image credit: punjab keshari
ନିସ୍ଵାର୍ଥପର ଭଲ ପାଇବା ଓ ବିଶ୍ୱସନୀୟତା କଥା ଉଠିଲେ ପ୍ରଥମେ କୁକୁରଙ୍କ ନାଁ ହିଁ ମନକୁ ଆସିଥାଏ । କେବେ କେବେ ତ ସେମାନଙ୍କୁ ନେଇ ହିଁ ଉଦାହରଣ ଦିଆଯାଇଥାଏ । ଏମିତିରେ ବି ବନ୍ଧୁତ୍ୱ ନିଭେଇବାରେ କୌଣସି ବି ପଶୁ ମଣିଷଙ୍କ ଠାରୁ ଦୁଇ ପାଦ ଆଗରେ ଥାନ୍ତି । କିନ୍ତୁ ଆଜି ଆମେ ଆପଣଙ୍କୁ ଏମିତି ଜଣେ ମହିଳାଙ୍କ ବିଷୟରେ କହିବାକୁ ଯାଉଛୁ ଯିଏ କୁକୁର ସହ ନିଜ ବନ୍ଧୁତ୍ୱ ରଖିବା ପାଇଁ ଦୀର୍ଘ ୮ ବର୍ଷ ହେବ ସଡକ କଡରେ ଜୀବନ କାଟୁଛନ୍ତି । ଏହି ମହିଳା ଜଣଙ୍କ ନାଁ ହେଉଛି ଓଲମେଡୋ ବେଲ୍ଟରୋନ | ମେକ୍ସିକୋର ତୀଯୁଆନାରେ ରହୁଥିବା ୬୫ ବର୍ଷୀୟ ଏହି ମହିଳାଙ୍କୁ ସ୍ଥାନୀୟ ଲୋକେ ” La Chole” ନାଁରେ ଡାକୁଛନ୍ତି । ଓଲମେଡୋ କୁକୁର ମାନଙ୍କ ସହ ରହିବା ପାଇଁ ଏକ ଜରୀ ପାଲକୁ ହିଁ ନିଜ ଘର କରିଦେଇଛନ୍ତି । ୬ କୁକୁରଙ୍କ ସହ ଜାରି ତଳେ ହିଁ ଦିନ କାଟୁଛନ୍ତି ଓଲମେଡୋ । ପ୍ରବଳ ଥଣ୍ଡା, ଟାଣ ଖରା ଆଉ ଭାରି ବର୍ଷାରେ ଏହି ଜରି ହିଁ ସେମାନଙ୍କର ଏକ ମାତ୍ର ସାହା ।
ଜୀବନର ବାଟ ଚାଲିବାରେ ଏହି କୁକୁର ମାନେ ସାଥି ପାଲଟିଛନ୍ତି ଓଲମେଡୋଙ୍କର । ଏମାନଙ୍କୁ ନେଇ ହିଁ ତାଙ୍କର ଏକ ଛୋଟିଆ ପରିବାର । ଓଲମେଡୋଙ୍କ ଏହି ନିଷ୍ପତ୍ତିରେ ପରିବର୍ତ୍ତନ ଆଣି ଏକ ଭଲ ଜୀବନ ଦେବାରେ ସ୍ଥାନୀୟ ପ୍ରଶାସନ ଯେତେ ଚେଷ୍ଟା କରିଥିଲେ ବି ସବୁ ବିଫଳ ଯାଇଛି । ଏମିତିକି ଆଶ୍ରୟ ସ୍ଥଳକୁ ଯିବାକୁ ବି ମନା କରିଦେଇଛନ୍ତି ଏହି ମହିଳା । କୁକୁରଙ୍କ ପାଇଁ ନିଜ ପରିବାରକୁ ବି ଭୁଲି ଯାଇଛନ୍ତି । କଲୋଙ୍କ ଏହି କାହାଣୀ ସାମ୍ନାକୁ ଆଣିବା ପାଇଁ ଓମାର ନାମକ ଜଣେ ଫଟୋ ଗ୍ରାଫର କୁକୁରଙ୍କ ସହ ତାଙ୍କର କିଛି ଫଟୋକୁ ସୋସିଆଲ ମିଡିୟାରେ ସେୟାର କରିଥିଲେ | ଏହି ଫଟୋ ଗୁଡିକୁ ଦେଖି ଲୋକେ ବି ଖୁବ ଭାବବିହ୍ଵଳ ହୋଇ ପଡିଛନ୍ତି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…