ବର୍ମିଂହାମ୍ : ପଡ଼ୋଶୀ ବାଂଲାଦେଶକୁ ୨୮ ରନ୍ରେ ହରାଇ ଆଇସିସି ବିଶ୍ୱକପ୍ ୨୦୧୯ର ସେମିଫାଇନାଲ୍ରେ ପହଞ୍ଚିଛି ଭାରତ । ଅଷ୍ଟ୍ରେଲିଆ ପରେ ଦ୍ୱିତୀୟ ଦଳ ଭାବେ ନକ୍ଆଉଟ୍ ରାଉଣ୍ଡ ପାଇଁ ଯୋଗ୍ୟତା ଅର୍ଜନ କରିଛି । ଭାରତ କରିଥିଲା ୯ ଓ୍ଵିକେଟ୍ରେ ୩୧୪ ରନ୍ । ୩୧୫ ରନ୍ର ବିଜୟ ଲକ୍ଷ୍ୟ ନେଇ ଦ୍ୱିତୀୟରେ ବ୍ୟାଟିଂ କରିଥିବା ବାଂଲା ଦଳ ପ୍ରଥମରୁ ଦ୍ରୁତ ରନ୍ ସଂଗ୍ରହ କରି ବିରାଟ ବାହିନୀକୁ ଚମକାଇ ଦେଇଥିଲା । ହେଲେ ଶେଷରେ ୪୮ ଓଭରରେ ୨୮୬ ରନ୍ କରି ଅଲ୍ଆଉଟ୍ ହୋଇଯାଇଥିଲା ।
ଅନ୍ୟପଟେ ଆଜି ବ୍ୟାଟିଂରେ ଫେଲ୍ ମାରିଥିଲେ ମଧ୍ୟ ବୋଲିଂରେ କମାଲ୍ ଦେଖାଇଥିଲେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ସେ ୧୦ ଓଭର୍ ବୋଲିଂ କରି ୬୦ ରନ୍ ଦେଇ ୩ଟି ଓ୍ଵିକେଟ୍ ଦଖଲ କରିଛନ୍ତି । ବୁମରା ୧୦ ଓଭରରେ ୫୫ ରନ୍ ଦେଇ ୪ଟି ଓ୍ଵିକେଟ୍ ନେଇଛନ୍ତି । ସେ ଶେଷ ଦୁଇଟି ବଲ୍ରେ ଦୁଇଟି ଓ୍ଵିକେଟ୍ ଦଖଲ କରିଥିଲେ ।
ବାଂଲାଦେଶ ପକ୍ଷରୁ ସବୁଠାରୁ ଭଲ ଫର୍ମରେ ଥିବା ସାକିବ ଅଲ୍ ହାସାନ ସର୍ବାଧିକ ୬୬ ରନ୍ କରିଥିଲେ । ତମିମ୍ ଇକବାଲ ୨୨, ସୌମ୍ୟ ସରକାର ୩୩, ମୁସଫିକର ରହିମ ୨୪ ଏବଂ ଲିଟନ୍ ଦାସ ୨୨ ରନ୍ କରି ଆଉଟ୍ ହୋଇଥିଲେ । ତେବେ ଶବୀର ରେହମାନ ଓ ମହମ୍ମଦ ସଇଫୁଦ୍ଦିନଙ୍କ ଯୋଡ଼ି ବେଶ୍ କିଛି ସମୟ ଓ୍ଵିକେଟ୍ରେ ତିଷ୍ଠି ରହି ଭାରତର ବିଜୟକୁ ବିଳମ୍ବିତ କରିଥିଲେ । ସେମାନେ ଆକ୍ରମଣାତ୍ମକ ସଟ୍ ଖେଳି ସପ୍ତମ ଓ୍ଵିକେଟ୍ରେ ୬୬ ରନ୍ ଯୋଗ କରିଥିଲେ । ଦଳୀୟ ସ୍କୋରକୁ ୧୭୯ରୁ ଆଣି ୨୪୫ ରନ୍ରେ ପହଞ୍ଚାଇ ଦେଇଥିଲେ । ଶବୀରଙ୍କୁ ବୋଲଡ୍ କରି ଏହି ଯୋଡ଼ିକୁ ଭାଙ୍ଗିଥିଲେ ବୁମରା । ଶବୀର ୩୬ ବଲ୍ରେ ୩୬ ରନ୍ ଏବଂ ସଇଫଉଦ୍ଦିନ ମାତ୍ର ୩୮ ବଲ୍ରୁ ୫୧ ରନ୍ କରିଥିଲେ ।
ଏହି ବିଜୟ ପରେ ବି ଭାରତୀୟ ଦଳ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ହିଁ ରହିଛି । ଅଷ୍ଟ୍ରେଲିଆ ୮ଟି ମ୍ୟାଚ୍ରୁ ୭ଟି ବିଜୟ ସହ ୧୪ ପଏଣ୍ଟ, ଭାରତ ୮ଟି ମ୍ୟାଚ୍ରୁ ୬ଟି ବିଜୟ ସହ ୧୩ ପଏଣ୍ଟ ହାସଲ କରିଛି । ଅନ୍ୟପକ୍ଷରେ ବାଂଲାଦେଶ ୮ଟି ମ୍ୟାଚ୍ ଖେଳି ୩ଟି ବିଜୟ ଓ ୪ଟି ପରାଜୟ ସହ ୭ ପଏଣ୍ଟ ପାଇଛି ।
ଆସନ୍ତାକାଲି ଚେଷ୍ଟର-ଲି ଠାରେ ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ମୁକାବିଲା ହେବ ।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…