ଦ୍ୱିତୀୟ ଟେଷ୍ଟରେ ପ୍ରତିଶୋଧ ନେଲା ଭାରତ । ପ୍ରଥମ ଟେଷ୍ଟର ପ୍ରତିଶୋଧ ଦ୍ୱିତୀୟ ଟେଷ୍ଟରେ ନେଲା ରୋହିତ ବାହିନୀ । ବିଶାଖାପାଟଣା ଟେଷ୍ଟରେ ବୋଲିଂରେ କମାଲ କଲେ ବୁମରା ଏବଂ ଅଶ୍ୱିନ । ଆଉ ଇଂଲଣ୍ଡ ବିପକ୍ଷରେ ଦ୍ୱିତୀୟ ଟେଷ୍ଟ ମ୍ୟାଚ ଜିତିଯାଇଛି ଭାରତୀୟ ଟିମ୍ । ଭାରତ ଦେଇଥିବା ୩୯୯ ରନର ଲକ୍ଷ୍ୟକୁ ପିଛା କରି ଇଂଲଣ୍ଡ ୨୯୨ ରନରେ ଅଲଆଉଟ୍ ହୋଇଛି । ଫଳରେ ଭାରତ ୧୦୬ ରନରେ ଦ୍ୱିତୀୟ ଟେଷ୍ଟ ମ୍ୟାଚ ଜିତିଛି ।
ଭାରତ-ଇଂଲଣ୍ଡ ମଧ୍ୟରେ ୫ଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ଇଂଲଣ୍ଡ ୨୮ ରନର ଜିତିଥିଲା । ଯାହାର ପ୍ରତିଶୋଧ ଭାରତ ବିଶାଖାପାଟଣାରେ ଖେଳାଯାଉଥିବା ଦ୍ୱିତୀୟ ଟେଷ୍ଟରେ ନେଇଛି । ବ୍ୟାଟିଂ ଓ ବୋଲିଂରେ କମାଲ କରିଛନ୍ତି ରୋହିତ ବାହିନୀ । ପ୍ରଥମ ପାଳିରେ ଯଶସ୍ୱୀ ଜୟସ୍ୱାଲଙ୍କ ଦ୍ୱିଶତକ ଏବଂ ଦ୍ୱିତୀୟ ପାଳିରେ ଶୁବମନଙ୍କ ଶତକ ଯୋଗୁଁ ଭାରତ ଇଂଲଣ୍ଡକୁ ଭଲ ସ୍କୋର ଟାର୍ଗେଟ ଦେଇଥିଲା ।
ଭାରତ ପ୍ରଥମ ପାଳିରେ ୩୯୬ ରନ୍ କରିଥିବା ବେଳେ ଦ୍ୱିତୀୟ ପାଳିରେ ୨୫୫ ରନ୍ କରିଥିଲା । ଯାହାକୁ ଲକ୍ଷ୍ୟ କରି ଇଂଲଣ୍ଡ ପ୍ରଥମ ପାଳିରେ ୨୫୩ ରନ୍ ଏବଂ ଦ୍ୱିତୀୟ ପାଳିରେ ୨୯୨ କରି ଅଲଆଉଟ ହୋଇଥିଲା । ଦ୍ୱିତୀୟ ଇନିଂସରେ ଭାରତୀୟ ବୋଲିଂରେ ବୁମରା ଏବଂ ଅଶ୍ୱିନ କମାଲ କରିଥିଲେ । ଦ୍ୱିତୀୟ ପାଳିରେ ଅଶ୍ୱିନ ୩ଟି, ବୁମରା ୩ଟି, ମୁକେଶ କୁମାର, କୁଲଦୀପ ଯାଦବ, ଅକ୍ଷର ପଟେଲ ଗୋଟିଏ ଲେଖାଏଁ ଓ୍ଵିକେଟ ନେଇଛନ୍ତି ।
ତାଜ ମହଲ ଦେଖିବାକୁ ଆସି ଜୀବନ ମୃତ୍ୟୁ ସହ ସଂଘର୍ଷ କଲା କୁନି ଝିଅ । ବାପା ମା’ଙ୍କ ସହ…
ମାଲକାନଗିରି (କେନ୍ୟୁଜ) : ଉପାନ୍ତ ମାଲକାନଗିରି ଜିଲ୍ଲାରେ ଗରିବ ଆଦିବାସୀ ଲୋକଙ୍କ ଯାତାୟାତର ଏବଂ ଆର୍ଥିକ ଉର୍ଣ୍ଣତି ପାଇଁ ଗତ…
ବିମାନରେ ବସି ଯାତ୍ରା କରୁଥିଲେ ଯାତ୍ରୀ । ହେଲେ ହଠାତ୍ ଯାତ୍ରୀଙ୍କ ନାକରୁ ରକ୍ତ ବାହାରିବା ସହ କାନରେ ଯନ୍ତ୍ରଣା…
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଲେ, ହେଲେ ଚୁପ୍ ବସିଲେନି ଗାଁର ମହିଳାମାନେ । ସିଧା ଘରକୁ ଗଲେ ଆଉ…
ଭୁବନେଶ୍ୱର : ବାରମ୍ବାର ମୁକୁଳା ଡ୍ରେନରେ ଅଘଟଣ ପରେ ତତ୍ପର ପ୍ରାଶସନ । ମାସକ ଭିତରେ ମୁକୁଳା ଡ୍ରେନ ଉପରେ…
ହଲିଉଡର ଲୋକପ୍ରିୟ ଅଭିନେତା ତମାୟୋ ପେରୀଙ୍କ ମୃତ୍ୟୁ । ଶାର୍କ ଆକ୍ରମଣ କରିବାକୁ ମାତ୍ର ୪୯ ବର୍ଷ ବୟସରେ ତମାୟୋଙ୍କ…