ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ ପୂର୍ବରୁ ଟିମ୍ ଇଣ୍ଡିଆକୁ ବଡ ଝଟକା । ଦିନିକିଆ ସିରିଜରୁ ବାଦ୍ ପଡିଲେ ଷ୍ଟାର ବୋଲର ଜସପ୍ରୀତ ବୁମରା । ବୁମରା ଟିମରେ ସ୍ଥାନ ପାଇବା ପାଇଁ ଫ୍ୟାନ୍ସ ଖୁସି ହୋଇଯାଇଥିଲେ । ହେଲେ ଏବେ ତାଙ୍କ ବାଦ୍ ପଡିବା ନେଇ ଫ୍ୟାନ୍ସ ନିରାଶ ରହିଛନ୍ତି । ଗତ ସପ୍ତାହରେ ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ ପାଇଁ ଟିମରେ ବୁମରାଙ୍କୁ ସ୍ଥାନ ମିଳିଥିଲା । ହେଲେ ଏବେ ତାଙ୍କୁ ଟିମରୁ ବାଦ୍ ଦିଆଯାଇଛି। ବିସିସିଆଇ ତରବରିଆ ଭାବେ କିଛି କରିବାକୁ ଚାହୁଁନାହିଁ ।
୨୯ ବର୍ଷୀୟ ବୁମରା ସେପ୍ଟେମ୍ବର ଶେଷରୁ ଟିମରୁ ବାଦ୍ ପଡିଥିଲେ । ଆଘାତ ଯୋଗୁଁ ଏସିଆ କପ୍ ୨୦୨୨ରେ ଟିମରୁ ବାଦ୍ ପଡିଥିଲେ । ପରେ ଅଷ୍ଟ୍ରେଲିଆ ବିପକ୍ଷ ଘରୋଇ ସିରିଜରେ ବୁମରାଙ୍କୁ ସ୍ଥାନ ମିଳିଥିଲା କିନ୍ତୁ ସେ ପୁଣି ଆହତ ହୋଇ ବାଦ୍ ପଡିଛନ୍ତି । ଖାସ୍ ଏଥିପାଇଁ ଟି୨୦ ବିଶ୍ୱକପରୁ ବାଦ୍ ପଡିଥିଲେ । ୧୦ ଜାନୁଆରୀରୁ ଆରମ୍ଭ ହେବାକୁ ଥିବା ଦିନିକିଆ ସିରିଜ ପାଇଁ ଚୟନ ହୋଇଥିଲେ । କିନ୍ତୁ ବିସିସିଆଇ ତାଙ୍କୁ ଦିନିକିଆ ମ୍ୟାଚ ପାଇଁ ଅନଫିଟ ବୋଲି ଘୋଷଣା କରିଛି ।ଫିଟନେସ କାରଣରୁ ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରୁ ବାଦ୍ ପଡିଛନ୍ତି ।
ବିସିସିଆଇ କହିଛି, ବୁମରା ଚୟନକର୍ତ୍ତା ସମିତିର ସୁପାରିଶ କ୍ରମେ ଟିମରେ ସାମିଲ ହୋଇଥିଲେ । କିନ୍ତୁ ଏବେ ବିସିସିଆଇ ଏନସିଏ ସୁପାରିଶ ଆଧାରରେ ଦିନିକିଆ ସିରିଜରେ ନ ଖେଳାଇବା ପାଇଁ ନିଷ୍ପତ୍ତି ନେଇଛି। ଏହି ନିଷ୍ପତ୍ତି ଅଷ୍ଟ୍ରେଲିଆ ବିପକ୍ଷରେ ଆଗାମୀ ମାସରେ ହେବାକୁ ଥିବା ଟେଷ୍ଟ ସିରିଜ ଏବଂ ଅକ୍ଟୋବରରେ ହେବାକୁ ଥିବା ବିଶ୍ୱକପକୁ ଧ୍ୟାନରେ ରଖି ନିଆଯାଇଛି । ବୁମରା ନ୍ୟୁଜିଲାଣ୍ଡ ବିପକ୍ଷରେ ୧୮ ଜାନୁଆରୀରେ ହେବାକୁ ଥିବା ସୀମିତ ଓଭର ସିରିଜରେ ଖେଳିପାରନ୍ତି ।
