ପୁନେ : ବଢ଼ିଆ ବୋଲିଂ ଆଜି ଭାରତକୁ ପ୍ରଥମ ଦିନିକଆରେ ଜିତାଇ ଦେଇଛି । ଆଜି ଇଂଲଣ୍ଡକୁ ୬୬ ରନ୍ରେ ହରାଇ ତିନି ମ୍ୟାଚ୍ ସିରିଜ୍ରେ ୧-୦ରେ ଆଗୁଆ ରହିଛି ଟିମ୍ ଇଣ୍ଡିଆ ।
ପ୍ରଥମେ ବ୍ୟାଟିଂ କରି ଭାରତୀୟ ଦଳ ୫ ଓ୍ଵିକେଟ୍ରେ ୩୧୭ ରନ୍ କରିଥିଲା । ଜବାବରେ ଇଂଲଣ୍ଡ ୨୫୧ ରନ୍ କରି ପାରିଥିଲା । ଦଳ ୪୨.୧ ଓଭରରେ ସମସ୍ତ ଓ୍ଵିକେଟ୍ ହରାଇଥିଲା । ଦଳ ପକ୍ଷରୁ ଓପ୍ନର ଜାସନ୍ ରୟ ୩୫ ବଲ୍ରେ ୪୬, ଜନୀ ବ୍ୟାରିଷ୍ଟୋ ୬୬ ବଲ୍ରେ ୯୪ ରନ୍ (୬ ଚୌକା, ୭ ଛକା) ସ୍କୋର କରିଥିଲେ । ଏହି ଦୁଇ ଓପ୍ନର ୧୪.୨ ଓଭରରେ ୧୩୫ ରନ୍ ଯୋଡ଼ି ଦଳ ପାଇଁ ଭଲ ମୂଳଦୁଆ ତିଆରି କରିଥିଲେ । ହେଲେ ଏଠାରେ ନିଜର ପ୍ରଥମ ମ୍ୟାଚ୍ ଖେଳୁଥିବା ବୋଲର୍ ପ୍ରସିଦ୍ଧ କ୍ରିଷ୍ଣା ଏହି ଯୋଡ଼ିକୁ ଭାଙ୍ଗିଥିଲେ ଜାସନ୍ ରାୟଙ୍କୁ ଆଉଟ୍ କରି । ଏହା ତାଙ୍କର ପ୍ରଥମ ମ୍ୟାଚ୍ର ପ୍ରଥମ ଓ୍ଵିକେଟ୍ ଥିଲା । ଏହାପରେ ପସିଦ୍ଧ ଓ ଶାର୍ଦ୍ଦୁଲ ଠାକୁର ଇଂଲଣ୍ଡର ଗୋଟିଏ ପରେ ଗୋଟିଏ ଓ୍ଵିକେଟ୍ ଖସାଇ ଚାଲିଥିଲେ । ଶତକ ଠାରୁ ଆଉ ମାତ୍ର ୪ ରନ୍ ଦୂରରେ ଥିବା ବେଳେ ବ୍ୟାରେଷ୍ଟୋଙ୍କୁ ଆଉଟ୍ କରିଥିଲେ ଠାକୁର ।
ପରେ ଅଧିନାୟକ ମୋର୍ଗାନ ୨୨ ରନ୍ରେ ବିଦା ହୋଇଥିଲେ । ତଥାପି ରନ୍ ହାର ପୂରା ଟକ୍କରରେ ଚାଲିଥିଲା । ଆଉ ୧୩ ଓଭର୍ ବାକି ଥିବା ବେଳେ ହାତରେ ୪ ଓ୍ଵିକେଟ୍ ଥାଇ ଇଂଲଣ୍ଡକୁ କରିବାକୁ ଥିଲା ୭୮ ରନ୍ । ମୋଇନ୍ ଅଲୀ ଲଢ଼େଇ ଜାରି ରଖିଥିଲେ । ହେଲେ ୩୦ ରନ୍ କରି ସେ ଆଉଟ୍ ହେବା ପରେ ଦଳର ବିଜୟ ଆଶା ମଉଳି ଗଲା ।
ଭାରତ ପକ୍ଷରୁ ଯୁବ ବୋଲର୍ ପ୍ରଦିଶ କ୍ରିଷ୍ଣା ନିଜର ପ୍ରଥମ ମ୍ୟାଚ୍ରେ ୫୪ ରନ୍ ଦେଇ ସର୍ବାଧିକ ୪ଟି ଓ୍ଵିକେଟ୍ ଦଖଲ କରିଛନ୍ତି । ଠାକୁର ୩ଟି ଏବଂ ଭୁବନେଶ୍ୱର କୁମାର ୨ଟି ଓ୍ଵିକେଟ୍ ଅକ୍ତିିଆର କରିଛନ୍ତି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…