(କେନ୍ୟୁଜ): ଟି ୨୦ ବିଶ୍ବକପରେ ଗତକାଲି ଆମେରିକାକୁ ୭ ୱିକେଟରେ ହରାଇ ସୁପର ଏଇଟରେ ପ୍ରବେଶ କରିଛି ଭାରତ । ୧୧୧ ରନର ବିଜୟ ଲକ୍ଷ୍ୟକୁ ଟିମ୍ ଇଣ୍ଡିଆ ୩ ୱିକେଟ୍ ହରାଇ ୧୮ ଓଭର ଓ ଦୁଇଟି ବଲରେ ହାସଲ କରି ନେଇଥିଲା । ତେବେ ମ୍ୟାଚଟି ଏକତରଫା ଜଣାପଡୁଥିଲେ ମଧ୍ୟ ବାରତ ପାଇଁ ବିଜୟ ଏତେ ସହଜ ନଥିଲା । ପ୍ରଥମ ମ୍ୟାଚରେ ପାକିସ୍ତାନକୁ ହରାଇ ଥିବା ଆୟୋଜକ ଆମେରିକା ଭଲ ଲଢ଼େଇ କରିଥିଲା । ପ୍ରଥମେ ବ୍ୟାଟିଂ କରି ଆମେରିକା ୨୦ ଓଭରରେ ୮ ୱିକେଟ ହରାଇ ୧୧୦ ରନ୍ କରିଥିଲା । ଏନଆର କୁମାର ସର୍ବାଧିକ ୨୭ ଏବଂ ଷ୍ଟିଭେନ ଟେଲର ୨୪ ରନ୍ କରିଥିଲେ । ଏହି ମ୍ୟାଚରେ ଭାରତର ପ୍ରମୁଖ ପେସ୍ ବୋଲର ଯଶପ୍ରୀତ ବୁମରା ଖେଳି ନଥିଲେ ମଧ୍ୟ ଅର୍ଶଦୀପ ସିଂହ ମାତ୍ର ୯ ରନ୍ ଦେଇ ୪ଟି ୱିକେଟ ନେଇଥିଲେ ।
ହାର୍ଦ୍ଦିକ ପାଣ୍ଡ୍ୟା୨ଟି ଏବଂ ଅକ୍ଷର ପଟେଲ ଗୋଟିଏ ୱିକେଟ ନେଇ ଆମେରିକାକୁ ରୋକିଥିଲେ । ପରେ ବ୍ୟାଟିଂ କରିଥିବା ଭାରତକୁ ପ୍ରଥମରୁ ବଡ଼ ଝଟକା ଦେଇଥିଲା ଆମେରିକା । ଓପ୍ନର ବିରାଟ କୋହଲି ପ୍ରଥମ ଓଭରର ପ୍ରଥମ ବଲରେ ଏବଂ ଅଧିନାୟକ ରୋହିତ ଶର୍ମା ତୃତୀୟ ଓଭରର ପ୍ରଥମ ବଲରେ ଆଉଟ୍ ହୋଇଥିଲେ । ଦୁଇଟି ଯାକ ୱିକେଟ ନେଇଥିଲେ ନେତ୍ରାଭଲକର । ତେବେ ପରେ ଋଷଭ ପନ୍ତ ୧୮, ସୂର୍ଯ୍ୟ କୁମାର ଯାଦବ ୪୯ ବଲରେ ୫୦ ଏବଂ ଶିବମ ଦୁବେ ୩୧ ରନ୍ କରି ଦଳକୁ ଜିତାଇଥିଲେ । ତେବେ ଜିତିବା ପାଇଁ ଖୁବ୍ ସଂଘର୍ଷ କରିବାକୁ ପଡ଼ିଥିଲା ରୋହିତ ବାହିନୀକୁ । ପ୍ରତିଟି ରନ୍ ସଂଗ୍ରହ ପାଇଁ ବେଶ୍ ପରିଶ୍ରମ କରିବାକୁ ପଡିଥିଲା । ଅବଶ୍ୟ ଏହା ଭିତରେ ଭାରତକୁ ମିଳିଥିବା ୫ଟି ପେନାଲଟି ରନ୍ ଦଳକୁ ଜିତାଇବାରେ ସହାୟକ ହୋଇଥିଲା । ନୂଆ ନିୟମ ଅନୁଯାୟୀ ନୂଆ ଓଭର ଆରମ୍ଭ କରିବା ପାଇଁ ଗୋଟିଏ ମିନିଟ୍ ସମୟ ଦିଆଯାଇଥାଏ । ତେବେ ଆମେରିକା ତିନିଥର ଏହି ନିୟମକୁ ଭାଙ୍ଗିଥିବାରୁ ତା ଉପରେ ୫ ପେନାଲଟି ରନ୍ ଲାଗିଥିଲା । ଅବଶ୍ୟ ଶେଷ ଭାଗରେ ଉଭୟ ଅପରାଜିତ ବ୍ୟାଟର ସୂର୍ଯ୍ୟକୁମାର ଏବଂ ଦୁବେ ସହଜ ଭାବରେ ସଟ୍ ଖେଳି ଦଳକୁ ଜିତାଇ ଦେଇଥିଲେ । ପୂର୍ବରୁ ଭାରତୀୟ ଦଳ ଆୟର୍ଲାଣ୍ଡ ଏବଂ ପାକିସ୍ତାନକୁ ହରାଇଥିଲା । ଗ୍ରୁପରେ ଭାରତ ୩ଟି ମ୍ୟାଚ୍ ଜିତି ସର୍ବାଧିକ ୬ ପଏଣ୍ଟ ପାଇଛି ।
ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…