ଭୁବନେଶ୍ୱର(କେ ନ୍ୟୁଜ): ଚଳିତ ବର୍ଷ ଅନୁଷ୍ଠିତ ହେବାକୁ ଥିବା ଟୋକିଓ ଅଲିମ୍ପିକ୍ ପାଇଁ ହକି ଇଣ୍ଡିଆ ପକ୍ଷରୁ ୧୬ ଜଣିଆ ଭାରତୀୟ ମହିଳା ଟିମର ଘୋଷଣା କରାଯାଇଛି । ଏହି ଟିମରେ ଓଡ଼ିଶାରୁ ଏକମାତ୍ର ଖେଳାଳି ଭାବେ ଦୀପ ଗ୍ରେସ୍ ଏକ୍କାଙ୍କୁ ସ୍ଥାନ ମିଳିଛି । ତେବେ ଆଉ ଓଡ଼ିଆ ଖେଳାଳିଙ୍କୁ ସ୍ଥାନ ନମିଳିବା ହକିପ୍ରେମୀଙ୍କୁ ଏକ ପ୍ରକାର ନିରାଶ କରିଛି । ଦଳର କ୍ୟାପଟେନ୍ସିପ ଦାୟିତ୍ୱ ରାନୀ ରାମପଲଙ୍କୁ ଦିଆଯାଇଛି । ବେଙ୍ଗାଲୁରୁର ସାଇ ସେଣ୍ଟରରେ ଅନୁଷ୍ଠିତ ହୋଇଥିବା କ୍ୟାମ୍ପରୁ ହିଁ ଏହି ଦଳର ଚୟନ କରାଯାଇଛି। ଚଳିତ ଥର ଦଳରେ ୮ ଜଣ ଅଭିଜ୍ଞ ଖେଳାଳିଙ୍କୁ ସ୍ଥାନ ମିଳିଥିବା ବେଳେ ୮ ନୂଆ ମୁହଁଙ୍କୁ ସୁଯୋଗ ମିଳିଛି । ଟିମ୍ ଚୟନ ନେଇ କୋଚ୍ ମାରିନ୍ ନିଜ ମତ ରଖିଛନ୍ତି ।
ଗତ ଏକ ବର୍ଷ ଧରି ଟିମ କଠିନ ପରିଶ୍ରମ କରି ଆସୁଛନ୍ତି । ଏହି ଟିମରେ ଅଭିଜ୍ଞ ଖେଳାଳି ଓ ନୂଆ ପ୍ରତିଭାର ମିଶ୍ରଣ ରହିଛି, ଯାହା ଫଳପ୍ରଦ ହେବ । ଏହି ଟିମ୍ ଅଲିମ୍ପିକରେ ଶ୍ରେଷ୍ଠ ପ୍ରଦର୍ଶନ କରିବ ବୋଲି ଆଶା ରଖାଯାଇଛି । ସେହିପରି ହକି ଇଣ୍ଡିଆର ସଭାପତି ଜ୍ଞାନେନ୍ଦ୍ର ନିଙ୍ଗୋମବାମ୍ କହିଛନ୍ତି, ବର୍ତ୍ତମାନ ଭାରତୀୟ ମହିଳା ଟିମ୍ ଯେଉଁ ଫର୍ମରେ ଅଛି, ତାକୁ ହାସଲ କରିବା ପାଇଁ ଟିମ୍ ବର୍ଷେ ଧରି ଅନେକ ପରିଶ୍ରମ କରିଛି । ମୁଁ ନିଶ୍ଚିତ ଯେ ଏହି ଟିମ୍ ବିରୋଧୀ ଦଳକୁ କଡ଼ା ଚ୍ୟାଲେଞ୍ଜ ଦେବ। ଚୟନ ହୋଇଥିବା ସମସ୍ତ ଖେଳାଳିଙ୍କୁ ମୁଁ ଅଲିମ୍ପିକରେ ଭଲ ପ୍ରଦର୍ଶନ ପାଇଁ ଅଭିନନ୍ଦନ ଜଣାଉଛି।
ଛୋଟ ଛୋଟ ବ୍ରାଉନ୍ କଲର ଅଳସୀ ମଞ୍ଜି ଏକ ସୁପରଫୁଡ୍ ଠାରୁ କମ୍ ନୁହେଁ । ଅଳସୀରେ ପ୍ରୋଟିନ ଭରପୂର…
ଟି-୨୦ ବିଶ୍ୱକପ୍ ୨୦୨୪ରେ ଭାରତ ଏବଂ ପାକିସ୍ତାନ ଦଳ ମଧ୍ୟରେ ରବିବାର ଏକ ରୋମାଞ୍ଚକର ମ୍ୟାଚ୍ ଖେଳାଯାଇଥିଲା । ଏହି…
ଚାନ୍ଦବାଲି (କେନ୍ୟୁଜ) : ପୁଅ ଭଲ ପାଠ ପଢ଼ୁଥିଲା । ପୁଅକୁ ନେଇ ମାଆ ବାପାଙ୍କର ଥିଲା ଅନେକ ଆଶା…
ନରସିଂହପୁର (କେନ୍ୟୁଜ୍): ବଡମ୍ବା ଥାନା ଅନ୍ତର୍ଗତ ଭଟ୍ଟାରିକା ଛକ ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ବାଇକକୁ ପିଟିଲା…
ସୋର (କେନ୍ୟୁଜ) : ସବୁଦିନ ପରି ଆଜି ବି ଗାଡି ଚଲାଇ ଯାଉଥିଲେ । କିନ୍ତୁ ଏଥର ଭାରି ହେଇଗଲା…
ଭୁବନେଶ୍ୱର(କେନ୍ୟୁଜ୍): ପଶ୍ଚିମ ଓଡ଼ିଶା ସମେତ ଏକାଧିକ ସ୍ଥାନରେ ପ୍ରବଳ ଗ୍ରୀଷ୍ମ ପ୍ରବାହ ନେଇ ଏସଆରସିଙ୍କ ପକ୍ଷରୁ ଆଡଭାଇଜରୀ ଜାରି ହୋଇଛି…