ଆଇପିଏଲ୍୨୦୨୩ର ଫାଇନାଲ ମ୍ୟାଚ୍ ରୋମାଞ୍ଚ ଭରା ରହିଥିଲା । ଫାଇନାଲ ମ୍ୟାଚ୍ ପାଇଁ ଫ୍ୟାନ୍ସ ଯେମିତି ରୋମାଞ୍ଚିତ ହୋଇ ରହିଥିଲେ, ସେଭଳି ମ୍ୟାଚ୍ ହୋଇଥିଲା । ଶେଷ ଦୁଇ ବଲରେ ସଂପୂର୍ଣ୍ଣ ମ୍ୟାଚର ଭାଗ୍ୟ ପରିବର୍ତ୍ତନ ହୋଇଯାଇଥିଲା । ରବୀନ୍ଦ୍ର ଜାଡେଜାଙ୍କ ଛକା ଏବଂ ଚଉକା ଗୁଜରାଟ ଟାଇଟନ୍ସ ଠାରୁ ବିଜୟ ଚଢାଇ ଆଣିଥିଲା । ଗୁଜରାଟ ଟାଇଟନ୍ସର ଶେଷ ଓଭର ବୋଲର ମୋହିତ ଶର୍ମା ବୋଲିଂ କରୁଥିଲେ । ଆଉ ମ୍ୟାଚ ସରିବା ପରେ ରାତି ସାରା ଶୋଇପାରିନଥିଲେ ମୋହିତ ।
ଚେନ୍ନାଇ ଏବଂ ଗୁଜରାଟ ମଧ୍ୟରେ ଚାଲିଥିବା ଫାଇନାଲ ମ୍ୟାଚର ଶେଷ ଓଭର ଗୁଜରାଟ ବୋଲର ମୋହିତ ଶର୍ମା ପକାଇଥିଲେ । ଆଉ ଚେନ୍ନାଇ ଜିତିବା ପରେ ଶେଷ ଓଭର ବୋଲିଂ କରିଥିବା ମୋହିତ ନିଜର ଅନୁଭୂତି ସେୟାର କରିଛନ୍ତି । ସେ କହିଛନ୍ତି, ‘ ମୁଁ ସେ ରାତିରେ ଶୋଇପାରିନଥିଲି । କେମିତି ବୋଲିଂ କରିଥିଲେ ଆମେ ମ୍ୟାଚ ଜିତିପାରିଥାନ୍ତୁ, ସେ ବିଷୟରେ ରାତି ସାରା ଭାବୁଥିଲି । ମୋତେ ବହୁତ କଷ୍ଟ ଲାଗିଲା । କିନ୍ତୁ ସବୁକିଛି ଭୁଲି ଆଗକୁ ବଢିବାକୁ ଚେଷ୍ଟା କରୁଛି ।
ମୋହିତ ଶର୍ମାଙ୍କ ଶେଷ ବୋଲର ରବୀନ୍ଦ୍ର ଜାଡେଜା ଚଉକା ମାରି ଚେନ୍ନାଇଙ୍କୁ ଟ୍ରଫି ଜିତାଇଥିଲେ । ଏହାକୁ ନେଇ ମୋହିତ କହିଛନ୍ତି, ଜାଡେଜା ଯେଉଁ ବଲ୍ରେ ଚଉକା ମାରିଥିଲେ, ସେ ବଲ୍ ୟର୍କର ପକାଇବାକୁ ଶତ ପ୍ରତିଶତ ଚେଷ୍ଟା କରିଥିଲି । କିନ୍ତୁ ଏମିତି ହେଲାନି । ବଲ୍ ଯେଉଁଠି ପଡିବା କଥା ପଡିଲା ନାହିଁ ଆଉ ଜାଡେଜା ଏହାର ଫାଇଦା ଉଠାଇଥିଲେ ।
ସୂଚନାଯୋଗ୍ୟ, ଆଇପିଏଲ୍ ୨୦୨୩ ଫାଇନାଲ ମ୍ୟାଚରେ ଚେନ୍ନାଇ ସୁପର କିଙ୍ଗସ ୫ମ ଟାଇଟଲ ବାଜି ମାରିନେଇଥିଲା । ଶେଷ ଓଭରେ ୧୩ ରନ୍ ଦରକାର ଥିବା ବେଳେ ଗୁଜରାଟ ଟାଇଟନ୍ସ ବୋଲର ମୋହିତ ଶର୍ମା ପ୍ରଥମ ୪ଟି ବଲ ୟର୍କର ପକାଇ ମାତ୍ର ୩ ରନ୍ ଦେଇଥିଲେ। ଆଉ ଶେଷ ଦୁଇ ବଲରେ ୧୦ ରନ୍ ଦରକାର ଥିଲା । ୫ମ ବଲରେ ଜାଡେଜା ଛକା ଏବଂ ୬ଷ୍ଠ ବଲରେ ଚଉକା ମାରି ଚେନ୍ନାଇକୁ ଟାଇଟଲ ଜିତାଇଥିଲେ ।
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…
ସାଂସଦ ଅମରାରାମ ଦିଲ୍ଲୀ ରାଜସ୍ଥାନ ହାଉସରୁ ସଂସଦ ପାଇଁ ଟ୍ରାକ୍ଟରରେ ଯାତ୍ରା କରିଛନ୍ତି । ନିଜର ଦେଶୀ ରାଜସ୍ଥାନ ଅନ୍ଦାଜରେ…
ସୁବର୍ଣ୍ଣପୁର : ସାପ କାମୁଡାରେ ସାପ ଧରାଳୀର ମୃତ୍ୟୁ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଆଜି ଘଟିଯାଇଛି ଏଭଳି ଏକ…
ଦେଶର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ ଏୟାରଟେଲ୍ ଏହାର ଉନ୍ନତ କନେକ୍ଟିଭିଟି ପାଇଁ ବେସ ଜଣାଶୁଣା । ଦେଶର ଦୂରବର୍ତ୍ତୀ…
ପୂର୍ବତନ ଭାରତୀୟ କ୍ରିକେଟର ତଥା କମେଣ୍ଟେଣ୍ଟର ଇରଫାନ ପଠାନଙ୍କ ମେକଅପ ଆର୍ଟିଷ୍ଟଙ୍କ ମୃତ୍ୟୁ । ସୁଇମିଂ ପୁଲରେ ବୁଡ଼ି ଯିବାରୁ…