ଓଜୋନ ସ୍ତର ନରହିଲେ ପୃଥିବୀରେ ଜୀବନ ଶେଷ ହୋଇଯିବ କି? ଜାଣନ୍ତୁ କାହିଁକି ଆବଶ୍ୟକ ଏହି ସୁରକ୍ଷା କବଚ

ଭାରତ ସମେତ ବିଶ୍ୱର ଅନେକ ଦେଶ, ଚନ୍ଦ୍ର ଏବଂ ମଙ୍ଗଳ ସମେତ ବିଭିନ୍ନ ଗ୍ରହକୁ ନେଇ ଅନୁସନ୍ଧାନ କରୁଛନ୍ତି । ଏହି ଗ୍ରହମାନଙ୍କରେ ରହିବା ପାଇଁ ଆବଶ୍ୟକ ପରିବେଶ, ବାୟୁ ଏବଂ ଜଳ ଖୋଜାଯାଉଛି । କିନ୍ତୁ ବର୍ତ୍ତମାନ କୌଣସି ଜୀବ ସହଜରେ ବଞ୍ଚିବା ପାଇଁ ପୃଥିବୀ ବ୍ୟତୀତ ଅନ୍ୟ କୌଣସି ଗ୍ରହ ଅଧିକ ସୁରକ୍ଷିତ ସନ୍ଧାନ କରାଯାଇ ନାହିଁ । ଯେଉଁଠାରେ ଜଳ, ବାୟୁ ଏବଂ ଅନ୍ୟାନ୍ୟ ଉପାଦାନ ଏତେ ପରିମାଣରେ ଅଛି ଯେ କୌଣସି ଜୀବ ସହଜରେ ବଞ୍ଚିପାରିବ । ସେଥିପାଇଁ ଏହିପରି ଅନେକ ଘଟଣା ଉପରେ ମଧ୍ୟ ନଜର ରଖାଯାଏ, ଯାହା ପୃଥିବୀ ଉପରେ ପ୍ରଭାବ ପକାଇପାରେ ।

ସୂର୍ଯ୍ୟରୁ ବାହାରୁଥିବା ବିପଦପୂର୍ଣ୍ଣ କିରଣ ଏବଂ ଉତ୍ତାପ ବିଷୟରେ ବୈଜ୍ଞାନିକମାନେ ଦୀର୍ଘ ସମୟ ଧରି ଚିନ୍ତା କରୁଛନ୍ତି । ଏହି କାରଣରୁ ଭାରତ ଖୁବ୍ ଶୀଘ୍ର ଏହାର ADITYA L-1 ମିଶନ୍ ଲଞ୍ଚ କରିବାକୁ ଯାଉଛି, ଯାହା ସୂର୍ଯ୍ୟରୁ ଆସୁଥିବା କିରଣ ପୃଥିବୀରେ କ’ଣ ଖରାପ ପ୍ରଭାବ ପକାଇବ ତାହା ଖୋଜି ବାହାର କରିବ । ପୃଥିବୀ ଏପରି ଏକ ଗ୍ରହ, ଯାହା ଓଜୋନ ସ୍ତରରେ ଢାଙ୍କି ହୋଇ ରହିଛି । ଯାହା ସୂର୍ଯ୍ୟଙ୍କଠାରୁ ଆସୁଥିବା ବିପଦପୂର୍ଣ୍ଣ କିରଣର ପ୍ରଭାବକୁ ଦୂର କରିଥାଏ । କିନ୍ତୁ ଯଦି ଏହି ଓଜୋନ ସ୍ତର ଶେଷ ହୋଇଯାଏ, ତେବେ କଣ ପୃଥିବୀରେ ଜୀବନ ଶେଷ ହୋଇଯିବ କି?

