ସ୍ପେଶାଲ

ଶନିବାର କାହିଁକି କରାଯାଏ ହନୁମାନଙ୍କ ପୂଜା, ଜାଣନ୍ତୁ ଏହା ପଛରେ ଥିବା କାରଣ

ଶନିଦେବ ହେଉଛନ୍ତି ନ୍ୟାୟର ଦେବତା। ସମସ୍ତେ ପ୍ରାୟ ଶନିଦେବଙ୍କୁ ଭୟ କରିଥାନ୍ତି। ଏମିତି କୁହନ୍ତି ଯେ ଶନିଦେବଙ୍କ ସମୟରେ ଅନେକ ସମସ୍ୟା ଦେଖାଯାଏ। ତେଣୁ ତାଙ୍କ କୋପ ଦୃଷ୍ଟିରୁ ରକ୍ଷା ପାଇବା ପାଇଁ ଲୋକମାନେ ହନୁମାନଙ୍କ ଆଶ୍ରୟ ନେଇଥାନ୍ତି। କୁହାଯାଏ ଯେ ହନୁମାନଙ୍କ ଆଶିର୍ବାଦ ଦ୍ୱାରା ଶନିଙ୍କ ଖରାପ ଦୃଷ୍ଟିରୁ ମୁକ୍ତି ମିଳିଥାଏ। ଏମିତିରେ କୁହାଯାଏ ଶନିଦୋଷରୁ ମୁକ୍ତି ପାଇଁ ହନୁମାନଙ୍କ ଭକ୍ତ ହୋଇଥିବା ଆବଶ୍ୟକ। ତେବେ ଏହା ପଛରେ କାରଣ କଣ? କଣ ପାଇଁ କେବଳ ହନୁମାନଙ୍କୁ ପୂଜା କଲେ ଶନିଙ୍କ କୋପ ଦୃଷ୍ଟି ପଡ଼ିନଥାଏ।

କୁହାଯାଏ ଯେ ଶନିଙ୍କ କୋପ ଦୃଷ୍ଟି ଯଦି କାହା ଉପରେ ପଡ଼େ ତେବେ ତାର ଅବସ୍ଥା ଖରାପ ହେବା ସୁନିଶ୍ଚିତ। ଶନିଦେବ ଯଦି କାହାକୁ ସିଧା ନଜରରେ ଦେଖିଦେବେ ତେବେ ସେହି ଜିନିଷ ଭସ୍ମ ହୋଇଯାଏ। ମନାଯାଏ ଯେ ଶନିଦେବଙ୍କୁ ପ୍ରସନ୍ନ କରିବା ଖୁବ କଷ୍ଟ । ତେବେ ଶନିଦେବଙ୍କ ସମଷଷ୍ଠୀ ସବୁଠୁ ଭଲ ଯୋଗ ମନାଯାଏ। ଯଦି ଆପଣଙ୍କ ଜାତକରେ ଶନିଦେବ ଖରାପ ସ୍ଥିତିରେ ଅଛନ୍ତି ତେବେ ଆପଣ ଶନିଦେବ ଙ୍କ ସହ ବଜରଙ୍ଗବଲୀଙ୍କ ପୂଜା କରିବା ଉଚିତ। ମନାଯାଏ ଯେ ବଜରଙ୍ଗବଲୀଙ୍କ ପୂଜା କରିବା ଦ୍ୱାରା ଶନିଦେବ ଖୁସି ହୋଇଥାନ୍ତି।

