ନେପାଳ ଟିମ୍‌ ରଚିଲା ବିଶ୍ୱ ରେକର୍ଡ: ୧୬ ବର୍ଷ ପରେ ଭାଙ୍ଗିଲା ଯୁବରାଜଙ୍କ ରେକର୍ଡ, ୯ଟି ବଲରେ ଅର୍ଦ୍ଧଶତକ ମାରିଲେ ଦିପେନ୍ଦ୍ର

ଏସୀୟ କ୍ରୀଡ଼ାରେ ଚାଲିଥିବା ଟି-୨୦ରେ ନେପାଳ ରଚିଛି ବିଶ୍ବରେକର୍ଡ । ଏସୀୟ କ୍ରୀଡାରେ ଇତିହାସ ରଚିଲା ନୋପାଳ ଟିମ । ମଙ୍ଗୋଲିଆ ବିପକ୍ଷରେ ସର୍ବାଧିକ ଦଳଗତ ସ୍କୋର, ଦ୍ରୁତ ଅର୍ଦ୍ଧଶତକ ଓ ଦ୍ରୁତ ଶତକର ନୂଆ ରେକର୍ଡ କରିଛି ନେପାଳ। ପ୍ରଥମେ ବ୍ୟାଟିଂ କରିଥିବା ନେପାଳ ଟିମ ୩ ୱିକେଟ ହରାଇ ୩୧୪ ରନ କରିଥିଲା । ଯାହା କି ଟି-୨୦ ଇତିହାସରେ ସର୍ବାଧିକ ସ୍କୋର।

ଦଳ ପକ୍ଷରୁ ଦିପେନ୍ଦ୍ର ସିଂହ ୯ବଲରେ ଦ୍ରୁତ ଅର୍ଦ୍ଧଶତକ କରିଥଲେ । ଦୀର୍ଘ ୧୬ ବର୍ଷ ପରେ ଯୁବରାଜଙ୍କ ରେକର୍ଡ ଭାଙ୍ଗିଛି । ନେପାଳ ଟିମର ଦିପେନ୍ଦ୍ର ଟି-୨୦ରେ ଥିବା ଯୁବରାଜଙ୍କ ରେକର୍ଡକୁ ଭାଙ୍ଗିଛନ୍ତି । ଯୁବରାଜ ସଂହଙ୍କ ୧୨ଟି ବଲରେ ଦ୍ରୁତ ଅର୍ଦ୍ଧଶତକ ରେକର୍ଡ ଭାଙ୍ଗିଛି । ଦିପେନ୍ଦ୍ରଙ୍କ ଇନିଂସରେ ଥିଲା ୮ ଟି ବିଶାଳ ଛକା । ଷ୍ଟ୍ରାଇକ ରେଟ ୫୨୦ ରହିଥିଲା । ଦଳ ପକ୍ଷରୁ କୁସଲ ମଲ୍ଲା ସର୍ବାଧିକ ୧୩୭ ରନ କରିଛନ୍ତି । ୩୪ ବଲରୁ ଦ୍ରୁତ ଶତକ କରିଥିଲେ କୁସଲ ମଲ୍ଲା । ରୋହିତ ଶର୍ମା ଓ ଡେଭିଡ ମିଲରଙ୍କ ରେକର୍ଡ ଭାଙ୍ଗିଛି ।

ପ୍ରଥମେ ବ୍ୟାଟିଂ କରିଥିବା ନେପାଳ ନିର୍ଦ୍ଧାରିତ ୨୦ ଓଭରରେ ୩ ୱିକେଟରେ ୩୧୪ ରନ୍ ସଂଗ୍ରହ କରିଥିଲା । ୩୧୫ ରନ ଟାର୍ଗେଟକୁ ମଙ୍ଗୋଲିଆ ୪୧ ରନରେ ଅଲଆଉଟ ହୋଇଛି ।  ଫଳରେ ନେପାଳ ୨୭୩ ରନର ଏକ ବୃହତ ବ୍ୟବଧାନରେ ବିଜୟୀ ହୋଇଥିଲା । ଏହି ମ୍ୟାଚରେ ନେପାଳ ମୋଟ ୨୬ଟି ଛକା ମାରି ରେକର୍ଡ କରିଥିଲା ।