ବହୁତ ଲୋକଙ୍କର ବିଦେଶରେ ବୁଲିବା ସ୍ୱପ୍ନ ଥାଏ । ଦେଶ ବାହାରେ ଭ୍ରମଣ କରିବାକୁ ସମସ୍ତେ ଭଲ ପାଆନ୍ତି । କିନ୍ତୁ ଅଧିକାଂଶ ଦେଶରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବାକୁ ସେଠାକାର ଟ୍ୟାକ୍ସି ବା ବସ ସେବାର ସାହାଯ୍ୟ ନେବାକୁ ପଡେ । କିଛି ଲୋକଙ୍କୁ ତ ସେଠାକାର କାଚ ଭଳି ରାସ୍ତାରେ ଗାଡି ଚଲାଇବାର ଇଚ୍ଛା ଥାଏ । କିନ୍ତୁ ଡ୍ରାଇଭିଙ୍ଗ୍ ଲାଇସେନ୍ସକୁ ନେଇ ସମସ୍ୟା ରହିଥାଏ । ଯଦି ଆପଣଙ୍କୁ ବି ଏହି ସମସ୍ୟା ରହିଥାଏ ତାହେଲେ ଆମେ ଆପଣଙ୍କୁ କିଛି ଏପରି ଦେଶ ବିଷୟରେ କହିବୁ, ଯେଉଁଠାରେ ଆପଣଙ୍କୁ ଗାଡି ଚଲାଇବା ପାଇଁ ଡ୍ରାଇଭିଙ୍ଗ ଲାଇସେନ୍ସର ଆବଶ୍ୟକ ପଡେନାହିଁ । ବରଂ ଆପଣ ନିଜର ଭାରତୀୟ ଲାଇସେନ୍ସରେ ହିଁ ଡ୍ରାଇଭିଙ୍ଗ କରିପାରିବେ । କିନ୍ତୁ ବଡ କଥା ହେଉଛି ଏହି ଦେଶରେ ଗାଡି ଚଲାଇବାକୁ ହେଲେ ଆପଣଙ୍କ ପାଖରେ ଇଣ୍ଟରନ୍ୟାସନାଲ ଡ୍ରାଇଭିଙ୍ଗ ପରମିଟ୍ ଥିବା ଜରୁରୀ ।
ଆମେରିକା ଭାରତୀୟମାନଙ୍କୁ ନିଜର ଡ୍ରାଇଭିଂ ଲାଇସେନ୍ସ ସହିତ କାର ଚଳାଇବାକୁ ଅନୁମତି ଦେଇଥାଏ, ଯାହା ଆମେରିକାରେ ପ୍ରବେଶ ତାରିଖ ଠାରୁ ଏକ ବର୍ଷ ପାଇଁ ବୈଧ ହୋଇଥାଏ । ଆପଣଙ୍କ ଲାଇସେନ୍ସ ବୈଧ ହେବା ସହିତ ଇଂରାଜୀରେ ହୋଇଥିବା ଆବଶ୍ୟକ । ଯଦି ଆପଣଙ୍କ ଡିଏଲ ଇଂରାଜୀର ନଥିବ ତାହେଲେ ଏହାକୁ ବୈଧ ବୋଲି ଧରାଯିବନାହିଁ । ଏହାବ୍ୟତୀତ ଗାଡି ଚଲାଇବା ପୂର୍ବରୁ ଆପଣଙ୍କୁ ଫର୍ମ ଭରିବାକୁ ପଡିବ । କାହିଁକିନା ଏଥିରେ ଆପଣଙ୍କର ଆମେରିକା ଆସିବାର ଡେଟ୍ ଲେଖା ହୋଇଥାଏ ।
ଅଷ୍ଟ୍ରେଲିଆର କେତେକ ସ୍ଥାନରେ ଭାରତୀୟ ଲାଇସେନ୍ସ ସହିତ କାର ଚଳାଇବାକୁ ଦିଆଯାଇଛି । କିନ୍ତୁ ଉତ୍ତର ଅଷ୍ଟ୍ରେଲିୟାରେ ଆପଣଙ୍କୁ ମାତ୍ର ତିନି ମାସର ହିଁ ଗାଡି ଚଲାଇବାକୁ ଅନୁମତି ରହିଛି । ଏହାବ୍ୟତୀତ ଆପଣଙ୍କ ଲାଇସେନ୍ସ ଇଂରାଜୀରେ ହୋଇଥିବା ଦରକାର ।
ଏଠାକାର ଚଉଡା ରାସ୍ତାରେ ଗାଡି ଚଳାଇବାକୁ ହେଲେ ଆପଣଙ୍କ ପାଖରେ ଇଂରାଜୀ ଭାଷାରେ ଇଣ୍ଟରନ୍ୟାସନାଲ ଡ୍ରାଇଭିଙ୍ଗ ଲାଇସେନ୍ସ ଥିବା ଉଚିତ । ଏଠାରେ ଭାରତୀୟ ଡ୍ରାଇଭିଙ୍ଗ ଲାଇସେନ୍ସର ୬୦ ଦିନ ପର୍ଯ୍ୟନ୍ତ ବୈଧତା ରହିଥାଏ । ଏହାପରେ ଯଦି ଆପଣ ଏକ କାର ଚଳାଇବାକୁ ଚାହାଁନ୍ତି, ତେବେ ସେମାନଙ୍କ ଅନୁମତି ଦରକାର ପଡିବ ।