ଶନିଦେବ ବ୍ୟକ୍ତିଙ୍କୁ ଭଲ କାମ ପାଇଁ ଭଲ ଫଳ ଓ ଖରାପ କାମ ପାଇଁ ଖରାପ ଫଳ ଦିଅନ୍ତି। ଅନ୍ୟାୟ କରୁଥିବା ଲୋକଙ୍କୁ ସେ ସହିପାରନ୍ତି ନାହିଁ। ଏହାସହ ଯେଉଁମାନେ ଅନ୍ୟ ଲୋକମାନଙ୍କୁ ଶୋଷଣ କରନ୍ତି ସେମାନଙ୍କ ପାଇଁ ଖରାପ କାମ କରନ୍ତି। ତେବେ ଶନିଦେବଙ୍କ ପ୍ରକୋପରୁ ସେ ବଞ୍ଚନ୍ତି ନାହିଁ। ଶନିଙ୍କ କୋପ ଦୃଷ୍ଟି ପଡ଼ିଲେ ବ୍ୟକ୍ତି ନର୍କ ଜୀବନ ଅତିବାହିତ କରେ। ଏହି ସମୟରେ ବ୍ୟକ୍ତିଙ୍କୁ ହନୁମାନଙ୍କ ଆଶ୍ରୟ ନେବା ଆବଶ୍ୟକ।

ଏକଦା ହନୁମାନଙ୍କୁ ଶନିଦେବ ବଚନ ଦେଇଥିଲେ ଯେ ସେ କୌଣସି ହନୁମାନ ଭକ୍ତଙ୍କୁ ସମସ୍ୟାରେ ପକାଇବେ ନାହିଁ। କିନ୍ତୁ ଏହି ଶପଥ ସେଖୁସିରେ ନୁହେଁ ବରଂ ଭୟରେ ନେଇଥିଲେ। ଏହା ପଛରେ ଏକ ପୌରାଣିକ କଥା ମଧ୍ୟ ରହିଛି। କଥା ଅନୁସାରେ ଏକଦା ହନୁମାନ ରାମଭକ୍ତିରେ ଲୀନ ଥିଲେ। ସେହି ସମୟରେ ଶନିଦେବ ହନୁମାନଙ୍କ ଭକ୍ତିରେ ବିଘ୍ନ ପକାଇଥିଲେ। ଶନିଦେବଙ୍କୁ ନିଜ ଶକ୍ତି ଉପରେ ଗର୍ବ ଥିଲା। ପରେ ହନୁମାନ ତାଙ୍କ ଏହି ଗୁଣ ପାଇଁ ରାଗିଯାଇଥିଲେ।

ଶନିଦେବ ଅନେକ ସମୟ ଧରି ହନ ୁମାନଙ୍କ ଧ୍ୟାନ ଭଙ୍ଗ କରିବାକୁ ଚାହୁଁଥିଲେ। କିନ୍ତୁ ସଫଳ ହୋଇନଥିଲେ। ବହୁତ ସମୟ ପରେ ହନୁମାନ ନିଜ ଆଖି ଖୋଲିଲା ପରେ ବିନମ୍ରତା ସହ ଶନିଦେବଙ୍କୁ ଦେଖିଲେ। ପରେ ତାଙ୍କୁ ଏପରି କରିବାର କାରଣ ପଚାରିଲେ। ଏହି କଥା ଶୁଣିବା ପରେ ଶନିଦେବ ଆହୁରି ରାଗିଗଲେ। ଆଉ କହିଲେ ଆଜି ମୁଁ ତମ ରାଶିରେ ପ୍ରବେଶ କରିବାକୁ ଯାଉଛି। ମୋ ପ୍ରବେଶରେ ସମସ୍ତେ ଭୟ କରନ୍ତି। ଯଦି ରୋକିବାକୁ ଚାହୁଁଛ ତେବେ ରୋକିନିଅ। କିନ୍ତୁ ଏହାପରେ ବି ହନୁମାନ ଶନିଙ୍କ ଆଗରେ ବିନମ୍ରତା ପ୍ରଦର୍ଶନ କଲେ।

