କୋଟି କୋଟି ଏକରରୁ ଅଧିକ ସ୍ଥାନରେ ନିଜର କାୟା ବିସ୍ତାର କରିଥିବା ଆମାଜନ ଫରେଷ୍ଟରେ ଅନେକ ଗୁପ୍ତ ସ୍ଥାନ ରହିଛି । ଏହି ଜଙ୍ଗଲର କୋଣ ଅନୁକୋଣରେ ରହିଛି ବହୁ ରହସ୍ୟମୟୀ କାହାଣୀ । ଯାହା ପାଖରେ କୌଣସି ମଣିଷ ଏପର୍ଯ୍ୟନ୍ତ ପହଞ୍ଚି ପାରିନାହାନ୍ତି। ସେହିପରି ପେରୁ ସହିତ ଏହି ଆମାଜନ ଜଙ୍ଗଲର କିଛି ଅଂଶ ଲାଗି ରହିଛି। ଏହି ଅଂଶରେ ଏମିତି ଏକ ନଦୀ ରହିଛି ଯାହାର ପାଣି ଆଶ୍ଚର୍ଯ୍ୟଜନକ ଭାବେ ସର୍ବଦା ଫୁଟୁଥିବା ଦେଖାଯାଇଛି । Boiling River କୁହାଯାଉଥିବା ଏହି ନଦୀକୁ ବୈଜ୍ଞାନିକମାନେ ପୃଥିବୀର ସବୁଠାରୁ ବୃହତ ଥର୍ମାଲ ନଦୀ ବୋଲି କହିଥାନ୍ତି। କିନ୍ତୁ ଏହିଭଳି ଅଦ୍ଭୁତ ନଦୀ ପଛରେ ରହିଥିବା ରହସ୍ୟ ବର୍ତ୍ତମାନ ପର୍ଯ୍ୟନ୍ତ ଅଜଣା ହୋଇରହିଛି।
ତେବେ ଏହି ଅଦ୍ଭୁତ ନଦୀକୁ ପ୍ରଥମେ ଭୂବୈଜ୍ଞାନିକ Adres Ruzo ୨୦୧୧ ମସିହାରେ ଖୋଜି ବାହାର କରିଥିଲେ। ଏହି Boiling River ବା Mayantuyacu River ର ସନ୍ଧାନ କରିବା ପାଇଁ ରୁଜୋ ଖୁବ ପରିଶ୍ରମ କରିଥିଲେ। କୁହାଯାଏ ଯେ ପିଲାଦିନେ ରୁଜୋ ନିଜ ଜେଜେବାପାଙ୍କ ଠାରୁ ଏହିଭଳି ଫୁଟନ୍ତା ପାଣି ଥିବା ନଦୀର ଗପ ଶୁଣୁଥିଲେ। ବୈଜ୍ଞାନିକ ବୁଦ୍ଧି ରଖିଥିବା ରୁଜୋଙ୍କୁ ବିଶ୍ୱାସ ଥିଲା ଯେ ଯଦି ଗପରେ ଏହିଭଳି କିଛି କଥା ରହିଛି ତେବେ ତାହା ବାସ୍ତବରେ ମଧ୍ୟ ନିଶ୍ଚୟ ରହିଥିବ। ସମୟାନୁକ୍ରମେ ସେ ଭୂବୈଜ୍ଞନିକ ହୋଇଥିଲେ ଓ ଏହିଭଳି ନଦୀର ସୂଚନା ପାଇବା ପାଇଁ ସରକାରଙ୍କ ଠାରୁ ଗ୍ୟାସ କମ୍ପାନୀ ସମସ୍ତଙ୍କୁ ଏହା ବିଷୟରେ ପଚାରିଥିଲେ।କିନ୍ତୁ ସମସ୍ତେ ଏହିଭଳି କୌଣସି ନଦୀ ନଥିବାର ତାଙ୍କୁ ସୂଚନା ଦେଇଥିଲେ। ଏହାପରେ ରୁଜୋ ନିଜେ ଏହି ନଦୀକୁ ଖୋଜି ବାହାର କରିଥିଲେ।
ପାଖାପାଖି ୪ ମାଇଲ ପର୍ଯ୍ୟନ୍ତ ବିସୃତ ହୋଇ ରହିଥିବା ଏହି ନଦୀର ଆଖପାଖରେ ଆଶାନିନକା ଜନଜାତିର ଲୋକେ ରହିଛନ୍ତି। ଏହି ଲୋକମାନେ Boiling River କୁ ପବିତ୍ର ମାନିଥାନ୍ତି ଓ ଏହାକୁ ତାଙ୍କ ଭାଷାରେ ‘ମୟାନତୁୟାକୁ’ କହିଥାନ୍ତି। ଏକ ରିପୋର୍ଟ ଅନୁସାରେ, ଏହି ନଦୀର ପାଣି ଖୁବ ଅଧିକ ମାତ୍ରାରେ ଗରମ ରହିଥାଏ। ଏହି ପାଣି ଭିତରକୁ ଆଙ୍ଗୁଳି ପୁରାଇଲେ କିଛି ସେକେଣ୍ଡ ମଧ୍ୟରେ ଏହା ଭୀଷଣ ଭାବେ ପୋଡ଼ିଯାଇଥାଏ । ତେବେ ରୁଜୋ ଅନେକ ପଶୁପକ୍ଷୀଙ୍କୁ ନିଜ ଆଖି ସାମନାରେ ଏହି ନଦୀରେ ପଡ଼ି ପ୍ରାଣ ହରାଇଥିବାର ଦେଖିଛନ୍ତି। କେବଳ ସେତିକି ନୁହେଁ ରୁଜୋ ଏହି ନଦୀ ବିଷୟରେ ‘The boiling river: Adventure and Discovery in the Amazon’ ନାମକ ଏକ ବହି ମଧ୍ୟ ଲେଖିଛନ୍ତି।
ବୈଜ୍ଞାନିକ ରୁଜୋଙ୍କ କହିବାନୁସାରେ, ଏହି ନଦୀର ନାମ ପୂର୍ବରୁ Shanay-timpishka ଥିଲା। ଏହି ନାମର ଅର୍ଥ ହେଉଛି ସୂର୍ଯ୍ୟଙ୍କ ଉତ୍ତାପରୁ ଫୁଟୁଥିବା ପାଣି। ତେବେ ଏହି ନଦୀର ରହସ୍ୟକୁ ଖୋଜି ବାହାର କରିବା ପାଇଁ ବର୍ତ୍ତମାନ ଏକ ପ୍ରୋଜେକ୍ଟ ଆରମ୍ଭ କରାଯାଇଛି । ଯେଉଁଥିରେ ଅଶାନିନକା ଜନଜାତିଙ୍କୁ ମଧ୍ୟ ସାମିଲ କରାଯାଇଛି। ଏହି ସ୍ଥାନ ପର୍ଯ୍ୟଟନ କରୁଥିବା ବ୍ୟକ୍ତିଙ୍କୁ ଖୁବ ସାବଧାନର ସହ ଏଠାକୁ ଯିବା ପାଇଁ ପରାର୍ମଶ ଦିଆଯାଇଛି।
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…