ଅଷ୍ଟ୍ରେଲିଆ ବିପକ୍ଷ ଟି୨୦ ସିରିଜ ପାଇଁ ଭାରତୀୟ ଟିମ୍ ଘୋଷଣା ହୋଇଛି । ଏହି ସିରିଜ ପାଇଁ ସୂର୍ଯ୍ୟକୁମାର ଯାଦବଙ୍କୁ ଟିମର ଅଧିନାୟକ ଦାୟିତ୍ୱ ଦିଆଯାଇଛି । ଏହି ସିରିଜର ୫ଟି ଟି-୨୦ ମ୍ୟାଚ ଖେଳାଯିବ । ଭାରତର ନେତୃତ୍ୱ ନେଇଥିବା ଋତୁରାଜ ଗାଏକ୍ୱାଡ ଉପ ଅଧିନାୟକ ପଦରେ ରହିବେ । ଏହାପରେ ଶେଷ ଦୁଇ ମ୍ୟାଚରେ ଟିମ୍ ସହିତ ଶ୍ରେୟସ ଆୟର ଉପଅଧିନାୟକ ଦାୟିତ୍ୱରେ ରହିବେ ।
ଏହି ସିରିଜ ପାଇଁ ବିଶ୍ୱକପରେ ଥିବା ଅଧିକାଂଶ ଖେଳାଳିଙ୍କୁ ବିଶ୍ରାମ ଦିଆଯାଇଛି । ସୂର୍ଯ୍ୟକୁମାର ଯାଦବ ଅଧିନାୟକତ୍ୱ ଦାୟିତ୍ୱରେ ରହିବେ । ସେହିପରି ଋତୁରାଜ ଗାଏକ୍ୱାଡ ଉପଅଧିନାୟକ ଦାୟିତ୍ୱ ଦିଆଯାଇଛି । ସେହିପରି ଶେଷ ଦୁଇଟି ମ୍ୟାଚ ପାଇଁ ଉପ ଅଧିନାୟକ ଦାୟିତ୍ୱ ଶ୍ରେୟସ ଆୟର ସମ୍ଭାଳିବେ । ସୂର୍ଯ୍ୟ କୁମାର ଏବେ ଟି-୨୦ରେ ୧ନଂ ବ୍ୟାଟର । ସେ ପ୍ରଥମଥର ପାଇଁ ଭାରତର ଅଧିନାୟକ ହୋଇଛନ୍ତି ।
୩୨ ବର୍ଷୀୟ ସୂର୍ଯ୍ୟକୁମାର ଯାଦବ ଭାରତ ପାଇଁ ଏପର୍ଯ୍ୟନ୍ତ ୫୩ ଟି-୨୦ ମ୍ୟାଚ ଖେଳିଛନ୍ତି । ଯେଉଁଥିରେ ୪୬.୦୨ ପ୍ରତିଶତରେ ୧୭୨.୭ ଷ୍ଟ୍ରାଇକ ରନ ରେଟରେ ୧୮୪୧ ରନ୍ କରିଛନ୍ତି । ତେବେ ଏହି ସିରିଜ ପାଇଁ ୨୩ ନଭେମ୍ବରରୁ ପ୍ରଥମ ଟି୨୦ ମ୍ୟାଚ୍ ବିଶାଖାପାଟନମରେ ଖେଳାଯିବ । ସେହିପରି ୨୬ ନଭେମ୍ବରେ ଦ୍ୱିତୀୟ ମ୍ୟାଚ ତିରୁଅନନ୍ତମପୁରମ, ନଭେମ୍ବର ୨୮ରେ ଗୌହ୍ଵାଟୀରେ ୩ୟ ମ୍ୟାଚ, ଡିସେମ୍ବର ୧ ରାୟପୁରରେ ଚତୁର୍ଥ ମ୍ୟାଚ ଏବଂ ଡିସେମ୍ବର ୩ ତାରିଖରେ ଶେଷ ଟି-୨୦ ମ୍ୟାଚ ବେଙ୍ଗାଲୁରୁରେ ଖେଳାଯିବ ।
ୱିକେଟ କିପର ଭାବେ ଦଳରେ ଜିତେଶ ଶର୍ମାଙ୍କ ସହ ଈଶାନ କିଶନ ରହିଛନ୍ତି । ସଞ୍ଜୁ ସାମସନ ଟି-୨୦ ସିରିଜରେ ସୁଯୋଗ ପାଇ ନାହାନ୍ତି । ଏସିଆ ଗେମ୍ସରେ ଭାରତ ପାଇଁ କ୍ରିକେଟରେ ସ୍ୱର୍ଣ୍ଣ ଜିତିଥିବା ପ୍ରାୟ ସବୁ ଖେଳାଳି ଅଷ୍ଟ୍ରେଲିଆ ବିପକ୍ଷ ସିରିଜ ପାଇଁ ଘୋଷଣା ହୋଇଥିବା ସ୍କ୍ୱାଡରେ ରହିଛନ୍ତି ।
ଭାରତୀୟ ସ୍କ୍ୱାଡ: ସୂର୍ଯ୍ୟ କୁମାର ଯାଦବ(ଅଧିନାୟକ), ଋତୁରାଜ ଗାଏକ୍ୱାଡ(ଉପ ଅଧିନାୟକ), ଈଶାନ କିଶନ, ଯଶସ୍ୱୀ ଜୈସୱାଲ, ତିଲକ ବର୍ମା, ରିଙ୍କୁ ସିଂହ, ଜିତେଶ ଶର୍ମା, ୱାଶିଂଟନ ସୁନ୍ଦର, ଅକ୍ଷର ପଟେଲ, ଶିବମ ଦୁବେ, ରବି ବିଷ୍ଣୋଇ, ଅର୍ଶଦୀପ ସିଂହ, ପ୍ରସିଦ୍ଧ କୃଷ୍ଣ, ଆବେଶ ଖାନ ଓ ମୁକେଶ କୁମାର ।
ଭୁବନେଶ୍ୱର (କେନ୍ୟୁଜ): ଆଗାମୀ ୩ ରୁ ୪ ଦିନ ମଧ୍ୟରେ ଓଡ଼ିଶାର ସବୁ ଜିଲ୍ଲାକୁ ଛୁଇଁବ ମୌସୁମୀ । ସୁନ୍ଦରଗଡ଼…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୦ ଟଙ୍କା ୯୨ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
ଟି-ଟ୍ବେଣ୍ଟି ବିଶ୍ବକପ୍ ରେ ବାଂଲାଦେଶକୁ ହରାଇ ସୁପର-୮ରେ ଭାରତର କ୍ରମାଗତ ବିଜୟ । ବାଂଲାଦେଶକୁ ୫୦ ରନରେ ପରାସ୍ତ କରି…
ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…
ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…