ଭାରତରେ ହେବାକୁ ଥିବା ବିଶ୍ୱକପ ୨୦୨୩ ପାଇଁ ଟିକେଟ ବିକ୍ରି ଗତକାଲିରୁ ଆରମ୍ଭ ହୋଇଛି । ୨୫ ଅଗଷ୍ଟରୁ ଟିକେଟ ବିକ୍ରି ଆରମ୍ଭ ହୋଇଛି । ପ୍ରଥମ ଦିନରେ ଭାରତ ଖେଳୁନଥିବା ମ୍ୟାଚର ଟିକେଟ ବିକ୍ରି ହୋଇଥିଲା । କିନ୍ତୁ ଏହି ସମୟରେ ଟ୍ରାଫିକ ଜାମ୍ ହେବା ଯୋଗୁଁ ୱେବସାଇଟ୍ ଏବଂ ଆପ୍ ପାଖାପାଖି ୩୫ରୁ ୪୦ ମିନିଟ କ୍ରାସ ହୋଇଯାଇଥିଲା । ଏହି କାରଣ ଯୋଗୁଁ କ୍ରିକେଟ ପ୍ରେମୀ ନିରାଶ ହୋଇଥିଲେ । ବିନା ଭାରତ ମ୍ୟାଚ୍ରେ ଯଦି ଆପ୍ କ୍ରାସ ହୋଇଯାଉଛି ତେବେ ଭାରତ ମ୍ୟାଚ ସମୟରେ ୱେବସାଇଟ୍ ଅବସ୍ଥା କ’ଣ ହେବ ।
ଗୌହ୍ଵାଟି ଏବଂ ତିରୁଅନନ୍ତପୁରମରେ ଭାରତର ଅଭ୍ୟାସ ମ୍ୟାଚ ଟିକେଟ୍ ୩୦ ଅଗଷ୍ଟରୁ କିଣିପାରିବେ ଫ୍ୟାନ୍ସ । ଏହାର ଗୋଟେ ଦିନ ପୂର୍ବରୁ ଚେନ୍ନାଇ, ଦିଲ୍ଲୀ, ପୁନେ ଭାରତରେ ମ୍ୟାଚ୍ ପାଇଁ ଟିକେଟ ଖୋଲାଯିବ । ବିଶ୍ୱକପ ଟିକେଟ ବିକ୍ରି ବହୁତ ବିଳମ୍ବରେ ଆରମ୍ଭ ହୋଇଛି ।
ଭାରତୀୟ ସମୟ ଅନୁସାରେ ରାତି ୮ଟାରେ ‘ବୁକ୍ ମାଇଁ ଶୋ’ ଆପ୍ କ୍ରାସ୍ ହେବା ଅଭିଯୋଗ ହୋଇଥିଲା । ୫ ଅକ୍ଟୋବରରୁ ଆରମ୍ଭ ହେବାକୁ ଥିବା ବିଶ୍ୱକପ ପାଇଁ ଟିକେଟ ବିକ୍ରି ହେଉଛି । ଏହି ସାଇଟରେ କ୍ରିକେଟ ପ୍ରେମୀଙ୍କ ଏତେ ଉତ୍ସାହ ଲାଗି ରହିଥିଲା ଯେ ସାଇଟ୍ ଜାମ୍ ଯୋଗୁଁ କ୍ରାସ ହୋଇଯାଇଥିଲା ।
ଖବର ମୁତାବକ, ସେପ୍ଟେମ୍ବର ୩ ତାରିଖରେ ୧୪ ଅକ୍ଟୋବରରେ ହେବାକୁ ଥିବା ଅହମଦାବାଦରେ ଭାରତ ବନାମ ପାକିସ୍ତାନ ମ୍ୟାଚ ପାଇଁ ଟିକେଟ ବିକ୍ରି ହେବ । ସେମିଫାଇନାଲ ଏବଂ ଫାଇନାଲ ପାଇଁ ୧୫ ସେପ୍ଟେମ୍ବରରୁ ଟିକେଟ ବିକ୍ରି ହେବ । ଟିକେଟ ବିକ୍ରି ଉପରୋକ୍ତ ତାରିଖରେ ଭାରତୀୟ ସମୟାନୁସାରେ ରାତି ୮ଟାରେ ଆରମ୍ଭ ହେବ ।
ବିଶ୍ବକପ ୨୦୨୩ରେ ଟିମ୍ ଇଣ୍ଡିଆର ସୂଚୀ :
୮ ଅକ୍ଟୋବର : ଭାରତ ବନାମ ଅଷ୍ଟ୍ରେଲିଆ(ଚେନ୍ନାଇ)
୧୧ ଅକ୍ଟୋବର : ଭାରତ ବନାମ ଆଫଗାନିସ୍ତାନ ( ଦିଲ୍ଲୀ)
୧୫ ଅକ୍ଟୋବର : ଭାରତ ବନାମ ପାକିସ୍ତାନ (ଅହମଦାବାଦ)
୧୯ ଅକ୍ଟୋବର : ଭାରତ ବନାମ ବାଂଲାଦେଶ ( ପୁନେ)
୨୨ ଅକ୍ଟୋବର : ଭାରତ ବନାମ ନ୍ୟୁଜିଲାଣ୍ଡ ( ଧର୍ମଶାଳା)
୨୯ ଅକ୍ଟୋବର : ଭାରତ ବନାମ ଇଂଲଣ୍ଡ (ଲକ୍ଷ୍ନୌ)
୨ ନଭେମ୍ବର : ଭାରତ ବମାନ କ୍ବାଲିଫାୟର (ମୁମ୍ବାଇ)
୫ ନଭେମ୍ବର : ଭାରତ ବନାମ ଦକ୍ଷିଣ ଆଫ୍ରିକା (କୋଲକତା)
୧୧ ନଭେମ୍ବର : ଭାରତ ବନାମ କ୍ବାଲିଫାୟର ଟିମ୍ (ବେଙ୍ଗାଲୁରୁ)
ଭୁବନେଶ୍ୱର : ସୁଭଦ୍ରା ଯୋଜନାରେ ହେଉଥିବା ଗୁଜବକୁ ବିଶ୍ବାସ କରନ୍ତୁ ନାହିଁ । ଯୋଜନା ଉପରେ କୌଣସି ଭୁଲ ଖବର…
ତାଜ ମହଲ ଦେଖିବାକୁ ଆସି ଜୀବନ ମୃତ୍ୟୁ ସହ ସଂଘର୍ଷ କଲା କୁନି ଝିଅ । ବାପା ମା’ଙ୍କ ସହ…
ମାଲକାନଗିରି (କେନ୍ୟୁଜ) : ଉପାନ୍ତ ମାଲକାନଗିରି ଜିଲ୍ଲାରେ ଗରିବ ଆଦିବାସୀ ଲୋକଙ୍କ ଯାତାୟାତର ଏବଂ ଆର୍ଥିକ ଉର୍ଣ୍ଣତି ପାଇଁ ଗତ…
ବିମାନରେ ବସି ଯାତ୍ରା କରୁଥିଲେ ଯାତ୍ରୀ । ହେଲେ ହଠାତ୍ ଯାତ୍ରୀଙ୍କ ନାକରୁ ରକ୍ତ ବାହାରିବା ସହ କାନରେ ଯନ୍ତ୍ରଣା…
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଲେ, ହେଲେ ଚୁପ୍ ବସିଲେନି ଗାଁର ମହିଳାମାନେ । ସିଧା ଘରକୁ ଗଲେ ଆଉ…
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…