ନୂଆଦିଲ୍ଲୀ : ଏସୀୟ କ୍ରୀଡାରେ ଭାରତୀୟ ପୁରୁଷ ହିକ ଦଳ ଦମଦାର ପ୍ରଦର୍ଶନ ଜାରି ରଖିବା ସହ ପଞ୍ଚମ ବିଜୟ ହାସଲ କରିଛି । ଗତକାଲି ପୁଲ-ଏର ମ୍ୟାଚରେ ୧୨-୦ ଗୋଲରେ ବାଂଲାଦେଶକୁ ହରାଇଛି। ଏହି ବିଜୟ ସହ ଭାରତ ସେମିଫାନାଲରେ ସ୍ଥାନ ପକ୍କା କରିଛି । ପୁଲ-ଏରେ ୫ ମ୍ୟାଚ ଖେଳି ୫ ବିଜୟ ସହ ୧୫ ପଏଣ୍ଟ ପାଇ ସର୍ବାଗ୍ରେ ରହିଛି । ୫ଟି ମ୍ୟାଚରେ ଭାରତ ୫୮ଟି ଗୋଲ ଦେଇଥିବା ବେଳେ ମାତ୍ର ୫ଟି ଗୋଲ ବରଣ କରିଛି । ହରମନପ୍ରୀତ ସିଂହଙ୍କ ନେତୃତ୍ବାଧିନ ଭାରତ ସେମିରେ ପୁଲ ବିର ୨ୟ ସ୍ଥାନ ହାସଲ କରିଥିବା ଦଳକୁ ଆସନ୍ତାକାଲି ଭେଟିବ ।
ଗତକାଲି ବିଶ୍ବ ମାନ୍ୟତାର ତୃତୀୟ ସ୍ଥାନରେ ଥିବା ଭାରତ ଅପେକ୍ଷାକୃତ ଦୁର୍ବଳ ବାଂଲାଦେଶ ଉପରେ ଭାରିପଡିଥିଲା । ପ୍ରଥମ କ୍ବାର୍ଟରରେ ୪ଟି ସହ ପ୍ରଥମାର୍ଦ୍ଧରେ ଭାରତ ୬ଟି ଗୋଲ ଦେଇଥିଲା। ସେହିପରି ୩ୟ କ୍ବାର୍ଟରରେ ୨ ଏବଂ ଶେଷ କ୍ବାର୍ଟରରେ ୪ଟି ଗୋଲ ଦେଇ ୧୨-୦ ଗୋଲରେ ସହଜ ବିଜୟ ଲାଭ କରିଛି । ଭାରତ ପକ୍ଷରୁ ଅଧିନାୟକ ହରମନପ୍ରୀତ ସିଂହ ଓ ମନଦୀପ ସିଂହ ସର୍ବାଧିକ ୩ଟି ଲେଖାଏ ଗୋଲ ଦେଇ ହ୍ୟାଟ୍ରିକ କରିଥିଲେ । ଏସିୟ କ୍ରୀଡାର ପ୍ରଥମ ମ୍ୟାଚରେ ଭାରତ ଉଜବେକିସ୍ତାନକୁ ୧୬-୦ରେ ହରାଇଥିଲା । ସିଙ୍ଗାପୁରକୁ ୧୬-୧ , ଜାପାନକୁ ୪-୨, ପାକିସ୍ତାନକୁ ୧୦-୨ ଓ ବାଂଲାଦେଶକୁ ୧୨-୦ ଗୋଲରେ ହରାଇ ଅପରାଜେୟ ରହିଛି ଭାରତ ।
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…