ପ୍ରତିଦିନ ରାସ୍ତାରେ ଲକ୍ଷ ଲକ୍ଷ ଗାଡି ଚାଲୁଥାଏ । ନୂଆ ନୂଆ ଟେକ୍ନୋଲୋଜି ଯୋଗୁଁ ଗାଡି ଚଲାଇବା ବର୍ତ୍ତମାନ ବହୁତ ସହଜ ହୋଇଯାଇଛି । କେବଳ ଗାଡ଼ି ଭିତରେ ବିଭିନ୍ନ ସୁବିଧା ରହିଛି ତାହା ନୁହେଁ ବରଂ ଗାଡ଼ି ଗୁଡ଼ିକରେ ଥିବା ଟାୟାର ପାଇଁ ନୂଆ ଟେକ୍ନୋଲୋଜି ମଧ୍ୟ ଆସିଛି । ସାଧାରଣତଃ ଗାଡ଼ିରେ ଦୁଇ ପ୍ରକାରର ଟାୟାର ଲଗାଯାଇଥାଏ । ଗୋଟିଏ ହେଉଛି ଟ୍ୟୁବ୍ ଟାୟାର ଏବଂ ଗୋଟିଏ ହେଉଛି ଟ୍ୟୁବଲେସ୍ ଟାୟାର । ବର୍ତ୍ତମାନ ସାଧାରଣତଃ ସମସ୍ତ ଗାଡ଼ିରେ ଟ୍ୟୁବଲେସ୍ ଟାୟାର ରହୁଛି । କିନ୍ତୁ କିଛି ଲୋକ ଗାଡିରେ ଟ୍ୟୁବ୍ ଟାୟାର ଲଗାଇବାକୁ ପସନ୍ଦ କରନ୍ତି । ଏହି ଟାୟାରଗୁଡିକ ଉଭୟ ବାଇକ୍ ଏବଂ କାରରେ ଲଗାଯାଇଥାଏ । କିଛି ଲୋକ ଟ୍ୟୁବଲେସ୍ ଟାୟାର ଏବଂ ଟ୍ୟୁବ୍ ଟାୟାର ମଧ୍ୟରେ କଣ ପାର୍ଥକ୍ୟ ଅଛି ଜାଣନ୍ତି ନାହିଁ । ତେବେ ଆସନ୍ତୁ ଜାଣିବା ଦୁଇଟି ଟାୟାର ମଧ୍ୟରେ ପାର୍ଥକ୍ୟ କଣ ?
ଟ୍ୟୁବ୍ ଟାୟାର ଏବଂ ଟ୍ୟୁବଲେସ୍ ଟାୟାର୍ କଣ?
ଟ୍ୟୁବ୍ ଟାୟାରଗୁଡ଼ିକରେ ଟାୟାରରେ ଏକ ଟ୍ୟୁବ୍ ଲାଗିଥାଏ । ଯାହା ପବନରେ ଭରି ରହିଥାଏ । ଏହା ସଫ୍ଟ କମ୍ପାଉଣ୍ଡରରେ ଥାଏ ଏବଂ ଏଥିରେ ପବନ ଭରିବା ପରେ ଏହା କଠିନ ହୋଇଯାଏ । ଟାୟାର ଏବଂ ଟ୍ୟୁବ୍ ପରସ୍ପର ଯୋଡ଼ି ହୋଇନଥାନ୍ତି । ଟାୟାର ଭିତରେ ଟ୍ୟୁବ୍ କୁ ରଖାଯାଇଥାଏ । ଯେଉଁଥିପାଇଁ ଉଭୟଙ୍କ ମଧ୍ୟରେ ବଣ୍ଡିଙ୍ଗ୍ ଏୟାର ଟାଇଟ୍ ହୁଏ ନାହିଁ । ଅନ୍ୟପଟେ ଯଦି ଆମେ ଟ୍ୟୁବଲେସ୍ ଟାୟାରକୁ ଦେଖିବା, ଏହା ଟ୍ୟୁବ୍ ବିନା କାମ କରେ । ଏଥିରେ ପବନ ସିଧାସଳଖ ଟାୟାରରେ ଭରିଯାଏ । ଏଥିରେ ଆଲୁମିନିୟମ୍ ରିମ୍ ଥାଏ ।
ଉଭୟଙ୍କ ମଧ୍ୟରେ ପାର୍ଥକ୍ୟ କଣ ?
ଯଦି ଆମେ ଟ୍ୟୁବ୍ ଟାୟାର ଏବଂ ଟ୍ୟୁବଲେସ୍ ଟାୟାରକୁ ଦେଖିବା, ତେବେ ଉଭୟ ଟାୟାର ବ୍ୟବହାରରେ ବହୁତ ପାର୍ଥକ୍ୟ ଥାଏ । ଟ୍ୟୁବ୍ ଟାୟାର ପଙ୍କଚର୍ ହେଲେ ଏହାକୁ ସହଜରେ ମରାମତି କରାଯାଇପାରିବ, ଏଥିରେ ଅଧିକ ଖର୍ଚ୍ଚ ହୁଏ ନାହିଁ ଏବଂ ଏଥିରେ ଭଲ ଗ୍ରିପ୍ ହୋଇଥାଏ । କିନ୍ତୁ ଯଦି ଆମେ ଟ୍ୟୁବଲେସ୍ ଟାୟାରକୁ ଦେଖିବା ଏଥିରେ ପଙ୍କଚର ସମସ୍ୟା କମ୍ ହୋଇଥାଏ । ଏହା ଦୀର୍ଘ ସମୟ ପର୍ଯ୍ୟନ୍ତ ବ୍ୟବହାର କରି ହୁଏ । ଯଦି ଏହା ଫଙ୍କଚର୍ ହୋଇଯାଏ ତେବେ ଏଥିରେ ଥିବା ବାୟୁ ବହୁତ ଧୀରେ ବାହାରକୁ ଆସେ । ଯେଉଁଥିପାଇଁ ଆପଣ ନିଜ ଲକ୍ଷ୍ୟ ସ୍ଥଳରେ ପହଞ୍ଚିବାର ସୁଯୋଗ ପାଆନ୍ତି । ଏହା ମଧ୍ୟ ଗାଡ଼ିକୁ ହାଲୁକା ରଖେ । ଉଭୟ ଟାୟାରର ଖର୍ଚ୍ଚ ବିଷୟରେ କହିବାକୁ ଗଲେ ଦୁଇ ଟାୟାରର ଖର୍ଚ୍ଚ ପ୍ରାୟ ସମାନ ।
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…
ବାଲେଶ୍ୱର : ବାଲେଶ୍ଵରରେ ସ୍ଵାଭାବିକ ହେଉଛି ସ୍ଥିତି । ଆଜିଠୁ ଆହୁରି କୋହଳ ହୋଇଛି କଟକଣା । ଟାଉନ୍ ଥାନା…