ଆଇଏଏସ ପ୍ରିୟଙ୍କା ଶୁକ୍ଲା ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି । ଆଉ ଏହାର କ୍ୟାପ୍ସନରେ ସେ ଲେଖିଛନ୍ତିକି, ନବରାତ୍ରିରେ ଗରବା ଏମିତି ହିଁ ଖେଳିବା ଉଚିତ । ପ୍ରକୃତରେ ଭିଡିଓଟିରେ ଜଣେ ବୃଦ୍ଧାଙ୍କ ସହ ଜଣେ ଯୁବକ ଖୁବ ମଜାର ସହ ଗୁଜୁରାଟର ପାରମ୍ପରିକ ନୃତ୍ୟ ତଥା ନବରାତ୍ରି ସମୟର ସ୍ପେଶାଲ ନାଚ ଗରବା ଖେଳୁଥିବାର ନଜର ଆସିଛନ୍ତି । ବୟସାଧିକ କାରଣରୁ ବୃଦ୍ଧା ଜଣଙ୍କ ଏକ ଚୌକି ଉପରେ ବସିଛନ୍ତି । ହୁଏତ ଶାରୀରିକ ଦୁର୍ବଳତା କାରଣରୁ ଚୌକିରୁ ଉଠି ପାରୁନାହାନ୍ତି । ଆଉ ଚୌକି ଉପରେ ବସି ହାତରେ ଗରବାର ଆକ୍ସନ କରି ନାଚର ମଜା ନେବାରେ ଲାଗିଛନ୍ତି ।ବିପରୀତରେ ଯୁବକ ଜଣଙ୍କ ଛିଡା ହେବା ଅବସ୍ଥାରେ ବୃଦ୍ଧାଙ୍କ ସହ ଗରବା ନାଚ କରୁଛନ୍ତି । ଆଇଏଏସ ପ୍ରିୟଙ୍କାଙ୍କ ଦ୍ୱାରା ସେୟାର କରାଯାଇଥିବା ଏହି ଭିଡିଓଟି ଖୁବ ଲୋକପ୍ରିୟତା ସାଉଁଟିବାରେ ଲାଗିଛି । ଖୁବ କମ ସମୟରେ ଏହାକୁ ୨ ଲକ୍ଷରୁ ଅଧିକ ଜଣ ଦେଖିବା ସହ ୫୦ ହଜାରରୁ ଅଧିକ ଥର ସେୟାର କରାଯାଇଛି । ଏହା ସହ ଦେଢ଼ ଲକ୍ଷରୁ ଅଧିକ ଲାଇକ୍ସ ମଧ୍ୟ ମିଳିଛି ।
ବୃଦ୍ଧାଙ୍କ ସହ ଯୁବକ ଜଣଙ୍କ ମଜାର ସହ ଗରବା ଖେଳୁଥିବା ଏହି ଭିଡିଓ ନବରାତ୍ରିର ମଜା କେମିତି ନିଆଯାଏ ତାହା ଶିଖେଇବା ସହ ଆଉ ଏକ ଗୁରୁତ୍ୱପୂର୍ଣ୍ଣ ଶିକ୍ଷା ମଧ୍ୟ ଦେଉଛି । ଘରର ବୟସ୍କ ମାନଙ୍କୁ ଅଣଦେଖା ନକରି ପ୍ରତିଟି ଉତ୍ସବରେ ସେମାନଙ୍କୁ କିପରି ସାମିଲ କରାଯାଇପାରିବ ସମାଜକୁ ସେହି ଶିକ୍ଷା ଦେଉଛି । ଆଉ ଏମିତି କରିବା ଦ୍ୱାରା ସେମାନେ ମଧ୍ୟ ନିଜକୁ ଅସହାୟ ମନେ କରିବେ ନାହିଁ । ଏହି ଉଦ୍ଦେଶ୍ୟ ରଖି ଆଇଏଏସ ପ୍ରିୟଙ୍କା ଏହାମଧ୍ୟ ଲେଖିଛନ୍ତିକି, ତମେ କଣ ନିଜ ଘରର ବୟୋଜ୍ୟୋଷ୍ଠ ସହିତ ଏମିତି କେବେ ଡ୍ୟାନ୍ସ କରିଛନ୍ତି କି ?
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…