Photo credit: InsideSport.IN
ଭାରତରେ ଅନୁଷ୍ଠିତ ହେବାକୁ ଥିବା ସାଉଥ ଏସିଆନ ଫୁଟବଲ ଫେଡେରେସନ (SAFF)ଫୁଟବଲ ଚାମ୍ପିଅନସିପ୍ ପାଇଁ ପାକିସ୍ତାନ ଫୁଟବଲ ଦଳକୁ ଶେଷରେ ଭିସା ମିଳିଛି। ଜୁନ୍ ୨୧ ତାରିଖରେ ଭାରତ ବିପକ୍ଷ ପ୍ରଥମ ମ୍ୟାଚ୍ ଖେଳିବ ପାକିସ୍ତାନ । ତା’ ପୂର୍ବରୁ ଭାରତରେ ପହଞ୍ଚିଛି ଟିମ୍ । ଏହି ମ୍ୟାଚ୍ ଶ୍ରୀକାଣ୍ଟେରାଭା ଷ୍ଟାଡିୟମରେ ସନ୍ଧ୍ୟା ୭.୩୦ ରୁ ଖେଳାଯିବ।
ଟୁର୍ଣ୍ଣାମେଣ୍ଟର ଆୟୋଜନ ଭାରତ କରୁଛି । ଭାରତ ସହିତ ପାକିସ୍ତାନ, କୁଏତ ଏବଂ ନେପାଳ ଟିମ୍ କୁ ଗ୍ରୁପ୍ ଏରେ ରଖାଯାଇଛି । ଗ୍ରୁପ୍ ବିରେ ବାଂଲାଦେଶ, ଲେବନାନ, ଭୁଟାନ ଏବଂ ମାଳଦ୍ବୀପ ଟିମ୍ ସାମିଲ ରହିଛି ।
ସୂଚନାଯୋଗ୍ୟ, ପାକିସ୍ତାନ ଟିମ୍ ରବିବାର ଦିନ ଭାରତ ଆସିବାର ଥିଲା କିନ୍ତୁ ଭିସା ମିଳିଲାନି ବୋଲି ଟିମ୍ ଆସିପାରିନଥିଲା । ପାକିସ୍ତାନ ଟିମକୁ ସୋମବାର ସନ୍ଧ୍ୟାରେ ଭିସା ମିଳିଥିଲା । ତେଣୁ ଟିମ ଆଜି ଆସି ଭାରତରେ ପହଞ୍ଚିଛି ।
କେଏସଏଫଏର ଜଣେ ଅଧିକାରୀ କହିଛନ୍ତି, “ଆମେ ଜାଣିବାକୁ ପାଇଲୁ ଯେ ପାକିସ୍ତାନ ଦଳକୁ ଭିସା ମିଳିଛି। ଏହି ମ୍ୟାଚ୍ ପାଇଁ ସମସ୍ତ ଟିକେଟ୍ ବିକ୍ରି କରାଯିବ ।
ତେବେ ଭାରତୀୟ ଫେଡେରେଶନ କହିଛି ଯେ, ପାକିସ୍ତାନ ଟିମ୍ ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକୁ ଠିକ ସମୟରେ ଦାଖଲ କରି ନାହିଁ ବୋଲି ଭିସା ଦେବାରେ ବିଳମ୍ବ ହୋଇଥିଲା । ଏହାର ଫାଇନାଲ ମ୍ୟାଚ ଜୁଲାଇ ୪ ତାରିଖରେ ଖେଳାଯିବ ।
ତେବେ ଟିମ୍ ଇଣ୍ଡିଆ ଅଗଷ୍ଟରେ ପାକିସ୍ତାନ ସହିତ ଏସିଆ କପ୍ ଖେଳିବ । ଏହାର ଆରମ୍ଭ ୩୧ ଅଗଷ୍ଟରୁ ଆରମ୍ଭ ହେବ । ଫାଇନାଲ ମ୍ୟାଚ୍ ୧୭ ସେପ୍ଟେମ୍ବରରେ ଖେଳାଯିବ । ଏହି ଟୁର୍ଣ୍ଣାମେଣ୍ଟରେ ୪ଟି ମୁକାବିଲା ପାକିସ୍ତାନରେ ଖେଳାଯିବାକୁ ଥିବା ବେଳେ ବାକି ୯ଟି ମ୍ୟାଚ୍ ଶ୍ରୀଲଙ୍କାରେ ଖେଳାଯିବ । ଭାରତର ସବୁ ମ୍ୟାଚ୍ ଶ୍ରୀଲଙ୍କାରେ ହେବ ।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…