ବୁମରା ପୂର୍ବରୁ ଦିନିକିଆ ମ୍ୟାଚ ପାଇଁ ଗୌହ୍ଵାଟୀ ଆସିନାହାନ୍ତି । ତେବେ ଶ୍ରୀଲଙ୍କା ଟି-୨୦ ସିରିଜରୁ ବାଦ୍ ପଡିଥିବା ରୋହିତ ଶର୍ମା, କେଏଲ ରାହୁଲ, ବିରାଟ କୋହଲି ଏବଂ ଶ୍ରେୟସ ଆୟରଙ୍କ ଭଳି ଖେଳାଳି ଦିନିକିଆ ଟିମରେ ସାମିଲ ହୋଇଛନ୍ତି ।
ଟିମ୍ ଇଣ୍ଡିଆ ଶ୍ରୀଲଙ୍କା ବିପକ୍ଷ ଟି-୨୦ ସିରିଜ ସରିବା ପରେ ୧୦ ଜାନୁଆରୀରୁ ଦିନିକିଆ ମ୍ୟାଚ୍ ବରସାପାରା କ୍ରିକେଟ ଷ୍ଟାଡିୟମରେ ଖେଳାଯିବ। ତା’ ପରେ କଲିକତାର ଇଡେନ ଗାର୍ଡେନର ୧୨ ଜାନୁଆରୀ ଏବଂ ତୃତୀୟ ମ୍ୟାଚ୍ ୧୫ ଜାନୁଆରୀକୁ ତିରୁଅନନ୍ତପୁରମର ଗ୍ରୀନଫିଲ୍ଡ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯିବ ।
ଟିମ୍ ଇଣ୍ଡିଆର ସମ୍ଭାବ୍ୟ ଏକାଦଶ : ରୋହିତ ଶର୍ମା(ଅଧିନାୟକ), ଶୁଭମନ ଗିଲ୍, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟର, କେଏଲ ରାହୁଲ(ଓ୍ଵିକେଟ କିପର), ଈଶାନ କିଶନ, ହାର୍ଦ୍ଦିକ ପାଣ୍ଡ୍ୟା, ଓ୍ଵାଂଶିଟନ ସୁନ୍ଦର, ଯୁଜବେନ୍ଦ୍ର ଚହଲ, କୁଲଦୀପ ଯାଦବ, ଅକ୍ଷର ପଟେଲ, ମହମ୍ମଦ ସିରାଜ, ଉମ୍ରାନ ମଲ୍ଲିକ ଏବଂ ଅର୍ଶଦୀପ ସିଂ ।
ଫିଲ୍ମ ଇଣ୍ଡଷ୍ଟ୍ରୀର ପ୍ରମୁଖ ଅଭିନେତ୍ରୀମାନଙ୍କ ମଧ୍ୟରୁ ଆଲିଆ ଭଟ୍ଟ ଅନ୍ୟତମ। ଫିଲ୍ମରେ ତାଙ୍କର ଉତ୍କୃଷ୍ଟ ଅଭିନୟ ସହିତ ଆଲିଆ ଲୋକଙ୍କ…
ଭୁବନେଶ୍ୱର : ନୂଆ ବିଧାୟକଙ୍କ ଶପଥ ପାଠ ପାଇଁ ବିଧାସଭା ପ୍ରସ୍ତୁତ। ସୁରକ୍ଷା ବ୍ୟବସ୍ଥା ଯାଞ୍ଚ କରିଛନ୍ତି ପୋଲିସ ଡିଜି…
ଖାଦ୍ୟରୁ ବାହାରିଲା ମଲା ସାପ । ଏମିତି ଅଭିଯୋଗ ଆଣିଛନ୍ତି ବିହାରର ଏକ ଇଞ୍ଜିନିୟରିଂ କଲେଜର ଛାତ୍ରଛାତ୍ରୀ । ବିହାରର…
ରାଜ୍ୟର ପ୍ରତି ମହିଳାଙ୍କୁ ମିଳିବ ୫୦ହଜାର ଟଙ୍କା । ମଧ୍ୟପ୍ରଦେଶ ଓ ଛତିଶଗଡରେ ସଫଳ ହୋଇଥିବା ଯୋଜନା ଏବେ ଓଡିଶାରେ…
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…