Photo credit: NDTV Sports
ଜୋହାନ୍ସବର୍ଗରେ ଖେଳାଯାଉଥିବା ଦ୍ୱିତୀୟ ଟେଷ୍ଟ ମ୍ୟାଚକୁ ସହଜରେ ଜିତିନେଇଛି ସାଉଥଆଫ୍ରିକା। ଟିମ୍ ଇଣ୍ଡିଆର ଅପରାଜେୟ ଧାରା ଭାଙ୍ଗିଛି ସାଉଥ ଆଫ୍ରିକା। ସାଉଥ ଆଫ୍ରିକା ଡିନ୍ ଏଲଗାରଙ୍କ ଦମଦାର ଇନିଂସ ବଳରେ ଦକ୍ଷିଣ ଆଫ୍ରିକା ଦ୍ୱିତୀୟ ଟେଷ୍ଟରେ ଭାରତକୁ ୭ ୱିକେଟରେ ପରାସ୍ତ କରିଛି। ଏହି ବିଜୟ ସହ ଦକ୍ଷିଣ ଆଫ୍ରିକା ତିନିମ୍ୟାଚ୍ ବିଶିଷ୍ଟ ସିରିଜକୁ ୧-୧ରେ ବରାବର କରିଛି।
ଭାରତ ଦ୍ୱାରା ଧାର୍ଯ୍ୟ ୨୪୦ ରନର ବିଜୟଲକ୍ଷ୍ୟକୁ ଦକ୍ଷିଣ ଆଫ୍ରିକା ମାତ୍ର ୩ ୱିକେଟ୍ ହରାଇ ହାସଲ କରିନେଇଛି। ବର୍ଷା ଯୋଗୁ ଚତୁର୍ଥ ଦିବସର ଖେଳ ବିଳମ୍ବ ହୋଇଥିଲା। ପ୍ରବଳ ବର୍ଷା ପାଇଁ ପାଖାପାଖି ୬ ଘଣ୍ଟା ଖେଳ ବନ୍ଦ ହୋଇଥିଲା। ପରେ ଯେତେବେଳେ ଖେଳ ଆରମ୍ଭ ହେଲା, ଲାଗୁଥିଲା ଭାରତ ମ୍ୟାଚରେ କମବ୍ୟାକ୍ କରିବ। କିନ୍ତୁ ଦକ୍ଷିଣ ଆଫ୍ରିକାର ଦୁଇ ଅପରାଜିତ ବ୍ୟାଟ୍ସମ୍ୟାନ୍ ଜବରଦସ୍ତ ବ୍ୟାଟିଂ କରିଥିଲେ। ଫଳରେ ମ୍ୟାଚକୁ ହାତଛଡା କରିଥିଲା ଟିମ୍ ଇଣ୍ଡିଆ। ଏଲଗାର ଓ ରାସି ଭାନ୍ ଡର୍ ଡୁସେନ୍ ତୃତୀୟ ୱିକେଟ୍ ପାଇଁ ୮୨ ରନର ମହତ୍ତ୍ୱପୂର୍ଣ୍ଣ ଭାଗିଦାରୀ କରିଥିଲେ।
ଦଳ ପକ୍ଷରୁ ଆଇଡେନ୍ ମାର୍କରମ୍ ୩୧ ରନ କରିଥିବା ବେଳେ ଅଧିନାୟକ ଡିନ୍ ଏଲ୍ଗାର ଅପରାଜିତ ୯୬ରନ କରି ଦଳକୁ ବିଜୟୀ କରାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ଯାହା ଫଳରେ ୩ଟିକିଆ ଟେଷ୍ଟ ସିରିଜ୍ ୧-୧ରେ ବରାବର ହୋଇଯାଇଛି । ଦକ୍ଷିଣ ଆଫ୍ରିକା ପକ୍ଷରୁ କେଗାନ୍ ପିଟରସେନ୍ ୨୮ ରନ କରିଥିବା ବେଳେ, ରାସେ ଭାନ୍ ଡର୍ ଦୁସେନ୍ ୪୦ ରନ କରି ଆଉଟ ହୋଇଛନ୍ତି । ତେମ୍ବା ବାଭୁମା ୨୩ ରନ କରି ନଟ୍ଆଉଟ ଅଛନ୍ତି । ଭାରତ ପକ୍ଷରୁ ଶାମି, ଶାର୍ଦ୍ଦୁଲ ଠାକୁର ଓ ରବିଚନ୍ଦ୍ରନ୍ ଅଶ୍ୱିନ ଗୋଟିଏ ଲେଖାଏ ୱିକେଟ ନେଇଥିଲେ।
ଭାରତ ପ୍ରଥମ ଇନିଂସରେ ୨୦୨ ରନ୍ କରି ଅଲଆଉଟ୍ ହୋଇଥିଲା। କିନ୍ତୁ ଭାରତର ଘାତକ ବୋଲିଂକୁ ସାମ୍ନା କରିନପାରି ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୨୨୯ ରନ୍ କରି ଅଲଆଉଟ୍ ହୋଇଥିଲା। ପ୍ରଥମ ଇନିଂସରେ ୨୭ ରନରେ ପଛୁଆ ଥିବା ଭାରତ ଖେଳ ଆରମ୍ଭ କରି ତୃତୀୟ ଦିନରେ ୨୩୯ ରନ୍ କରି ଟାର୍ଗେଟ ଦେଇଛି।
ଭାରତ ପକ୍ଷରୁ ଅଜିଙ୍କ୍ୟ ରାହାଣେ ସର୍ବାଧିକ ୫୮ ରନ୍ କରିଥିଲେ। ପରେ ପୂଜାରା ମଧ୍ୟ ୫୩ ରନ୍ କରି ଆଉଟ୍ ହୋଇଥିଲେ। ମୟଙ୍କ ଅଗ୍ରଓ୍ଵାଲ ୨୩ ରନ୍ ଏବଂ କେଏଲ ରାହୁଲ ୮ ରନ୍ କରି ପ୍ୟାଭିଲିଅନ ଫେରିଥିଲେ। ଅଶ୍ୱିନ ୧୬ ରନ୍ ଏବଂ ଠାକୁର ୨୮ ରନ୍ ଆଉଟ୍ ହୋଇଥିଲେ। ସାଉଥ ଆଫ୍ରିକା ଟିମ୍ ପକ୍ଷରୁ କାଗିସୋ ରାବଡା,ଲୁଙ୍ଗି ନିଗଡି, ମାକ୍ରୋ ଜାନସେନ୍ ୩ଟି ଓ୍ଵିକେଟ ନେଇଥିଲେ।
ଟିମ୍ ଇଣ୍ଡିଆ ପ୍ରଥମ ଇନିଂସରେ ୨୦୨ ରନରେ ଅଲଆଉଟ ହୋଇଯିବା ପରେ ପ୍ରଥମ ଇନିଂସରେ ଦ.ଆଫ୍ରିକା ୨୨୯ରନ କରିବାକୁ ସକ୍ଷମ ହୋଇଥିଲା । ଶାର୍ଦ୍ଦୁଲ ଠାକୁରଙ୍କ ଘାତକ ବୋଲିଂର ସାମ୍ନା କରିନପାରି ଧରାଶୟୀ ହୋଇଥିଲା ଘରୋଇ ଟିମ୍ । ୧୭.୫ ଓଭରରେ ୬୧ରନ ଦେଇ ୭ ଓ୍ଵିକେଟ ନେଇଥିଲେ ଶାର୍ଦ୍ଦୁଲ ।
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…