Picture Credit- The Jakarta post
ଯେତେବେଳେ ବି ଆମେ ରାତିରେ ଆକାଶକୁ ଚାହିଁଥାଉ, ଆମେ ଚିକମିକ୍ ତାରା ଦେଖୁ । ଆକାଶରେ ଏତେ ଅଧିକ ତାରା ଥାଇ ମଧ୍ୟ ଏହା ସଂପୂର୍ଣ୍ଣ କଳା ଦେଖାଯାଏ କିମ୍ବା ଅନ୍ଧକାରରେ ହିଁ ରହିଥାଏ । ମହାକାଶରେ କୋଟି କୋଟି ତାରା ରହିଛି ଏବଂ ଏଗୁଡ଼ିକ ମଧ୍ୟରୁ ଅନେକ ଆମ ସୂର୍ଯ୍ୟ ଠାରୁ ବି ଅଧିକ ଉଜ୍ଜ୍ୱଳ କିନ୍ତୁ ଏହା ପରେ ବି ମହାକାଶ କାହିଁକି କଳା ଦେଖାଯାଏ । ଏହି ପ୍ରଶ୍ନ ତ ନିଶ୍ଚିତ ଆପଣଙ୍କ ମନରେ ଆସୁଥିବ । ତେବେ ଆସନ୍ତୁ ଜାଣିବା ଏହି ପ୍ରଶ୍ନକୁ ନେଇ ବିଜ୍ଞାନ କଣ କହୁଛି ।
ବହୁତ କମ୍ ଲୋକ ଜାଣିଛନ୍ତି ଯେ ଏହି ପ୍ରଶ୍ନର ନାମ ହେଉଛି ଓଲବର୍ସ ପାରାଡକ୍ସ । ଜ୍ୟୋତିର୍ବିଜ୍ଞାନୀମାନେ ଆକଳନ କରିଛନ୍ତି ଯେ ବ୍ରହ୍ମାଣ୍ଡରେ ପ୍ରାୟ ୨୦୦୦ ବିଲିୟନରୁ ବି ଅଧିକ ତାରା ରହିଛି ଏବଂ ଏହି ତାରାଗୁଡ଼ିକ ମଧ୍ୟରୁ ଅଧିକାଂଶ ଆମ ସୂର୍ଯ୍ୟ ଅପେକ୍ଷା ଉଜ୍ଜ୍ୱଳ । କିନ୍ତୁ ଯେତେବେଳେ ବି ଆମେ ରାତିରେ ମହାକାଶ ଆଡକୁ ଚାହିଁଥାଉ ସେଠାରେ ଆଲୋକର ବହୁତ ଅଭାବ ଦେଖାଯାଇ ଥାଏ । ମହାକାଶରେ ବହୁ ସଂଖ୍ୟକ ତାରା ରହିଥିଲେ ମଧ୍ୟ ସେମାନଙ୍କ ମଧ୍ୟରେ ଦୂରତା ଅଧିକ ରହିଛି ଏବଂ ଅଧିକ ଦୂରତା ପାଇଁ ସେମାନଙ୍କର ଉଜ୍ଜ୍ୱଳତା କ୍ଷୀଣ ହୁଏ । ୧୦ ଗୁଣ ଅଧିକ ଦୂରତାରେ ତାରାର ଉଜ୍ଜ୍ୱଳତା ଶହେ ଗୁଣ କମିଯାଏ । କିନ୍ତୁ ଏହା ସଠିକ ଉତ୍ତର ନୁହେଁ ।
ଏହି ପ୍ରଶ୍ନର ଉତ୍ତରକୁ ସଠିକ୍ ଭାବରେ ବ୍ୟାଖ୍ୟା କରିବା ପାଇଁ ଆମେରିକାର ବୋୟଜି ବିଶ୍ୱବିଦ୍ୟାଳୟର ଜ୍ୟୋତିର୍ବିଜ୍ଞାନର ଆସୋସିଏଟ୍ ପ୍ରଫେସର ବ୍ରାଏନ୍ ଜ୍ୟାକସନ ତାଙ୍କର ଗୋଟିଏ ଲେଖାରେ ଏହା ବିଷୟରେ ଜଣାଇଛନ୍ତି ।
ବ୍ରହ୍ମାଣ୍ଡ ମାତ୍ର ୧୩ ବିଲିୟନ ବର୍ଷ ପୁରୁଣା । ମାନବୀୟ ଦୃଷ୍ଟିକୋଣରୁ ଏହା ହୁଏତ ବହୁତ ଲମ୍ବା ସମୟ ହୋଇପାରେ କିନ୍ତୁ ବ୍ରହ୍ମାଣ୍ଡ ଦୃଷ୍ଟିକୋଣରୁ ଏହା ବହୁତ କମ୍ ସମୟ । ଦୂରରେ ଥିବା ତାରାଗୁଡ଼ିକର ଆଲୋକ ପୃଥିବୀରେ ପହଞ୍ଚିବାରେ ସକ୍ଷମ ହୁଏ ନାହିଁ । ଏହାର ଅର୍ଥ ଆମେ କେବଳ ସେହି ତାରାଗୁଡ଼ିକୁ ଦେଖିବାରେ ସକ୍ଷମ ହୋଇଥାଉ ଯାହା ପୃଥିବୀ ଠାରୁ ୧୩ ବିଲିୟନ ଆଲୋକ ବର୍ଷର ଦୂରତାରେ ରହିଛନ୍ତି ।
