କଳାହାଣ୍ଡି(କେନ୍ୟୁଜ): କଠିନ ପରିଶ୍ରମ ଓ ଦୃଢ ଇଚ୍ଛା ଶକ୍ତି ଆଗରେ ହାର ମାନିଲା ଗରିବୀ । ଅଦମ୍ୟ ଆତ୍ମବିଶ୍ୱାସ ଆଗରେ ହାର ମାନିଲା ସବୁ ପ୍ରତିବନ୍ଧକ । ଦାଦନରୁ ସିଧା ହେଲେ ଡାକ୍ତରୀ ଛାତ୍ର । ଯାହା ସମ୍ଭବ କରି ଦେଖାଇଛନ୍ତି ରାୟଗଡା ଜିଲ୍ଲା ବିଷମକଟକ ବ୍ଲକ ଥୁଆପାଡି ଗ୍ରାମର କୃଷଚନ୍ଦ୍ର ଅଟକା । ଟଙ୍କା ଅଭାବରୁ ପାଠ ପଢ଼ାରୁ ବଂଚିତ ହୋଇ ପରିବାର ଗୁଜୁରାଣ ପାଇଁ ଦାଦନ ଖଟିବାକୁ ପଳାଇଯାଇଥିଲେ କେରଳ। ସେଠାରେ ଇଟା ଭାଟି ଓ ପରେ ଦିଆସିଲି କାରଖାନାରେ କାମ କରି ଯାହା ରୋଜଗାର କରୁଥିଲେ ତାକୁ ଘର ଚଳିବା ପାଇଁ ପଠାଉଥିଲେ । ହେଲେ କଥାରେ ଅଛି ନା ଭଗବାନଙ୍କ ଘରେ ଡେରି ହୋଇପାରେ, ହେଲେ କେବେ ଅନ୍ଧାର ନଥାଏ । ଆଜି ପୁଣି ନୂତନ ଆଶାର ଆଲୋକ ସଞ୍ଚାର ହୋଇଛି କୃଷଚନ୍ଦ୍ରଙ୍କ ଜୀବନରେ ।
କୃଷଚନ୍ଦ୍ରଙ୍କ ୪ ଭାଇ ଓ ଗୋଟେ ଭଉଣୀ । ତେବେ ବାପା, ସ୍ତ୍ରୀ ଓ ଗୋଟିଏ ପୁଅ ଓ ଗୋଟେ ଝିଅ ଏବେ ତାଙ୍କ ଦାୟିତ୍ୱରେ। ପରିବାରର ବୋଝ ନେଇ ଗୋଟଏ ପଟେ କେରଳ ରେ କାମ କରୁଥିବାବେଳେ ଅନ୍ୟ ପଟେ ନିଟ୍ ପାଇଁ ପ୍ରସ୍ତୁତ ହେଉଥାନ୍ତି । ଡାକ୍ତରୀ ପଢିବାର ଦୃଢ଼ ଇଛାଶକ୍ତି ଏଭଳି ଥିଲା ଯେ ଶେଷରେ ହାର ମାନିଲା ଅର୍ଥର ଅଭାବ । ଏବେ ନିଟରେ ସେ କୃତକାର୍ଯ୍ୟ ହେବା ପରେ କଳାହାଣ୍ଡି ଭବାନୀପାଟଣା ସହିଦ ରେଣ୍ଡୋ ମାଝୀ ମେଡିକାଲ କଲେଜରେ ନାମ ଲେଖାଇ ଡାକ୍ତରୀ ପାଠ ପଢିବା ପାଇଁ ସୁଯୋଗ ପାଇଛନ୍ତି । ତେବେ କୃତକାର୍ଯ୍ୟ ହେବାପରେ ବି ମେଡିକାଲ କଲେଜରେ ନାମ ଲେଖାଇବା ପାଇଁ ତାଙ୍କ ପାଖରେ ଟଙ୍କା ନଥିଲା ।
ହେଲେ ଭଗବାନଙ୍କ ଇଚ୍ଛା ଥିଲା ସେ ସମାଜର ମଙ୍ଗଳ ପାଇଁ ଲୋକଙ୍କୁ ସେବା ଯୋଗାଇ ଦିଅନ୍ତୁ । ତେଣୁ ତାଙ୍କୁ ସେହି ଗାଁର ସମାଜସେବୀ ନୀଳମାଧବ ହିକକା ବେବଦୂତ ସାଜି ବିନା ସୁଧରେ ୩୮ ହଜାର ଟଙ୍କା ନାମ ଲେଖା ପାଇଁ ସହଯୋଗ କରିଛନ୍ତି। ଏହାପରେ ସେ ଏବେ କଲେଜରେ ନାମ ଲେଖାଇବା ସହିତ ଡାକ୍ତର ହୋଇ ଗରିବ ଓ ଆଦିବାସୀଙ୍କୁ ମାଗଣା ଚିକିତ୍ସା ଯୋଗାଇବେ ବୋଲି କହିଛନ୍ତି ।
ଏପଟେ କୃଷଚନ୍ଦ୍ର ଅଟକା ୨୦୦୬ ରେ ଆମ୍ବାଦୋଲା ସରକାରୀ ହାଇସ୍କୁଲରୁ ମାଟ୍ରିକ ପାସ୍ କରିବାପରେ ୨୦୦୮ରେ ବ୍ରହ୍ମପୁର ଖଲ୍ଲିକୋଟ ଜୁନିୟର ସାଇନ୍ସ କଲେଜରେ ଯୁକ୍ତ ଦୁଇ ପାସ କରିଥିଲେ । ଘରର ଆର୍ଥିକ ଅବସ୍ଥା ଠିକ ନଥିବାରୁ ୨୦୧୨ରେ ସେ କେରଳ ରାଜ୍ୟର ପେରାମ୍ବରମ ନିକଟ ଆଲୁଆକୁ ଯାଇ ସେଠାରେ ଇଟାଭାଟି ଶ୍ରମିକ ଭାବରେ କାମ କରୁଥିଲେ । ପରେ କଟାୟମ ଠାରେ ଏକ ଦିଆସିଲି କାରଖାନାରେ ଶ୍ରମିକ ଭାବରେ କାମ କରିଆସୁଥିଲେ ।
ତେବେ ଏହାରି ଭିତରେ ଭଗବାନ ତାଙ୍କ ଗାହାରୀ ଶୁଣିଲେ ଏବଂ ଡାକ୍ତରୀ ପଢିବା ପାଇଁ ସେ ସୁଯୋଗ ପାଇଲେ। ତେବେ ବର୍ତ୍ତମାନ ତାଙ୍କ ପାଖରେ ପଢିବା ପାଇଁ ବହି ନାହିଁ କି କଲେଜ ଫିସ୍ ଦେବା ପାଇଁ ଟଙ୍କା ନାହିଁ । ତେଣୁ ତାଙ୍କୁ କିଛି ସରକାରୀ ସହାୟତା ଯୋଗାଇ ଦେବାକୁ ସରକାରଙ୍କୁ ସେ ନିବେଦନ କରିଛନ୍ତି ।
ବିମାନରେ ବସି ଯାତ୍ରା କରୁଥିଲେ ଯାତ୍ରୀ । ହେଲେ ହଠାତ୍ ଯାତ୍ରୀଙ୍କ ନାକରୁ ରକ୍ତ ବାହାରିବା ସହ କାନରେ ଯନ୍ତ୍ରଣା…
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଲେ, ହେଲେ ଚୁପ୍ ବସିଲେନି ଗାଁର ମହିଳାମାନେ । ସିଧା ଘରକୁ ଗଲେ ଆଉ…
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…