ମେଟ୍ରୋ ସହରଗୁଡିକ ବିଷୟରେ ଆପଣ ନିଶ୍ଚୟ ଶୁଣିଥିବେ । ଆପଣ ତାର ବିଶେଷତା ମଧ୍ୟ ନିଶ୍ଚୟ ଭାବେ ଦେଖିଥିବେ । ଯଦି ଆପଣ ମେଟ୍ରୋ ସହରରେ ରହୁଛନ୍ତି, ତାହେଲେ ଏହି ଖବର ଅପାଣଙ୍କ ପାଇଁ ବହୁତ ଉପଯୋଗି ହେବ । କିନ୍ତୁ ଆପଣ ଜାଣନ୍ତି କି ଆପଣ ଯେଉଁ ମେଟ୍ରୋରେ ଯାତ୍ରା କରୁଛନ୍ତି ତାହା ମଧ୍ୟ ଆପଣଙ୍କୁ ଇନ୍ସୁରାନ୍ସ କଭର ପ୍ରଦାନ କରିଥାଏ । ତେବେ ସେ ମୁମ୍ବାଇ ମେଟ୍ରୋ ହେଉ କିମ୍ବା ଦିଲ୍ଲୀ ମେଟ୍ରୋ ହେଉ, ସେଥିରେ ଯାତ୍ରା କରୁଥିବା ଯାତ୍ରୀମାନଙ୍କୁ ଇନ୍ସୁରାନ୍ସ ସୁବିଧା ଯୋଗାଇ ଦିଆଯାଉଛି ।
କିନ୍ତୁ ଆପଣ ଜାଣିଛନ୍ତି ଏହି ସୁବିଧା କେତେ ଟଙ୍କାର ହୋଇଥାଏ ? ଏହି ଇନ୍ସୁରାନ୍ସରୁ ଜଣେ ବ୍ୟକ୍ତି ଜରୁରୀକାଳୀନ ପରିସ୍ଥିତିରେ କେତେ ଲାଭ ପାଇଥାଏ ? ତେବେ ଆପଣ ଜାଣିଛନ୍ତି କି ମୁମ୍ବାଇ ମେଟ୍ରୋରେ ନିୟମ କ’ଣ ? ଏବଂ ଦିଲ୍ଲୀ ମେଟ୍ରୋରେ କେତେ ଟଙ୍କାର କଭର ଯୋଗାଇ ଦିଆଯାଇଛି ? ତାହେଲେ ଆସନ୍ତୁ ଆମେ ଆଜି ଆପଣଙ୍କୁ ଏହି ବିଷୟରେ ସମସ୍ତ ପ୍ରକାରର କଥା ଜଣାଇବୁ ।
ମୁମ୍ବାଇ ମେଟ୍ରୋରେ ନିୟମ କ’ଣ ?
ମୁମ୍ବାଇ ମେଟ୍ରୋର ଲାଇନ ୨ ଏ ଏବଂ ୭ ରେ ଯାତ୍ରୀମାନଙ୍କ ପାଇଁ ଏକ ବୀମା ପଲିସି ରହିଛି । ଏହି ପଲିସି ମେଟ୍ରୋ ଦୁର୍ଘଟଣା ହେଲେ, ଅକ୍ଷମ ଲୋକଙ୍କ ପାଇଁ ଏବଂ ଦୁର୍ଘଟଣାରେ ମୃତ୍ୟୁ ହୋଇଥିବା ଲୋକଙ୍କ ପାଇଁ ରହିଛି । ସେହି ପଲିସି ଜରିଆରେ ରୋଗୀଙ୍କ ଚିକିତ୍ସା ପାଇଁ ସର୍ବାଧିକ ୧୦,୦୦୦ ଟଙ୍କା ଏବଂ ମେଡିକାଲରେ ଭର୍ତ୍ତି ପାଇଁ ୧ ଲକ୍ଷ ଟଙ୍କା ପ୍ରଦାନ କରାଯାଇଥାଏ । ତେବେ ସ୍ଥିତିର ଗମ୍ଭୀରତା ଉପରେ ନିର୍ଭର କରି ସ୍ଥାୟୀ ଏବଂ ଆଂଶିକ ଅକ୍ଷମ ଲୋକଙ୍କ ପାଇଁ ଏହି ପଲିସି ୪ ଲକ୍ଷ ଟଙ୍କା ପ୍ରଦାନ କରିଥାଏ । ଦୁର୍ଘଟଣାଜନିତ ମୃତ୍ୟୁ ପାଇଁ ଏହି ପଲିସିରେ ୫ ଲକ୍ଷ ଟଙ୍କା ପର୍ଯ୍ୟନ୍ତ କଭର ପ୍ରଦାନ କରାଯିବ । ଏହି ପଲିସି ଯାତ୍ରୀମାନଙ୍କୁ ମେଟ୍ରୋରେ ଏକ ଭେଲିଡ୍ ଟିକେଟ୍, ପାସ୍, ସ୍ମାର୍ଟ କାର୍ଡ କିମ୍ବା QR କୋଡ୍ ସହିତ ଅନ୍ତର୍ଭୁକ୍ତ କରେ ।
ଦିଲ୍ଲୀ ମେଟ୍ରୋ ପାଇଁ ନିୟମ କ’ଣ ?