ଓଜୋନ ସ୍ତର କିପରି କାମ କରେ?
ପୃଥିବୀଠାରୁ ପ୍ରାୟ ୨୦ ରୁ ୪୦ କିଲୋମିଟର ଦୂରରେ ଓଜୋନ ସ୍ତର ରହିଛି । ଏହା ଏକ ଗ୍ୟାସର ହାଲୁକା ସ୍ତର । ଏହା ହେଉଛି ଏକ ସୁରକ୍ଷା ପ୍ରାଚୀରବା କବଚ ଯାହା ପୃଥିବୀରେ ବାସ କରୁଥିବା ମଣିଷ ଏବଂ ଅନ୍ୟ ଜୀବମାନଙ୍କୁ ସୂର୍ଯ୍ୟଠାରୁ ଆସୁଥିବା ଖରାପ କିରଣରୁ ରକ୍ଷା କରିବା ପାଇଁ କାର୍ଯ୍ୟ କରିଥାଏ । ଏହି କାରଣରୁ ସୂର୍ଯ୍ୟରୁ ଆସୁଥିବା ଅତିବାଇଗଣି ରଶ୍ମି ପୃଥିବୀକୁ ସିଧାସଳଖ ପହଞ୍ଚିନଥାଏ ।

ଥରେ କଳ୍ପନା କରନ୍ତୁ ଯଦି ପୃଥିବୀର ଉପରଭାଗରୁ ଓଜୋନ୍ ସ୍ତର ସମ୍ପୂର୍ଣ୍ଣ ରୂପେ ଶେଷ ହୁଏ ତେବେ କ’ଣ ହେବ ? ଯଦି ଏପରି ହୁଏ ଅନେକ ପ୍ରକାରର ପରିବର୍ତ୍ତନ ଦେଖାଯିବ, ମଣିଷ ମାନଙ୍କ ମଧ୍ୟରେ କ୍ୟାନ୍ସର ଭଳି ରୋଗ ବ୍ୟାପିବା ଆରମ୍ଭ କରିବ ଏବଂ ସୂର୍ଯ୍ୟର ବିପଜ୍ଜନକ କିରଣର ପ୍ରଭାବ ସମଗ୍ର ବିଶ୍ୱରେ ଦେଖାଯିବ । ସୂର୍ଯ୍ୟର ଏହି କିରଣ ଯୋଗୁଁ ରୋଗ ପ୍ରତିରୋଧକ ଶକ୍ତି ବହୁ ପରିମାଣରେ ହ୍ରାସ ହେବ । ଏହା ବ୍ୟତୀତ ବରଫ ଦ୍ରୁତ ଗତିରେ ତରଳିବା ଆରମ୍ଭ କରିବ, ଯାହା ଏକ ବଡ଼ ବିପର୍ଯ୍ୟୟର କାରଣ ହୋଇପାରେ । ଅର୍ଥାତ୍ ଏହି ସୁରକ୍ଷା ବିନା ପୃଥିବୀରେ ଜୀବନ ଶେଷ ହେବାର ଯଥେଷ୍ଟ ସମ୍ଭାବନା ରହିଛି ।

ଓଜୋନ୍ ସ୍ତରରେ କଣା ହେବାର ଖବର ଗତ କିଛି ବର୍ଷ ଧରି ଲଗାତାର ବାହାରକୁ ଆସୁଛି, ଯାହା ସାରା ବିଶ୍ୱରେ ବୈଜ୍ଞାନିକମାନଙ୍କ ପାଇଁ ଚିନ୍ତାର ବିଷୟ ପାଲଟିଛି । ଏହା ମଧ୍ୟ ଗ୍ଲୋବାଲ ଓ୍ଵାର୍ମିଂର କାରଣ ବୋଲି କୁହାଯାଏ । ଯଦିଓ ବୈଜ୍ଞାନିକମାନେ ଏହି କଣାଗୁଡିକ ପୂରଣ କରିବା ପାଇଁ ଲଗାତାର କାର୍ଯ୍ୟ କରୁଛନ୍ତି ତଥାପି କୌଣସି ସୁଫଳ ମିଳୁନି ।