ଭୁବନେଶ୍ୱର (କେ ନ୍ୟୁଜ୍) : ଆୟୋଜକ ଭାରତ ହକି ବିଶ୍ୱ କପ୍ କ୍ୱାର୍ଟରଫାଇନାଲ୍ରେ ନେଦରଲାଣ୍ଡସକୁ ଭେଟିବ । କଳିଙ୍ଗ ଷ୍ଟାଡିୟମରେ ଆୟୋଜିତ ହକି ମହାକୁମ୍ଭର ଆଜି ଚତୁର୍ଥ କ୍ରସ୍ଓଭର୍ ମ୍ୟାଚ୍ରେ ନେଦରଲାଣ୍ଡସ କାନାଡ଼ାକୁ ୫-୦ ଗୋଲ୍ରେ ପରାସ୍ତ କରି କ୍ୱାର୍ଟରଫାଇନାଲ୍ରେ ପହଞ୍ଚିଛି ।
ମଧ୍ୟାନ୍ତର ପୂର୍ବରୁ ୧୬ ମିନିଟ୍ରେ ଲାର୍ସ ବାକ୍ ଓ ୨୦ ମିନିଟ୍ରେ ରବର୍ଟ କେମ୍ପରମ୍ୟାନ୍ ଗୋଟିଏ ଲେଖାଏଁ ଗୋଲ୍ ଦେଇ ଦଳକୁ ୨-୦ରେ ଆଗେଇ ନେଇଥିଲେ । ବିରତି ପରେ ମଧ୍ୟ ନେଦରଲାଣ୍ଡସର ପ୍ରଭାବ ଜାରି ରହିଥିଲା । ୪୦ ମିନିଟ୍ରେ ଭାନ୍ ଡାନ୍ ଦଳ ପକ୍ଷରୁ ତୃତୀୟ ଗୋଲ୍ ସ୍କୋର କରିଥିଲେ । ପୁଣି ତୁରନ୍ତ ଆଉ ଗୋଟିଏ ଗୋଲ୍ ଦେଇଥିଲେ ଥିଏରୀ ବ୍ରିଙ୍କମ୍ୟାନ୍ । ଯାହାଫଳରେ ଦଳ ତୃତୀୟ କ୍ୱାର୍ଟର ଖେଳ ଶେଷ ବେଳକୁ ୪-୦ରେ ପହଞ୍ଚିଥିଲା । ମ୍ୟାଚ୍ର ୪୮ତମ ମିନିଟ୍ରେ ଭାନ୍ଡାମ୍ ଆଉ ଗୋଟିଏ ଗୋଲ୍ ଦେଇ ଦଳକୁ ୫-୦ରେ ଜିତାଇଥିଲେ ।
ବିଶ୍ୱ ମାନ୍ୟତାରେ ଚତୁର୍ଥ ସ୍ଥାନରେ ଥିବା ନେଦରଲାଣ୍ଡସ ଗୁରୁବାର ଦିନ ପାଞ୍ଚ ନମ୍ବର ଟିମ୍ ଭାରତକୁ କ୍ୱାର୍ଟରଫାଇନାଲ୍ରେ ମୁକାବିଲା କରିବ । ପୁଲ୍ ‘ସି’ରେ ଭାରତ ଶୀର୍ଷ ସ୍ଥାନ ଅଧିକାର କରି ସିଧାସଳଖ କ୍ୱାର୍ଟର ଫାଇନାଲ୍କୁ ଯାଇଥିବା ବେଳେ ପୁଲ୍ ‘ଡି’ର ଦ୍ୱିତୀୟ ଦଳ ଭାବେ ନେଦରଲାଣ୍ଡସ୍କୁ କ୍ରସ୍ଓଭର ମ୍ୟାଚ୍ ଖେଳିବାକୁ ପଡ଼ିଥିଲା । ବିଶ୍ୱ କପ୍ରେ ନେଦରଲାଲାଣ୍ଡସ୍ ତିନିଥର ଚାମ୍ପିଅନ୍ ହୋଇଥିବା ବେଳେ ଭାରତ ଥରେ ଚାମ୍ପିଅନ୍ ହୋଇଛି । ଏଥର ସେମିଫାଇନାଲ୍ରେ ପହଞ୍ଚି ଟାଇଟଲ୍ ଜିତିବା ଲକ୍ଷ୍ୟରେ ରହିଛି । ତେବେ ଟାଇଟଲ୍ ଜିତିବାକୁ ହେଲେ କ୍ୱାର୍ଟରଫାଇନାଲ୍ରେ ପୂରା ଦମ୍ ଲଗାଇ ‘କର ବା ମର’ ମ୍ୟାଚ୍ ଭାବି ଖେଳିବାକୁ ପଡ଼ିବ ବୋଲି ଭାରତୀୟ ଦଳର ଅଧିନାୟକ ମନପ୍ରୀତ ସିଂହ କହିଛନ୍ତି ।
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…