ଦିଲ୍ଲୀ ମେଟ୍ରୋରେ ବୀମା ବାର୍ଷିକ ପ୍ରିମିୟମରେ ଉପଲବ୍ଧ ହେଉଛି । ମୃତ୍ୟୁ ବୀମା ପାଇଁ ୧ ଲକ୍ଷ ଟଙ୍କା କଭର ମିଳିଥାଏ । ଦିଲ୍ଲୀ ମେଟ୍ରୋରେ ଦୁର୍ଘଟଣା ହେତୁ ହୋଇଥିବା ଆଘାତ ପାଇଁ ମଧ୍ୟ ବୀମାଭୁକ୍ତ ହେଉଛି । ଏଥିରେ ସ୍ଥାୟୀ କିମ୍ବା ଅସ୍ଥାୟୀ ଅକ୍ଷମ ଲୋକ ମଧ୍ୟ ସାମିଲ ହୋଇଥାନ୍ତି । ତେବେ ଏହି ପରିସ୍ଥିତିରେ ଆପଣ ସାପ୍ତାହିକ କ୍ଷତିପୂରଣର କଭର ପାଇପାରିବେ । ଏହି ପଲିସି ଶେଷ ହେବା ପର୍ଯ୍ୟନ୍ତ ୨୦୦୦ ଟଙ୍କା ହୋଇଥାଏ । ଦିଲ୍ଲୀ ମେଟ୍ରୋ ରେଳବାଇ ଅଧିନିୟମ ୨୦୦୨ରେ କୁହାଯାଇଛି ଯେ ମୃତ୍ୟୁ ହେତୁ ହୋଇଥିବା କ୍ଷତିପୂରଣ ପାଇଁ ମେଟ୍ରୋ ରେଳ ପ୍ରଶାସନ ଦାୟୀ ରହିବ । ଏହି ପରି ଅନେକ ନିୟମ ରହିଛି ।
ତେବେ ଯଦି ଆପଣ ମଧ୍ୟ ମେଟ୍ରେରେ ଯାତ୍ରା କରୁଛନ୍ତି, ତାହେଲେ ଏହି ପଲିସି ନିଶ୍ଚିତ ଭାବେ କରନ୍ତୁ । ଯାହା ଦ୍ୱାରା ଆପଣ ଯାତ୍ର କରୁଥିବା ବେଳେ ଏହି ଭଳି କିଛି ସମସ୍ୟା ହେଲେ, ଆପଣ ଏହାର ସମସ୍ତ ସୁବିଧା ପାଇ ପାରିବେ ।
ମାଲକାନଗରି (କେନ୍ୟୁଜ): କାଳବୈଶାଖୀ ତାଣ୍ଡବ । ମାଲକାନଗରି ସଦର ମହକୁମାରେ ତାଣ୍ଡବ ରଚିଛି କାଳବୈଶାଖୀ । ବର୍ଷା ପ୍ରଭାବରେ ବାଲି…
ଭୁବନେଶ୍ୱରରେ ସ୍ଥିର ଅଛି ପେଟ୍ରୋଲ ଦାମ । ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୬ ପଇସା ରହିଛି…
ଗତ କିଛି ଦିନ ହେବ ସୁନା ମୂଲ୍ୟରେ ହ୍ରାସ ଘଟିଥିଲା, କିନ୍ତୁ ଆଜି ସୁନା ଦର ବୃଦ୍ଧି ପାଇଛି ।…
ଭୁବନେଶ୍ୱର (କେନ୍ୟୁଜ): ମନୋବଳ ବଢ଼ାଇଲେ ନବୀନ । ଦଳୀୟ ନେତାଙ୍କ ମନୋବଳ ସୁଦୃଢ କରିବା ଓ ଭବିଷ୍ୟତ କାର୍ଯ୍ୟପନ୍ଥା ନିର୍ଦ୍ଧାରଣ…
ଟି-ଟ୍ବେଣ୍ଟି ବିଶ୍ବକପ୍ ରେ ବଡ଼ ବିପର୍ଯ୍ୟୟ । ପାକିସ୍ତାନକୁ ହରାଇଲା ଆମେରିକା । ପାକିସ୍ତାନକୁ ୫ ରନ୍ ରେ ହରାଇଲା…
ଭୁବନେଶ୍ୱର (କେନ୍ୟୁଜ): ଦିନକ ପରେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ ମୋଦି । ଏନଡିଏ ନେତାଙ୍କ…