିନେମାରେ ଆପଣ ଚାହିଁଲେ ନିଜ ପିଲାଙ୍କ ଜନ୍ମଦିନ କିମ୍ବା ନିଜ ବିବାହ ବାର୍ଷିକୀ ପାଳନ କରି ସିନେମା ଦେଖିପାରିବେ। ଏଥିପାଇଁ ୨,୪୯୯ ଟଙ୍କାର ପ୍ୟାକେଜ ରହିଛି। ଏହି ରାଶିରେ ଆପଣ ଅଧିକତର ୨୫ଜଣ ଲୋକଙ୍କୁ ସିନେମା ଦେଖିବା ପାଇଁ ଆମନ୍ତ୍ରିତ କରିପାରିବେ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…