Photo credit: NDTV Sports
ରାଞ୍ଚିରେ ଚାଲିଥିବା ଚତୁର୍ଥ ଟେଷ୍ଟରେ ଇଂଲଣ୍ଡର ସ୍ଥିତି ମଜବୁତ । ଭାରତ-ଇଂଲଣ୍ଡ ଟେଷ୍ଟର ଆଜି ତୃତୀୟ ଦିନରେ ଅସମାପ୍ତ ୨୧୯ ରନରୁ ଖେଳ ଆରମ୍ଭ କରିଛି ଭାରତ। ଭାରତ ୯ ୱିକେଟ୍ ହରାଇଛି । ଧ୍ରୁବ ଜୁରେଲ ୮୦ ରନ କରି ଅପରାଜିତ ରହିଛନ୍ତି । ଭାରତ ଏବେ ୯ ଓ୍ଵିକେଟ ହରାଇ ୩୦୭ ରନ୍ କରିଛି ।
ପୂର୍ବରୁ ପ୍ରଥମ ଇନିଂସରେ ୩୫୩ ରନ୍ କରି ଅଲ୍ ଆଉଟ୍ ହୋଇଛି ଇଂଲଣ୍ଡ । ପ୍ରଥମ ଇନିଂସରେ ଆରମ୍ଭରେ ଭାରତ ରୋହିତ ଶର୍ମାଙ୍କ ଓ୍ବିକେଟ ହରାଇ ଚାପରେ ରହିଥିଲା । ରୋହିତ ମାତ୍ର ୨ ରନ କରି ଆଉଟ ହୋଇଥିଲେ । ଯୁବ ଓପ୍ନର ଯଶସ୍ବୀ ଜୟସ୍ବାଲ ଆକ୍ରମଣାତ୍ମକ ବ୍ୟାଟିଂ କରି ସର୍ବାଧିକ ୭୩ ରନ କରିଥିଲେ । ଯଶସ୍ୱୀ ତାଙ୍କ ୭୩ ରନର ଇନିଂସରେ ୮ଟି ଚୌକା ଓ ଗୋଟିଏ ଛକା ମାରିଛନ୍ତି । ଭାରତର ମଧ୍ୟକ୍ରମ ପୁଣି ବିଫଳ ହୋଇଥିଲା । କେବଳ ଶୁଭମନ ଗିଲ ୩୮ ରନ କରିଥିଲେ । ନିୟମିତ ଓ୍ବିକେଟ ପତନ ପରେ ଭାରତ ପକ୍ଷରୁ ଧ୍ରୁବ ଜୁରେଲ ପାଳି ସମ୍ଭାଳିଛନ୍ତି ।
ରଜତ ପାଟିଦାର (୧୭) ଓ ରବୀନ୍ଦ୍ର ଜାଡେଜା(୧୨)ଙ୍କୁ ଆଉଟ କରି ଭାରତକୁ ବ୍ୟାକଫୁଟକୁ ଠେଲି ଦେଇଥିଲେ । ଆକାଶ ଦୀପ ୯ ରନ କରି ଆଉଟ୍ ହୋଇଛନ୍ତି । ଏବେ ଧ୍ରୁବ ଏବଂ ମହମ୍ମଦ ସିରାଜ ପାଳି ସମ୍ଭାଳିଛନ୍ତି । ଇଂଲଣ୍ଡ ପାଇଁ ଏଯାଏ ବଶିର ୪ଟି, ହାର୍ଟଲୀ ୨ଟି ଓ ଆଣ୍ଡରସନ ଗୋଟିଏ ୱିକେଟ ନେଇଛନ୍ତି।
ଏବେବି ଇଂଲଣ୍ଡ ଠାରୁ ଭାରତ ୬୦ ରନ୍ ପଛରେ ରହିଛି । ଇଂଲଣ୍ଡର ପ୍ରଥମ ପାଳି ୩୫୩ ରନରେ ଶେଷ ହୋଇଥିଲା ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…