ଆମେ ଦେଖୁଥିବା ଦୃଷ୍ଟି ରେଖାରେ ପର୍ଯ୍ୟାପ୍ତ ତାରା ଦେଖାଯାଏ ନାହିଁ କିନ୍ତୁ ପ୍ରତ୍ୟେକ ଦୃଷ୍ଟି ରେଖାରେ ତାରା ରହିଛି । କିନ୍ତୁ ଏଗୁଡ଼ିକର ଆଲୋକ ପୃଥିବୀରେ ପହଞ୍ଚି ନଥାଏ ଏବଂ ଏଥିପାଇଁ ଅନେକ ବଡ଼ ଅଂଶ ଅନ୍ଧାର ଦେଖାଯାଏ । ସମୟ ସହିତ ଅଧିକ ତାରା ଦୃଶ୍ୟମାନ ହେବ । ବ୍ରହ୍ମାଣ୍ଡର ବିସ୍ତାର ସହିତ ତାରାମାନେ ମଧ୍ୟ ଆମ ଠାରୁ ଶୀଘ୍ର ଦୂରେଇ ଯାଉଛନ୍ତି । ଏହାର ଦୂରତା ପାଇଁ ତାରାରୁ ଆସୁଥିବା ତରଙ୍ଗ ଏପରି ରଙ୍ଗରେ ପରିଣତ ହୁଏ ଯେ ମଣିଷ ସେମାନଙ୍କୁ ଦେଖି ପାରେ ନାହିଁ । ଏପରି ପରିସ୍ଥିତିରେ ରାତି ହେଲେ ଆକାଶ ଅନ୍ଧକାର ହୋଇଯାଏ । ଅଧିକ ସମୟ ଅପେକ୍ଷା କରିବା ଦ୍ୱାରା ଅନେକ ତାରାର ବୟସ ହୋଇଯିବ ଏବଂ ତାରା ଗୁଡ଼ିକ ଶେଷ ହୋଇଯିବେ । ବୈଜ୍ଞାନିକମାନେ ଆକଳନ କରିଛନ୍ତି ଯେ ପ୍ରାୟ ୧୦ ହଜାର ବିଲିୟନ ବର୍ଷ ପରେ ବ୍ରହ୍ମାଣ୍ଡରେ କେବଳ ଅନ୍ଧକାର ହିଁ ରହିଥିବ ଏବଂ କେବଳ ବ୍ଲାକ ହୋଲ୍ ହିଁ ମହାକାଶରେ ରହିଥିବ ।
ଏଥର ଗରମ ସମସ୍ତ ରେକର୍ଡ ଭାଙ୍ଗିଦେଇଛି । ଚଳିତ ବର୍ଷ ସମଗ୍ର ଭାରତରେ ପ୍ରବଳ ଗ୍ରୀଷ୍ମ ପ୍ରବାହ ହେଉଛି, ଏଥିଯୋଗୁଁ…
ସରକାରୀ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଗୁଜରାଟ ହାଇକୋର୍ଟରେ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି…
ବାଲେଶ୍ୱର (କେନ୍ୟୁଜ୍): ସକାଳ ୯ଟା ସୁଦ୍ଧା ରାଜ୍ୟରେ ୭.୬୯ ପ୍ରତିଶତ ମତଦାନ ହୋଇଛି । ବାଲେଶ୍ୱର ୭.୪୬ ପ୍ରତିଶତ, ଭଦ୍ରକରେ…
ପୁଣେ ପୋର୍ସେ କାର୍ ଦୁର୍ଘଟଣା ମାମଲାରେ ନାବାଳକଙ୍କ ମା’ଙ୍କୁ ଗିରଫ କରିଛି ପୋଲିସ । ଅଭିଯୁକ୍ତ ନାବାଳକ ମା' ଶିବାନୀ…
କେନ୍ୟୁଜ୍: ଜଳୁଛି ପଶ୍ଚିମ, ସିଝୁଛି ଉପକୂଳ । ପଶ୍ଚିମ ଓଡ଼ିଶାରେ ଅସମ୍ଭାଳ ତାତି । ଆକାଶରୁ ହେଉଛି ଅଗ୍ନିବର୍ଷା ।…
ଦେଶରେ ଲୋକସଭା ନିର୍ବାଚନର ଆଜି ଅନ୍ତିମ ପର୍ଯ୍ୟାୟ ମତଦାନ ଚାଲିଛି । ଭୋଟ ଚାଲିଥିବା ବେଳେ ଗ୍ରାହକଙ୍କୁ ଖୁସି କରିଦେଇଛନ୍ତି…