ଭାରତୀୟ ଲାଇସେନ୍ସ ସହିତ ଆପଣ ଇଂଲଣ୍ଡ, ୱେଲ୍ସ, ସ୍କଟଲ୍ୟାଣ୍ଡ ଏବଂ ଉତ୍ତର ଆୟର୍ଲାଣ୍ଡରେ ଏକ ବର୍ଷ ପାଇଁ କାର ଚଳାଇ ପାରିବେ । ତଥାପି, ଏଠାରେ କେବଳ ଏକ ନିର୍ଦ୍ଦିଷ୍ଟ ପ୍ରକାରର କାର / ବାଇକ୍ ଚଲାଇବାକୁ ଅନୁମତି ଦିଆଯାଇଛି ଏବଂ ଲାଇସେନ୍ସ ମଧ୍ୟ ଇଂରାଜୀରେ ହେବା ଜରୁରୀ ।
ଏହି ଦେଶରେ ମଧ୍ୟ ଭାରତରୁ ଯାତ୍ରା କରୁଥିବା ଲୋକଙ୍କୁ ଏକ ବର୍ଷ ପାଇଁ କାର ଚଳାଇବାକୁ ଅନୁମତି ଦିଆଯାଇଛି, ଏହା ପରେ ସେମାନଙ୍କୁ ନ୍ୟୁଜିଲ୍ୟାଣ୍ଡ ଲାଇସେନ୍ସ ଆବଶ୍ୟକ ଏବଂ ଗାଡି ଚଳାଇବା ପାଇଁ ସର୍ବନିମ୍ନ ବୟସ ୨୧ ବର୍ଷ ଧାର୍ଯ୍ୟ କରାଯାଇଛି ।
ଭାରତୀୟ ଲାଇସେନ୍ସରେ ଆପଣ ଜର୍ମାନରେ ୬ ମାସ ପର୍ଯ୍ୟନ୍ତ ଗାଡି ଚଲାଇପାରିବେ । ଯଦି ଜର୍ମାନ ଯାଉଛନ୍ତି ଏବଂ ସେଠାରେ ଗାଡି ଚଲାଇବାର ପ୍ଲାନ ରହିଛି ତାହେଲେ ନିଜ ସାଥିରେ ସମସ୍ତ ଜରୁରୀ କାଗଜପତ୍ର ନିଶ୍ଚୟ ନେଇକି ଯିବେ । ଏଠାରେ ଡ୍ରାଇଭିଙ୍ଗ ଲାଇସେନ୍ସ କରିବା ପାଇଁ ଆପଣଙ୍କୁ ଡ୍ରାଇଭିଙ୍ଗ ଲାଇସେନ୍ସ କେବଳ ଇଂରାଜୀରେ କରିବା ଜରୁରୀ ଅଟେ ।
ସାଉଥ୍ ଆଫ୍ରିକାରେ ଡ୍ରାଇଭ୍ କରିବା ପାଇଁ ମଧ୍ୟ ଆପଣଙ୍କ ଭାରତୀୟ ଲାଇସେନ୍ସ ଇଂରାଜୀରେ ହୋଇଥିବା ଜରୁରୀ । ଯଦି ଆପଣ ଏଠାରେ ଗାଡି ଭଡାରେ ନେଉଛନ୍ତି ତାହେଲେ ସର୍ବପ୍ରଥମେ ଆପଣଙ୍କୁ ନିଜର ଇଂରାଜୀରେ ହୋଇଥିବା ଡିଏଲ ଦେଖାଇବାକୁ ପଡିବ । ଏହାସହିତ ଲାଇସେନ୍ସରେ ଆପଣଙ୍କ ସିଗନେଚର ଏବଂ ଫଟୋ ରହିଥିବା ଜରୁରୀ ।
ଯେତେବେଳେ ବି ଆମେ କୌଣସି କାର୍ଯ୍ୟ କରିବା ପାଇଁ ବାହାରିଥାଉ, ଆମ ମୂଳ ଉଦ୍ଦେଶ୍ୟ ହୋଇଥାଏ ସେହି କାର୍ଯ୍ୟକୁ ସଂପୂର୍ଣ୍ଣ…
କାଲିମେଳା : ଘରେ ମୋବାଇଲ ଆଉ ବାଇକ୍ ଅଛି । ହେଲେ ଘରେ ନାହାଁନ୍ତି ଡାକ୍ତର ବାବୁ । ଗତକାଲି…
ଅନେକ ଲୋକ ଏପରି ଅଛନ୍ତି ଯେଉଁମାନଙ୍କ ଟାଇଫିଂ ସ୍ପିଡ୍ ବହୁତ ଅଧିକ ରହିଥାଏ । ଆପଣ ବି କେବେ ନା…
ମୟୂରଭଞ୍ଜ : ନାବାଳିକା ସହ ଦୁଷ୍କର୍ମ ପରେ ମାରିଦେବା ଅଭିଯୋଗ ହୋଇଛି । ଅଭିଯୁକ୍ତ ଥାନାରେ ଅଟକ । ଘଟଣା…
ଭୁବନେଶ୍ୱର : ଷଷ୍ଠ ଥର ନବୀନ ସରକାର । ଓଡ଼ିଶା ଗଣମାଧ୍ୟମ ସକାଳ ଓ ପ୍ରଗତିବାଦୀର ସର୍ଭେରେ ବିଜେଡିକୁ ସ୍ପଷ୍ଟ…
ଗତ ମାସରେ ଭାରତରେ Realme GT 6T ଲଞ୍ଚ କରାଯାଇଥିଲା । ରିୟଲମି ଚଳିତ ମାସରେ ଜିଟି ସିରିଜର ଆଉ…