Photo credit: News Track

ପରେ କିନ୍ତୁ ଶନିଦେବ ବିକ୍ରାଳ ରୂପ ଧାରଣ କରିଥିଲେ। ହନୁମାନ ଏହା ଦେଖି ରାଗିଯାଇ ତାଙ୍କ ଲାଞ୍ଜରେ ଶନିଦେବଙ୍କୁ ଘେରିନେଲେ। ତାଙ୍କୁ ନିଜ ଲାଞ୍ଜରେ ବାନ୍ଧିନେଲେ । ଏହାପରେ ଶନିଦେବଙ୍କ ଅବସ୍ଥା ଖରାପ ହେବାକୁ ଲାଗିଲା। ନିଜ ସାହାଯ୍ୟ ପାଇଁ ଅନେକ ଦେବଦେବୀଙ୍କୁ ଡାକିଲେ। କିନ୍ତୁ କେହି ବି ଶୁଣିଲେନି। ଶେଷରେ ହନୁମାନଙ୍କୁ କ୍ଷମା ମାଗିଲେ। ଏବଂ କହିଲେ ଭବିଷ୍ୟରେ ସେ ହନୁମାନଙ୍କ ଛାୟାରୁ ମଧ୍ୟ ଦରେଇ ରହିବେ। ଏହାପରେ ହନୁମାନ କହିଲେ ଯେ ସେ କେବଳ ତାଙ୍କ ଛାୟା ନୁହେଁ ବରଂ ତାଙ୍କ ସମସ୍ତ ଭକ୍ତଙ୍କ ଛାୟାରୁ ମଧ୍ୟ ଦୂରେଇ ରହିବେ। ଏହାପରଠୁ ଶନିଦେବ ହନୁମାନ ଭକ୍ତଙ୍କଠୁ ସବୁବେଳେ ଦୂରେଇ ରୁହନ୍ତି। ସେମାନଙ୍କୁ ସମସ୍ୟାରେ ପକାନ୍ତି ନାହିଁ। ତେଣୁ ସେହିଦିନଠୁ ଶନିଦେବଙ୍କୁ ଶାନ୍ତ କରିବା ପାଇଁ ହନୁମାନଙ୍କ ପୂଜା ଆରମ୍ଭ ହେଲା। ଆପଣ ବି ଯଦି ଶନିଙ୍କ କୋପ ଦୃଷ୍ଟି ର ଶିକାର ହୋଇଛନ୍ତି ତେବେ ନିଶ୍ଚିତ ଭାବେ ହନୁମାନଙ୍କ ପୂଜା କରନ୍ତୁ। ଆଶିର୍ବାଦ ପାଇବେ।

pc: www.jagran.com
D Sonali

Recent Posts

ଶେଷ ରଜରେ କିଣି ଆଣନ୍ତୁ ସୁନା, ଜାଣନ୍ତୁ କେତେ ରହିଛି ଦର

କେନ୍ୟୁଜ (ବ୍ୟୁରୋ) : ସୁନା କିଣିବାକୁ ଚାହୁଁଥିଲେ ପ୍ରଥମେ ଜାଣନ୍ତୁ ଦାମ୍ । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା…

32 mins ago

ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଯାଇ ମା ସମଲେଶ୍ୱରୀଙ୍କୁ ଦର୍ଶନ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ସମ୍ବଲପୁର(କେନ୍ୟୁଜ): ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଗସ୍ତ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମା…

39 mins ago

ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ: ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ ଅଗ୍ରସର ହେବାର ସମ୍ଭାବନା

ଭୁବନେଶ୍ୱର (କେନ୍ୟୁଜ):  ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…

47 mins ago

ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର: ପାଇପରେ ଆସୁନି ପାଣି, ଟ୍ୟାଙ୍କର ଉପରେ ଭରସା

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର । ଅଧିକାଂଶ ସ୍ଥାନରେ ଜଳ ସଂକଟର ବିକଳ ଚିତ୍ର । ପାଇପରେ…

57 mins ago

ଆଜି ଶେଷ ରଜ: ପିଠା, ମିଠାରେ ବାସୁଛି ପ୍ରତିଟି ଘର

କେନ୍ୟୁଜ: ଗାଁ ଦାଣ୍ଡରେ ରଜର ମହମହ ବାସ୍ନା । ଆଜି ଶେଷ ରଜ । ୩ ଦିନିଆ ରଜ ଉତ୍ସବର…

1 hour ago

ଆଜିର ରାଶିଫଳ : ଜାଣନ୍ତୁ ଆଜି କେଉଁ ରାଶିର ଲୋକଙ୍କ ପାଇଁ କିପରି କଟିବ ଦିନ

ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…

8 hours ago