ଆଇପିଏଲରେ ଇତିହାସ ରଚିଛି ସନ୍ ରାଇଜର୍ସ ହାଇଦ୍ରାବାଦ, ମୁମ୍ବାଇ ବିପକ୍ଷରେ ୨୭୭ ରନର କଲା ବିଶାଳ ସ୍କୋର

(କେନ୍ୟୁଜ): IPLରେ ବିଶାଳ ସ୍କୋର । ଇତିହାସ ରଚିଛି ସନ୍ ରାଇଜର୍ସ ହାଇଦ୍ରାବାଦ । ପାଞ୍ଚ ଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଦଳ ନିର୍ଦ୍ଧାରିତ ୨୦ ଓଭରରେ ମାତ୍ର ୩ ୱିକେଟ ହରାଇ କରିଛି ୨୭୭ ରନ୍  । ୨୦୦୮ରେ ଆଇପିଏଲ୍ ଆରମ୍ଭ ହେବା ପରଠାରୁ ଏହା ସର୍ବାଧିକ ସ୍କୋର ।

ଏହାପୂର୍ବରୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୨୦୧୩ରେ ପୁଣେ ୱାରିୟର୍ସ ବିପକ୍ଷରେ ୨୬୩ ରନ୍ ସ୍କୋର କରିଥିଲା । ଫଳରେ ୧୧ ବର୍ଷ ତଳର ରେକର୍ଡ ଭାଙ୍ଗିଛି, ସନ୍ ରାଇଜର୍ସ ହାଇଦ୍ରାବାଦ । ଅଭିଷେକ ଶର୍ମାଙ୍କ ୧୬ ବଲ୍ ରେ ୫୦ ରନ୍ କରିଥିବାବେଳେ ଟ୍ରାଭିସ୍ ହେଡ୍ ୧୮ ବଲରେ ଅର୍ଦ୍ଧଶତକ ହାସଲ କରିଥିଲେ । ସବୁଠୁ ଗୁରୁତ୍ବପୂର୍ଣ୍ଣ ଥିଲା ହେନରିକ୍ କ୍ଲାସେନଙ୍କ ଅପରାଜିତ ୮୦ ରନ୍ । ସବୁଠାରୁ ଗୁରୁତ୍ବପୂର୍ଣ୍ଣ ହେଲା ହାଇଦ୍ରାବାଦ୍ ମାତ୍ର ୧୦ ଓଭରରେ ଦଳ ୧୪୮ ରନ୍ ହାସଲ । ଯାହାକି ଆଇପିଏଲ୍ ଇତିହାସରେ ସର୍ବାଧିକ । ସେପଟେ ଆଜି ଆଇପିଏଲରେ ରହିଛି ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ କ୍ୟାପିଟାଲ ଭିତରେ ଲଢେଇ ।